ಲಕ್ನೋ: ಉತ್ತರ ಪ್ರದೇಶ ಪೊಲೀಸರ ವಿಶೇಷ ಕಾರ್ಯಪಡೆಯ (ಎಸ್ಟಿಎಫ್) ಐವರು ಸದಸ್ಯರ ತಂಡವು ಮಥುರಾ ನ್ಯಾಯಾಲಯದಲ್ಲಿ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾದ (ಪಿಎಫ್‌ಐ) ಎಂಟು ಸದಸ್ಯರ ವಿರುದ್ಧ 5,000 ಪುಟಗಳ ಚಾರ್ಜ್ಶೀಟ್ ಸಲ್ಲಿಸಿದೆ.
ಮುಂದಿನ ವಿಚಾರಣೆಗೆ ಮಥುರಾ ಹೆಚ್ಚುವರಿ ಜಿಲ್ಲಾ ನ್ಯಾಯಾಧೀಶರು ಮತ್ತು ಸೆಷನ್ಸ್ ನ್ಯಾಯಾಲಯವು ಮೇ 1 ರಂದು ಪೋಸ್ಟ್ ಮಾಡಿದೆ.
ಚಾರ್ಜ್‌ಶೀಟ್‌ನಲ್ಲಿ ಹೆಸರಿಸಲ್ಪಟ್ಟವರು ಸಿದ್ದಿಕ್ ಕಪ್ಪನ್ (ಪತ್ರಕರ್ತ), ಅತೀಕೂರ್ ರೆಹಮಾನ್, ರವೂಫ್ ಷರೀಫ್, ಮೊಹಮ್ಮದ್ ಡ್ಯಾನಿಶ್, ಆಲಂ, ಮಸೂದ್ ಅಹ್ಮದ್, ಫಿರೋಜ್ ಖಾನ್, ಮತ್ತು ಅಸಾದ್ ಬದ್ರುದ್ದೀನ್. ಉತ್ತರ ಪ್ರದೇಶದಲ್ಲಿ ಅಶಾಂತಿ ಮತ್ತು ಗಲಭೆಗಳನ್ನು ಸೃಷ್ಟಿಸುವ ಉದ್ದೇಶದಿಂದ ಮಸ್ಕತ್ ಮತ್ತು ದೋಹಾ ಮೂಲದ ಹಣಕಾಸು ಸಂಸ್ಥೆಗಳಿಂದ 80 ಲಕ್ಷ ರೂ. ಹಣ ಪಡೆದ ಆರೋಪ ಹೊರಿಸಲಾಗಿದೆ.
ಆರಂಭದಲ್ಲಿ, ಎಸ್ಟಿಎಫ್ 2020 ರ ಅಕ್ಟೋಬರ್ 5 ರಂದು ಮಥುರಾದಲ್ಲಿ ಸಿದ್ದಿಕ್ ಕಪ್ಪನ್ ಸೇರಿದಂತೆ ಐವರು ಪಿಎಫ್‌ಐ ಸದಸ್ಯರನ್ನು ಬಂಧಿಸಿತ್ತು, ಅವರು ಬಲ್ಗರಿ ಗ್ರಾಮದಲ್ಲಿ ಸಾಮೂಹಿಕ ಅತ್ಯಾಚಾರಕ್ಕೊಳಗಾದ ದಲಿತ ಹುಡುಗಿಯ ಕುಟುಂಬವನ್ನು ಭೇಟಿಯಾಗಲು ಹತ್ರಾಸ್‌ಗೆ ತೆರಳುತ್ತಿದ್ದಾಗ ರಾಷ್ಟ್ರವ್ಯಾಪಿ ಆಕ್ರೋಶಕ್ಕೆ ಕಾರಣರಾಗಿದ್ದರು.
