ಮಸೀದಗಳ ಮೇಲೆ ಯಾವುದೇ ಬಣ್ಣ ಎಸೆಯುವ ಘಟನೆಗಳನ್ನು ತಡೆಗಟ್ಟಲು ಉತ್ತರ ಪ್ರದೇಶದ ಶಹಜಹಾನ್ಪುರದ ಸುಮಾರು 43 ಮಸೀದಿಗಳನ್ನು ಪ್ಲಾಸ್ಟಿಕ್ ಹಾಳೆಗಳು ಹಾಗೂ ಟರ್ಪಾಲಿನ್‌ಗಳಿಂದ ಮುಚ್ಚಲಾಗಿದೆ.
ಈ ಕುರಿತು ಓಪಿಂಡಿಯಾ ವರದಿ ಮಾಡಿದೆ. ಹೋಳಿಯಲ್ಲಿ ಸಾಂಪ್ರದಾಯಿಕ ‘ಲಾತ್ ಸಾಹೇಬ್ ಕಾ ಜುಲೂಸ್’ (ಲಾತ್ ಸಾಹೇಬ್ ಮೆರವಣಿಗೆ) ಸಂದರ್ಭದಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡಲು ಹಜಹಾನ್ಪುರ್ ಪೊಲೀಸರು ಜಿಲ್ಲೆಯ ಸುಮಾರು 43 ಮಸೀದಿಗಳನ್ನು ಪ್ಲಾಸ್ಟಿಕ್ ಹಾಳೆಗಳು ಮತ್ತು ಟಾರ್ಪಾಲಿನ್‌ ಗಳಿಂದ ಮುಚ್ಚಿದ್ದಾರೆ.
ಜೂತಾ ಮಾರ್ ಹೋಳಿ’ ಎಂದೂ ಕರೆಯಲ್ಪಡುವ ವಾರ್ಷಿಕ ‘ಲಾತ್ ಸಾಹೇಬ್ ಕಾ ಜುಲೂಸ್’ ಮೆರವಣಿಗೆಯನ್ನು ಶಹಜಹಾನ್ಪುರದ ಹೋಳಿಯಲ್ಲಿ ಆಯೋಜಿಸಲಾಗಿದೆ. 18ನೇ ಶತಮಾನದ ಸಂಪ್ರದಾಯವು ಜನರು ‘ಲಾತ್ ಸಾಬ್’ ನಲ್ಲಿ ಪಾದರಕ್ಷೆಗಳನ್ನು ಎಸೆಯುವುದನ್ನು ಒಳಗೊಂಡಿರುತ್ತದೆ, ಈ ಸಂದರ್ಭದಲ್ಲಿ ಎಮ್ಮೆ ಬಂಡಿಯ ಮೇಲೆ ಕುಳಿತು ಬ್ರಿಟಿಷರನ್ನು ನಿರೂಪಿಸುತ್ತಾರೆ.
ಮೆರವಣಿಗೆ ಸೂಕ್ಷ್ಮ ಪ್ರದೇಶಗಳ ಮೂಲಕ ಹಾದುಹೋಗುತ್ತದೆ, ಅಲ್ಲಿ ಜನರು ಮೊದಲು ‘ಲಾತ್ ಸಾಹೇಬ’ನಿಗೆ ನಮಸ್ಕರಿಸುತ್ತಾರೆ ಮತ್ತು ನಂತರ ಅವರನ್ನು ಬೂಟುಗಳು ಮತ್ತು ಪೊರಕೆಗಳಿಂದ ಹೊಡೆದು ದೇಶದಲ್ಲಿ ಬ್ರಿಟಿಷ್ ಆಡಳಿತದ ಬಗ್ಗೆ ತಮ್ಮ ಕೋಪ ಮತ್ತು ದ್ವೇಷವನ್ನು ತೋರಿಸುತ್ತಾರೆ.
