ವ್ಯಕ್ತಿಯ ಸ್ಥೂಲಕಾಯ, ವಯಸ್ಸು ಹಾಗೂ ಕೊರೊನಾ ಸೋಂಕಿನ ಪ್ರಮಾಣ ಉಸಿರಾಡುವ ವೈರಸ್ ಕಣಗಳ ಮೇಲೆ ಪ್ರಭಾವ ಬೀರುತ್ತದೆ ಎಂದು ಅಧ್ಯಯನ ವರದಿಯೊಂದು ತಿಳಿಸಿದೆ.
೧೯೪ ವ್ಯಕ್ತಿಗಳ ಅಧ್ಯಯನ ನಡೆಸಿದ ಪಿಎನ್‌ಎಎಸ್‌ ಸಂಶೋಧನಾ ನಿಯತಕಾಲಿಕೆ ವರದಿ ಮಾಡಿದೆ. ಸಂಶೋಧನೆಯನ್ವಯ ಏರೋಸಾಲ್‌ ಕಣಗಳು ವ್ಯಕ್ತಿಯ ವಯಸ್ಸು, ವೈರಸ್ ಸ್ಥಿತಿ, ದೇಹದ ಸ್ಥೂಲತೆಯನ್ನು ಆಧರಿಸಿ ಬದಲಾವಣೆಯಾಗುತ್ತಿರುತ್ತದೆ.
ಇತರ ಸಾಂಕ್ರಾಮಿಕ ರೋಗಗಳಲ್ಲಿ ಕಂಡುಬರುವ ಈ ನಿಯಮದ ಪ್ರಕಾರ, ಶೇಕಡಾ 20 ರಷ್ಟು ಸೋಂಕಿತ ವ್ಯಕ್ತಿಗಳು 80 ಪ್ರತಿಶತದಷ್ಟು ಸೋಂಕು ಹರಡುವಿಕೆಗೆ ಕಾರಣರಾಗಿದ್ದಾರೆ.
ಕೊರೊನಾ ಸೋಂಕಿತ ವ್ಯಕ್ತಿ ಎರಡು ವಾರಗಳ ನಂತರ ಸಾಮಾನ್ಯ ಸ್ಥಿತಿಗೆ ಬರುವ ಮೊದಲು ಸೋಂಕು ಕಾಣಿಸಿಕೊಂಡ ಒಂದು ವಾರದ ನಂತರ ಗರಿಷ್ಠ ಮಟ್ಟವನ್ನು ತಲುಪುತ್ತದೆ ಎಂದು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ. ಸೋಂಕು ಹೆಚ್ಚಿದಂತೆ ವೈರಸ್ ಕಣಗಳು ಚಿಕ್ಕದಾಗುತ್ತವೆ. ಸೋಂಕಿನ ಉತ್ತುಂಗ ಸ್ಥಿತಿಯಲ್ಲಿ ೧ ಮೈಕ್ರಾನ್‌ ಗಾತ್ರ ತಲುಪುತ್ತವೆ ಎಂದು ತಿಳಿಸಿದ್ದಾರೆ.
COVID-19 ನ ಲಕ್ಷಣರಹಿತ ಪ್ರಕರಣಗಳಲ್ಲಿಯೂ ಸಹ ಬಿಡಿಸಿದ ಏರೋಸಾಲ್‌ಗಳ ಹೆಚ್ಚಳ ಸಂಭವಿಸಿದೆ ಎಂದು ಅವರು ಹೇಳಿದರು.
ಕ್ಷಯರೋಗದಂತಹ ಇತರ ಸಾಂಕ್ರಾಮಿಕ ಕಾಯಿಲೆಗಳ ತೀವ್ರವಾದ ಸೋಂಕಿನ ಹಂತದಲ್ಲಿ ಏರೋಸಾಲ್‌ ಹನಿಗಳ ಹೆಚ್ಚಳವನ್ನು ನಾವು ನೋಡಿದ್ದೇವೆ ಎಂದು ಅಮೆರಿಕದ ಟುಲೇನ್ ನ್ಯಾಷನಲ್ ಪ್ರೈವೇಟ್‌ ರಿಸರ್ಚ್ ಸೆಂಟರ್‌ನ ಪ್ರಬಂಧದ ಸಹ ಲೇಖಕ ಚಾಡ್ ರಾಯ್ ಹೇಳಿದ್ದಾರೆ.
ಸೋಂಕಿತ ವ್ಯಕ್ತಿಯು ಹರಡಬಹುದಾದ ವೈರಸ್ ಕಣಗಳ ಪ್ರಮಾಣವನ್ನು ಪ್ರಭಾವಿಸುವ ಇತರ ಅಂಶಗಳನ್ನು ನಿರ್ಧರಿಸಲು ಹೆಚ್ಚಿನ ಅಧ್ಯಯನಗಳು ಅಗತ್ಯ ಎಂದು ಅವರು ತಿಳಿಸಿದರು.
ಉಸಿರಾಟದ ಹನಿ ಉತ್ಪಾದನೆಯ ಮೂಲ ಅರ್ಥಮಾಡಿಕೊಳ್ಳುವುದು ಮತ್ತು ಉಸಿರಾಡುವ ಮಾರ್ಗದ ಲೋಳೆಯ ಮೇಲ್ಮೈಗಳ ಸ್ಥಿರೀಕರಣದ ಮೂಲಕ ಅದನ್ನು ನಿಯಂತ್ರಿಸುವುದು ಕೊರೊನಾ ಸೋಂಕು ಪ್ರಸರಣವನ್ನು ಕಡಿಮೆ ಮಾಡಲು ಪರಿಣಾಮಕಾರಿ ವಿಧಾನಗಳಿಗೆ ಕಾರಣವಾಗಬಹುದು ಎಂದು ವಿಜ್ಞಾನಿಗಳು ಪ್ರಬಂಧದಲ್ಲಿ ಬರೆದಿದ್ದಾರೆ
ನಿಮ್ಮ ಕಾಮೆಂಟ್ ಬರೆಯಿರಿ