ಮೂಲಗಳ ಪ್ರಕಾರ, ದಲಿತ ಬಾಲಕಿಯ ಮೇಲೆ ಸಾಮೂಹಿಕ ಅತ್ಯಾಚಾರದ ನಂತರ ಆಕೆಯನ್ನು ಕೊಲ್ಲುವ ಉದ್ದೇಶದಿಂದ ದುಷ್ಕರ್ಮಿಗಳು ಥಳಿಸಿದ್ದರು. ಸಂತ್ರಸ್ತೆ ನಂತರ ಸೆಪ್ಟೆಂಬರ್ 29, 2020 ರಂದು ನವದೆಹಲಿಯ ಸಫ್ದರ್ಜಂಗ್ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದರು. ಈ ಘಟನೆ ನಂತರ ಹತ್ರಾಸ್ ಮತ್ತು ಪಕ್ಕದ ಜಿಲ್ಲೆಗಳಲ್ಲಿ ಜಾತಿ ಗಲಭೆ ನಡೆಸಲು ಸಂಚು ರೂಪಿಸಿದ್ದಕ್ಕಾಗಿ ವಿಶೇಷ ಕಾರ್ಯ ಪಡೆ ಪಿಎಫ್‌ಐ ಸದಸ್ಯರ ಮೇಲೆ ದೋಷಾರೋಪಣೆ ಮಾಡಿದೆ.
ಎಸ್ಟಿಎಫ್ ಚಾರ್ಜ್‌ಶೀಟ್‌ನಲ್ಲಿ ಹೆಸರಿಸಿರುವವರಲ್ಲಿ ಮೊಹಮ್ಮದ್ ಡ್ಯಾನಿಶ್ ಕೂಡ ಸೇರಿದ್ದಾರೆ ಎಂದು ಮೂಲಗಳು ಹೇಳಿಕೊಂಡಿದ್ದು, ಈಶಾನ್ಯ ದೆಹಲಿಯಲ್ಲಿ ಕೋಮು ಗಲಭೆಗಳನ್ನು ಪ್ರಚೋದಿಸುವ ಸಂಚು ರೂಪಿಸಿದ್ದಕ್ಕಾಗಿ ದೆಹಲಿ ಪೊಲೀಸರು ಈತನನ್ನು ಬಂಧಿಸಿದ್ದಾರೆ.
ಚಾರ್ಜ್‌ಶೀಟ್‌ನಲ್ಲಿ ಹೆಸರಿಸಲಾದವರ ಮೇಲೆ ದೇಶದ್ರೋಹ, ಗಲಭೆ ಉಂಟುಮಾಡುವ ಉದ್ದೇಶದಿಂದ ಪ್ರಚೋದನೆ, ಯಾವುದೇ ವರ್ಗದ ಧರ್ಮವನ್ನು ಅವಮಾನಿಸುವ ಉದ್ದೇಶದಿಂದ ಪೂಜಾ ಸ್ಥಳಗಳನ್ನು ಅಪವಿತ್ರಗೊಳಿಸುವುದು, ಕಾನೂನುಬಾಹಿರವಾಗಿ ಭಯೋತ್ಪಾದಕ ಕೃತ್ಯಕ್ಕೆ ಹಣ ಸಂಗ್ರಹಿಸುವುದು ಎಂಬ ಆರೋಪದಡಿ ಪ್ರಕರಣ ದಾಖಲಿಸಲಾಗಿದೆ ಎಂದು ಎಸ್ಟಿಎಫ್ ಮೂಲಗಳು ಹೇಳಿಕೊಂಡಿವೆ.
ಅಕ್ಟೋಬರ್ 5 ರಂದು ಉತ್ತರ ಪ್ರದೇಶ ಪೊಲೀಸರು ಐವರು ಪಿಎಫ್‌ಐ ಕಾರ್ಯಕರ್ತರನ್ನು ಶಾಂತಿ ಉಲ್ಲಂಘಿಸುವ ಉದ್ದೇಶ ಹೊಂದಿದ್ದಾರೆಂದು ಆರೋಪಿಸಿ ಬಂಧಿಸಿದ್ದರು. ಕೇರಳದ ಪತ್ರಕರ್ತ ಸಿದ್ದಿಕ್ ಕಪ್ಪನ್ ಕುಟುಂಬವು ರಾಜ್ಯದಲ್ಲಿ ಅನೇಕ ಪ್ರತಿಭಟನೆಗಳನ್ನು ನಡೆಸಿದೆ.
ಈ ಹಿಂದೆ ಬಂಧಿಸಲ್ಪಟ್ಟ ಪಿಎಫ್‌ಐ ಸದಸ್ಯರಾದ ಕಪ್ಪನ್, ಅತೀಕ್-ಉರ್-ರೆಹಮಾನ್, ಮಸೂದ್ ಅಹ್ಮದ್, ಆಲಂ ಮತ್ತು ರೌಫ್ ಅವರನ್ನು ಕಠಿಣ ಯುಎಪಿಎ ಅಡಿಯಲ್ಲಿ ದಾಖಲಿಸಲಾಗಿದೆ. “ಪಿತೂರಿಯ” ಭಾಗವಾಗಿ “ಶಾಂತಿಯನ್ನು ಉಲ್ಲಂಘಿಸುವ” ಉದ್ದೇಶದಿಂದ ಅವರು ಹತ್ರಾಸ್‌ಗೆ ಹೋಗುತ್ತಿದ್ದಾರೆ ಎಂದು ಅವರ ವಿರುದ್ಧದ ಎಫ್‌ಐಆರ್ ದಾಖಲಾಗಿದೆ.
ನಂತರ, ಫೆಬ್ರವರಿ 21, 2021 ರಂದು ಲಖನೌದಲ್ಲಿ ವಿಶೇಷ ಕಾರ್ಯಪಡೆ (ಎಸ್ಟಿಎಫ್) ಇನ್ನೂ ಇಬ್ಬರು ಪಿಎಫ್‌ಐ ಕಾರ್ಯಕರ್ತರಾದ ಫಿರೋಜ್ ಖಾನ್ ಮತ್ತು ಅಸಾದ್ ಬದ್ರುದ್ದೀನ್ ಅವರನ್ನು ಬಂಧಿಸಿತ್ತು. ಸ್ಫೋಟಕಗಳು, ಶಸ್ತ್ರಾಸ್ತ್ರಗಳು ಮತ್ತು ಇತರ ದಾಖಲೆಗಳ ದೊಡ್ಡ ಸಂಗ್ರಹವನ್ನು ಅವರ ಬಳಿಯಿಂದ ವಶಪಡಿಸಿಕೊಳ್ಳಲಾಗಿದೆ. ಅವರು ಉತ್ತರಪ್ರದೇಶದಲ್ಲಿ ಸರಣಿ ಸ್ಫೋಟಕ್ಕೆ ಯೋಜಿಸುತ್ತಿದ್ದರು.
ಮಾರ್ಚ್ 31 ರಂದು ನಡೆದ ಕೊನೆಯ ವಿಚಾರಣೆಯ ವೇಳೆ, ಮಥುರಾದ ಹೆಚ್ಚುವರಿ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಧೀಶ (ಪ್ರಥಮ) ಅನಿಲ್ ಕುಮಾರ್ ಪಾಂಡೆ ಅವರ ನ್ಯಾಯಾಲಯವು ಏಪ್ರಿಲ್ 3 ರಂದು ವಿಚಾರಣೆಗೆ ಪೋಸ್ಟ್ ಮಾಡಿದ್ದು, ಅವರ ವಿರುದ್ಧ ಚಾರ್ಜ್ಶೀಟ್ ಸಲ್ಲಿಸಲು ಎಸ್ಟಿಎಫ್ ಇನ್ನೂ ಎರಡು ದಿನಗಳನ್ನು ಕೋರಿದೆ. ಚಾರ್ಜ್ಶೀಟ್ ಸಲ್ಲಿಸುವ ಸಮಯ ಮಿತಿ ಏಪ್ರಿಲ್ 4 ಕ್ಕೆ ಮುಕ್ತಾಯಗೊಳ್ಳುವುದರಿಂದ, ಎಸ್ಟಿಎಫ್ ಅದನ್ನು ಶನಿವಾರ ಸಲ್ಲಿಸಿದೆ.ಎಲ್ಲಾ ಆರೋಪಿ ಪಿಎಫ್‌ಐ ಸದಸ್ಯರನ್ನು ಮಥುರಾ ಜೈಲಿನಲ್ಲಿ ಇರಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