ಮೆರವಣಿಗೆ ಮಾರ್ಗದಲ್ಲಿರುವ ಮಸೀದಿಗಳನ್ನು ಪ್ಲಾಸ್ಟಿಕ್ ಹಾಳೆಗಳಿಂದ ಮೇಲಿನಿಂದ ಕೆಳಕ್ಕೆ ಮುಚ್ಚಲಾಗುವುದು. ಜನರಿಗೆ ಯಾವುದೇ ಬಣ್ಣ ಅಥವಾ ಯಾವುದೇ ಆಕ್ಷೇಪಾರ್ಹ ವಸ್ತುವನ್ನು ಮಸೀಗಳ ಮೇಲೆ ಎಸೆಯದಂತೆ ಕ್ರಮ ಕೈಗೊಳ್ಳಲಾಗಿದೆ, ಆದರೂ ಯಾವುದೇ ಅಹಿತ ಘಟನೆ ನಡೆಯದಂತೆ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಶಹಜಹಾನ್ಪುರ ನಗರ ಪೊಲೀಸ್ ವರಿಷ್ಠಾಧಿಕಾರಿ ಸಂಜಯ್ ಕುಮಾರ್ ಹೇಳಿದ್ದಾರೆ.
ಮಸೀದಿಗಳ ಮುಂಭಾಗವನ್ನು ಹೋರ್ಡಿಂಗ್‌ಗಳಿಂದ ಮುಚ್ಚಲಾಗಿದೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ. ಸೋಮವಾರ ನಡೆಯಲಿರುವ ‘ಜೂತಾ ಮಾರ್’ ಹೋಳಿ ’ಕಾರ್ಯಕ್ರಮಕ್ಕಾಗಿ ಶಹಜಹಾನ್‌ಪುರದಲ್ಲಿ ಸಾವಿರಾರು ಜನರು ಸೇರುವ ನಿರೀಕ್ಷೆಯಿದೆ.
ಒಂಟೆಯ ಮೇಲೆ ಕುಳಿತಿರುವ ನವಾಬನೊಂದಿಗೆ ಜನರು ಮೆರವಣಿಗೆ ನಡೆಸುವ ಸಂಪ್ರದಾಯವು 1857 ರವರೆಗೆ ಮುಂದುವರೆಯಿತು.
ಆದಾಗ್ಯೂ, ಹಿಂದೂ-ಮುಸ್ಲಿಂ ಐಕ್ಯತೆಯನ್ನು ಸಂಕೇತಿಸುವ ಘಟನೆಯನ್ನು ಬ್ರಿಟಿಷರು ಇಷ್ಟಪಡಲಿಲ್ಲ, 1859 ರಲ್ಲಿ, ನವಾಬ್ ಹೋಳಿಯ ಮೆರವಣಿಗೆ ಹೊರತೆಗೆಯುತ್ತಿದ್ದಂತೆ, ಬ್ರಿಟಿಷ್ ಆಡಳಿತಗಾರರ ಪ್ರಚೋದನೆಯ ಮೇರೆಗೆ ಪಾದರಕ್ಷೆಗಳನ್ನು ಅದರ ಮೇಲೆ ಎಸೆಯಲಾಯಿತು.
1947 ರಲ್ಲಿ ಸ್ವಾತಂತ್ರ್ಯದ ನಂತರ, ಸಂಪ್ರದಾಯವನ್ನು ಮತ್ತೊಮ್ಮೆ ಪ್ರಾರಂಭಿಸಲಾಯಿತು, ಮತ್ತು ಆಡಳಿತವು ದಬ್ಬಾಳಿಕೆಯ ಬ್ರಿಟಿಷ್ ಆಡಳಿತವನ್ನು ಸಂಕೇತಿಸಲು ಮೆರವಣಿಗೆಯ ಹೆಸರನ್ನು ‘ಲಾತ್ ಸಾಬ್’ ಎಂದು ಬದಲಾಯಿಸಿತು. ಅಂದಿನಿಂದ, ಆಚರಣೆ ಮುಂದುವರಿದಿದೆ. ಆಚರಣೆಗಳು ಎರಡು ಭಾಗಗಳನ್ನು ಹೊಂದಿವೆ – ‘ಬಡೆ ಲಾತ್ ಸಾಬ್’ ಮತ್ತು ‘ಛೋಟೆ ಲಾತ್ ಸಾಬ್’ ಎಂದು ಎರಡು ಮೆರವಣಿಗೆಗಳು ನಡೆಯುತ್ತವೆ.
ನಿಮ್ಮ ಕಾಮೆಂಟ್ ಬರೆಯಿರಿ