ಚಳಿಗಾಲದ ಅಂತ್ಯಕ್ಕೆ ಇಂಧನ ಬೆಲೆ ಕುಸಿತ: ಪೆಟ್ರೋಲಿಯಂ ಸಚಿವ ಪ್ರಧಾನ್‌ ವಿಶ್ವಾಸ

ಇಂಧನ ಬೆಲೆ ಚಳಿಗಾಲದ ಅಂತ್ಯಕ್ಕೆ ಕಡಿಮೆಯಾಗಲಿದೆ ಎಂದು ಕೇಂದ್ರ ಪೆಟ್ರೋಲಿಯಂ ಸಚಿವ ಧರ್ಮೇಂದ್ರ ಪ್ರಧಾನ್‌ ಹೇಳಿದ್ದಾರೆ.
ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪೆಟ್ರೋಲಿಯಂ ಬೆಲೆಯಲ್ಲಿನ ಹೆಚ್ಚಳ ಗ್ರಾಹಕರ ಮೇಲೆ ವ್ಯಾಪಕ ಪರಿಣಾಮ ಬೀರಿದೆ. ಚಳಿಗಾಲವು ಮುಗಿಯುತ್ತಿದ್ದಂತೆ ಬೆಲೆಗಳು ಸ್ವಲ್ಪ ಕಡಿಮೆಯಾಗುತ್ತವೆ. ಇಂಧನ ಬೆಲೆ ಹೆಚ್ಚಳವು ಅಂತರರಾಷ್ಟ್ರೀಯ ವಿಷಯವಾಗಿದೆ. ಬೇಡಿಕೆಯ ಹೆಚ್ಚಳದಿಂದಾಗಿ ಬೆಲೆ ಹೆಚ್ಚಾಗಿದೆ. ಚಳಿಗಾಲದಲ್ಲಿ ಇದು ಸಂಭವಿಸುತ್ತದೆ ಎಂದು ತಿಳಿಸಿದರು.
ದೇಶದ ಮೊದಲ ತೈಲ ನಿಕ್ಷೇಪಗಳು ಅಸ್ಸಾಂನ ಡಿಗ್ಬಾಯ್ ಮತ್ತು ದುಲಿಯಾಜನ್ ಪ್ರದೇಶಗಳ ಬಳಿ ಪತ್ತೆಯಾಗಿವೆ ಮತ್ತು ದೇಶದ ತೈಲ ಸಂಪನ್ಮೂಲಗಳಲ್ಲಿ ಶೇಕಡಾ 18 ರಷ್ಟು ಈಶಾನ್ಯ ಪೂರ್ವ ಪ್ರದೇಶದಲ್ಲಿ (ಎನ್ಇಆರ್) ಇದೆ. ಅಸ್ಸಾಂ, ಅರುಣಾಚಲ, ನಾಗಾಲ್ಯಾಂಡ್, ಮಿಜೋರಾಂ, ತ್ರಿಪುರ ತೈಲ ಮತ್ತು ಅನಿಲ ನಿಕ್ಷೇಪಗಳಿಂದ ತುಂಬಿರುವ ಪ್ರದೇಶಗಳು. 2014 ರಲ್ಲಿ ಮೋದಿ ಸರ್ಕಾರ ಅಧಿಕಾರಕ್ಕೆ ಬಂದಾಗಿನಿಂದ ಪರಿಶೋಧನೆ, ಸಂಸ್ಕರಣೆ ಮತ್ತು ಅನಿಲ ಉತ್ಪಾದನಾ ಸಾಮರ್ಥ್ಯವನ್ನು ಹೆಚ್ಚಿಸಲು ಮೂಲಸೌಕರ್ಯಗಳಿಗೆ ಒತ್ತು ನೀಡಲಾಗಿದೆ.