ಐಬಿಎ ಮಹಿಳಾ ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಶಿಪ್: ಚಿನ್ನ ಗೆದ್ದ ಭಾರತದ ನೀತು ಘಂಘಾಸ್, ಸವೀಟಿ ಬೂರಾ

ನವದೆಹಲಿ: ಶನಿವಾರ ನವದೆಹಲಿಯ ಇಂದಿರಾಗಾಂಧಿ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್‌ನಲ್ಲಿ ನಡೆದ ಐಬಿಎ ಮಹಿಳಾ ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ಇಬ್ಬರು ಬಾಕ್ಸರುಗಳು ಚಿನ್ನ ಗೆದ್ದಿದ್ದಾರೆ.
48 ಕೆಜಿ ಫೈನಲ್‌ನಲ್ಲಿ ನೀತು ಘಂಘಾಸ್ ಅವರು ಮಂಗೋಲಿಯಾದ ಲುತ್ಸೈಖಾನ್ ಅಲ್ಟಾನ್ಸೆಟ್ಸೆಗ್ ಅವರನ್ನು ಸೋಲಿಸಿ ವಿಶ್ವ ಚಾಂಪಿಯನ್ ಆದರು. ನಂತರದ ನಡೆದ ಮೂರು ಬಾರಿ ಏಷ್ಯನ್ ಪದಕ ವಿಜೇತೆ ಸವೀಟಿ ಬೂರಾ ಅವರು 81 ಕೆಜಿ ವಿಭಾಗದಲ್ಲಿ ಅಂತಿಮ ಪಂದ್ಯದಲ್ಲಿ ಚೀನಾದ ವಾಂಗ್ ಲಿನಾ ಅವರನ್ನು ವಿಭಜಿತ ತೀರ್ಪಿನ ಮೂಲಕ ಸೋಲಿಸಿ ವಿಶ್ವ ಚಾಂಪಿನ್‌ ಆದರು.

ಎರಡು ಬಾರಿಯ ವಿಶ್ವ ಯೂತ್ ಚಾಂಪಿಯನ್ ನೀತು ಮೊದಲ ಸುತ್ತಿನಲ್ಲಿ ಅಲ್ಟಾಂಟ್ಸೆಟ್ಸೆಗ್‌ ವಿರುದ್ಧ 5-0 ರಿಂದ ಪ್ರಬಲ ಮುನ್ನಡೆ ಸಾಧಿಸಿದರು. ಆದರೆ ಎರಡನೇ ಸುತ್ತಿನಲ್ಲಿ 3-2ರಲ್ಲಿ ಅಲ್ಟಾಂಟ್ಸೆಟ್ಸೆಗ್‌ ಎಚ್ಚರಿಕೆ ನೀಡಿದರು. ಮೂರನೇ ಸುತ್ತಿನಲ್ಲಿ ನೀತು ಭರ್ಜರಿ ಮುನ್ನಡೆ ಸಾಧಿಸುವ ಮೂಲಕ ಗೆಲುವು ತನ್ನದಾಗಿಸಿಕೊಂಡರು.
2022 ರ ಕಾಮನ್‌ವೆಲ್ತ್ ಗೇಮ್ಸ್ ಚಾಂಪಿಯನ್ ಆಗಿರುವ 22 ವರ್ಷದ ಭಾರತೀಯ, ತನ್ನ ಎರಡನೇ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಸ್ಪರ್ಧಿಸಿದ್ದಾರೆ ಮತ್ತು ಇಲ್ಲಿಯವರೆಗೆ ಅದ್ಭುತ ಪಯಣ ಹೊಂದಿದ್ದು, ರೆಫ್ರಿ ಸ್ಟಾಪ್ಸ್ ಕಾಂಟೆಸ್ಟ್ (RSC) ತೀರ್ಪುಗಳಿಂದ ಮೂರು ವಿಜಯಗಳನ್ನು ದಾಖಲಿಸಿದ್ದಾರೆ.

ಪ್ರಮುಖ ಸುದ್ದಿ :-   ರೈಲು ನಿಲ್ದಾಣದಲ್ಲಿ ವ್ಯಕ್ತಿಯ ಸಾವಿನ ರಹಸ್ಯ ಭೇದಿಸಿದ ರೈಲು ಪ್ರಯಾಣಿಕನ ಮೊಬೈಲ್‌ ಸೆಲ್ಫಿ...!

ತನ್ನ ಎರಡನೇ ವಿಶ್ವ ಚಾಂಪಿಯನ್‌ಶಿಪ್‌ನ ಫೈನಲ್‌ನಲ್ಲಿ ಸ್ಪರ್ಧಿಸಿದ ಸವೀಟಿ (81 ಕೆಜಿ) ಶನಿವಾರದ ಫೈನಲ್‌ನಲ್ಲಿ 2018 ರ ವಿಶ್ವ ಚಾಂಪಿಯನ್ ಚೀನಾದ ವಾಂಗ್ ಲೀನಾ ಅವರನ್ನು ಸೋಲಿಸಿದರು. ಹರಿಯಾಣದ ಅನುಭವಿ ಪುಗಿಲಿಸ್ಟ್ 2014 ರಲ್ಲಿ ನಡೆದ ಸ್ಪರ್ಧೆಯ ಫೈನಲ್‌ನಲ್ಲಿ ಚೀನಾದ ಎದುರಾಳಿಯ ವಿರುದ್ಧ ಬೆಳ್ಳಿಗೆ ತೃಪ್ತಿಪಟ್ಟಿದ್ದರು ಮತ್ತು ಎರಡನೇ ಬಾರಿಗೆ ಅವರು ಚೀನಾ ಎದುರಾಳಿಯನ್ನು ಸೋಲಿಸಿ ವಿಶ್ವ ಚಾಂಪಿಯನ್‌ ಆಗುವ ಮೂಲಕ ಚಿನ್ನ ಗೆದ್ದರು.

ಪ್ರಮುಖ ಸುದ್ದಿ :-   ಲೋಕಸಭೆ ಚುನಾವಣೆ: ಬಿಹಾರದಲ್ಲಿ ಇಂಡಿಯಾ ಮೈತ್ರಿಕೂಟ ಸೀಟು ಹಂಚಿಕೆ ಅಂತಿಮ; ಆರ್‌ಜೆಡಿ 26, ಕಾಂಗ್ರೆಸ್‌ 9 ಸ್ಥಾನಗಳಲ್ಲಿ ಸ್ಪರ್ಧೆ

0 / 5. 0

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement