ಕಳೆದ ಶುಕ್ರವಾರ ಸಂಜೆ ಅಮೆರಿಕದ ಮಿಸ್ಸಿಸ್ಸಿಪ್ಪಿಯಲ್ಲಿ ಮಾರಣಾಂತಿಕ ಸುಂಟರಗಾಳಿ ಬೀಸಿದ ನಂತರ ಕನಿಷ್ಠ 26 ಜನರು ಸಾವಿಗೀಡಾಗಿದ್ದಾರೆ ಮತ್ತು ಅಅನೇಕರು ಗಾಯಗೊಂಡಿದ್ದಾರೆ. ಇದೀಗ, ಮಿಸ್ಸಿಸ್ಸಿಪ್ಪಿಯ ಶಾಲೆಯೊಂದರಲ್ಲಿ ಸುಂಟರಗಾಳಿ ಹೊಕ್ಕಿದ ಭಯಾನಕ ಕ್ಷಣವನ್ನು ಆಘಾತಕಾರಿ ಸಿಸಿಟಿವಿ ವೀಡಿಯೊ ಸೆರೆಹಿಡಿದಿದೆ. ಗಾಳಿಯ ಆರ್ಭಟದ ನಡುವೆ ಸುಂಟರಗಾಳಿಯು ಶಾಲೆಯ ಮೇಲ್ಛಾವಣಿಯನ್ನು ಹಾನಿಗೊಳಿಸುವುದನ್ನು ವೀಡಿಯೊ ತೋರಿಸುತ್ತದೆ.
ಈ ಕ್ಲಿಪ್ ಅನ್ನು ಶಾಲೆಯ ಐಟಿ ನಿರ್ದೇಶಕ ಸ್ಯಾಮ್ ಸ್ಟ್ರಿಕ್ಲ್ಯಾಂಡ್ ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಅವರು ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಸುಂಟರಗಾಳಿಯಿಂದ ಪ್ರಭಾವಿತವಾದ ಶಾಲಾ ಕಾರಿಡಾರ್ ಅನ್ನು ತೋರಿಸುವ ಮೂಲಕ ವೀಡಿಯೊ ಆರಂಭವಾಗುತ್ತದೆ.
ಕಟ್ಟಡದ ಮೇಲ್ಛಾವಣಿಯು ಕಿತ್ತುಹೋಗಿದ್ದರಿಂದ, ವಿದ್ಯುತ್ ಕೇಬಲ್‌ಗಳು ಕಳಚಿ ಬೀಳುವುದು ಕಂಡುಬರುತ್ತದೆ ಮತ್ತು ಎಲ್ಲಾ ದಿಕ್ಕುಗಳಲ್ಲಿ ವಸ್ತುಗಳು ಹಾರಿಹೋಗುತ್ತಿರುವುದು ಕಾಣುತ್ತದೆ. ಸುಂಟರಗಾಳಿಯು ಕಟ್ಟಡದಲ್ಲಿ ಅನಿಲ ಸೋರಿಕೆಯನ್ನು ಪ್ರಚೋದಿಸಿರಬಹುದು ಎಂದು ಅಮೋರಿ ಹೈಸ್ಕೂಲ್ ಅಧಿಕಾರಿಗಳು ಫೇಸ್‌ಬುಕ್‌ನಲ್ಲಿ ಬರೆದಿದ್ದಾರೆ.
ಆದಾಗ್ಯೂ, ಈ ನಿರ್ದಿಷ್ಟ ಹಜಾರವು ಹಾನಿಗೊಳಗಾಗಿದ್ದರೂ, ಶಾಲೆಯು ನಾಶವಾಗಲಿಲ್ಲ ಎಂದು ಸ್ಟ್ರಿಕ್ಲ್ಯಾಂಡ್ ಹೇಳಿದ್ದಾರೆ. ”ಇಡೀ ಶಾಲೆ ಹಾಳಾಗಿದೆ ಅಥವಾ ನಾಶವಾಗಿದೆ ಎಂದು ಸ್ಥಳೀಯ ಪೋಷಕರು ಮತ್ತು ವಿದ್ಯಾರ್ಥಿಗಳಿಗೆ ತಪ್ಪು ಅಭಿಪ್ರಾಯ ನೀಡಲು ನಾವು ಬಯಸುವುದಿಲ್ಲ” ಎಂದು ಅವರು ಹೇಳಿದ್ದಾರೆ.
ಏತನ್ಮಧ್ಯೆ, ಯುಎಸ್ ಅಧ್ಯಕ್ಷ ಜೋ ಬೈಡನ್ ಾವರು ಸುಂಟರಗಾಳಿಯಿಂದ ಪ್ರಭಾವಿತವಾದ ಪ್ರದೇಶಗಳಿಗೆ ತುರ್ತು ಪರಿಸ್ಥಿತಿಯನ್ನು ಘೋಷಿಸಿದ್ದಾರೆ.
ಶ್ವೇತಭವನವು ” ಸಂತ್ರಸ್ತರ ನೆರವಿಗಾಗಿ ತಾತ್ಕಾಲಿಕ ವಸತಿ ಮತ್ತು ಮನೆ ರಿಪೇರಿಗಾಗಿ ಅನುದಾನವನ್ನು ಘೋಷಿಸಿದೆ, ವಿಮೆ ಮಾಡದ ಆಸ್ತಿ ನಷ್ಟವನ್ನು ಸರಿದೂಗಿಸಲು ಕಡಿಮೆ-ಬಡ್ಡಿದರದ ಸಾಲಗಳು ಮತ್ತು ಇತರ ಕಾರ್ಯಕ್ರಮಗಳು, ವ್ಯಕ್ತಿಗಳು ಮತ್ತು ವ್ಯಾಪಾರ ಮಾಲೀಕರಿಗೆ ದುರಂತದ ಪರಿಣಾಮಗಳಿಂದ ಚೇತರಿಸಿಕೊಳ್ಳಲು ಸಹಾಯ ಮಾಡುತ್ತದೆ ಎಂದು ಬೈಡನ್ ಹೇಳಿದ್ದಾರೆ.
ಸಿಎನ್‌ಎನ್‌ (CNN) ಪ್ರಕಾರ, ಚಂಡಮಾರುತವು ಅಲಬಾಮಾ, ಟೆನ್ನೆಸ್ಸೀ ಮತ್ತು ಮಿಸ್ಸಿಸ್ಸಿಪ್ಪಿ ನಿವಾಸಿಗಳನ್ನು ಜರ್ಜರಿತರನ್ನಾಗಿ ಮಾಡಿದೆ. ಹಿಂಸಾತ್ಮಕ ಸುಂಟರಗಾಳಿಯು ಎಲ್ಲಾ ಮೂರು ರಾಜ್ಯಗಳಲ್ಲಿ ಹಾನಿ ಮಾಡಿದೆ. ಸುಂಟರಗಾಳಿಗೆ ಪ್ರಾಥಮಿಕ EF-4 ರೇಟಿಂಗ್ ನೀಡಲಾಯಿತು, ಇದು ಗಂಟೆಗೆ 200 ಮೈಲುಗಳಷ್ಟು ವೇಗದಲ್ಲಿ ಬೀಸುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