ಮಾರ್ಚ್‌ ತ್ರೈಮಾಸಿಕದಲ್ಲಿ ಸ್ಟೇಟ್‌ ಬ್ಯಾಂಕ್‌ ಲಾಭದಲ್ಲಿ ಶೇ.83ರಷ್ಟು ಜಿಗಿತ : ₹16,694 ಕೋಟಿ ನಿವ್ವಳ ಲಾಭ

ನವದೆಹಲಿ: 2022-23ರ ಆರ್ಥಿಕ ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ನಿವ್ವಳ ಲಾಭದಲ್ಲಿ ಶೇ 83ರಷ್ಟು ಜಿಗಿತ ಕಂಡು ₹16,694.51 ಕೋಟಿಗೆ ತಲುಪಿದೆ ಎಂದು ಎಸ್‌ಬಿಐ ಗುರುವಾರ ವರದಿ ಮಾಡಿದೆ.
2021-22 ಹಣಕಾಸು ವರ್ಷದ ಜನವರಿ-ಮಾರ್ಚ್ ತ್ರೈಮಾಸಿಕದಲ್ಲಿ, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ನಿವ್ವಳ ಲಾಭವು ₹9,113.53 ಕೋಟಿಗಳಷ್ಟಿತ್ತು. 2022-23 ಹಣಕಾಸು ವರ್ಷದ ಮಾರ್ಚ್ ತ್ರೈಮಾಸಿಕದಲ್ಲಿ, ಬ್ಯಾಂಕ್‌ನ ಬಡ್ಡಿ ಆದಾಯವು ಶೇಕಡಾ 31 ರಷ್ಟು ಏರಿಕೆಯಾಗಿ ₹92,951 ಕೋಟಿಗೆ ತಲುಪಿದೆ ಎಂದು ಎಸ್‌ಬಿಐ ನಿಯಂತ್ರಕ ಫೈಲಿಂಗ್‌ನಲ್ಲಿ ತಿಳಿಸಿದೆ. ಮಾರ್ಚ್ ತ್ರೈಮಾಸಿಕದಲ್ಲಿ ಬ್ಯಾಂಕಿನ ಅನುತ್ಪಾದಕ ಸಾಲವು (ಎನ್‌ಪಿಎ) ಅರ್ಧದಷ್ಟು ಕಡಿಮೆಯಾಗಿದ್ದು 3,315.71 ಕೋಟಿ ರೂ.ಗಳಿಗೆ ಇಳಿಕೆ ಕಂಡಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 7.237.45 ಕೋಟಿ ರೂ. ಅನುತ್ಪಾದಕ ಸಾಲ ದಾಖಲಾಗಿತ್ತು.
ಪೂರ್ಣ 2022-23 ಹಣಕಾಸು ವರ್ಷದಲ್ಲಿ, ಎಸ್‌ಬಿಐ ನಿವ್ವಳ ಲಾಭವು ಶೇ 59 ರಷ್ಟು ಏರಿಕೆಯಾಗಿ ₹ 50,232.45 ಕೋಟಿಗೆ ತಲುಪಿದೆ. 2021-22ನೇ ಹಣಕಾಸು ವರ್ಷದಲ್ಲಿ ಲಾಭ ₹31,675.98 ಕೋಟಿಗಳಷ್ಟಾಗಿತ್ತು.
ಪ್ರತಿ ಷೇರಿಗೆ 11.30 ರೂ. ಡಿವಿಡೆಂಡ್
ಭಾರೀ ಲಾಭ ದಾಖಲಾದ ಹಿನ್ನೆಲೆಯಲ್ಲಿ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾದ ಆಡಳಿತ ಮಂಡಳಿಯು ಮಾರ್ಚ್‌ 31ಕ್ಕೆ ಕೊನೆಗೊಂಡ ಹಣಕಾಸು ವರ್ಷದಲ್ಲಿ ಪ್ರತಿ ಈಕ್ವಿಟಿ ಷೇರಿಗೆ 11.30 ರೂ. ಲಾಭಾಂಶ ನೀಡಲು ಶಿಫಾರಸು ಮಾಡಿದೆ. ಈ ಲಾಭಾಂಶವನ್ನು ಜೂನ್ 14 ರೊಳಗೆ ಪಾವತಿಸಲಾಗುವುದು ಎಂದು ಬ್ಯಾಂಕ್ ತಿಳಿಸಿದೆ.

ಪ್ರಮುಖ ಸುದ್ದಿ :-   ನಿಮ್ಮವನಾಗಿದ್ದೆ...ಯಾವಾಗಲೂ ನಿಮ್ಮವನಾಗಿಯೇ ಇರ್ತೇನೆ..: ಬಿಜೆಪಿ ಟಿಕೆಟ್ ನಿರಾಕರಣೆ ನಂತ್ರ ಪಿಲಿಭಿತ್‌ ಜನತೆಗೆ ʼಹೃದಯಸ್ಪರ್ಶಿʼ ಪತ್ರ ಬರೆದ ವರುಣ ಗಾಂಧಿ

0 / 5. 0

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement