2021 ರ ಮಾರ್ಚ್ 31 ಕ್ಕೆ ಕೊನೆಗೊಂಡ ಹಣಕಾಸು ವರ್ಷದಲ್ಲಿ 1.84 ಲಕ್ಷ ಕೋಟಿ ರೂ.ಗಳ ಹೊಸ ಹೊಸ ವ್ಯವಹಾರ ಪ್ರೀಮಿಯಂ ಸಂಗ್ರಹವಾಗಿದೆ ಎಂದು ದೇಶದ ಅತಿದೊಡ್ಡ ಜೀವ ವಿಮೆದಾರ ಎಲ್ಐಸಿ ಮಂಗಳವಾರ ತಿಳಿಸಿದೆ.
ಸಂಖ್ಯೆ ಪ್ರಾವಿಜನಲ್‌ ಎಂದು ಎಲ್ಐಸಿ ಹೇಳಿದೆ. ಮಾರ್ಚ್ 2021 ರ ಪಾಲಿಸಿಗಳ ಸಂಖ್ಯೆಯಲ್ಲಿ ಅದರ ಮಾರುಕಟ್ಟೆ ಪಾಲು ಶೇ .81.04 ಮತ್ತು ಪೂರ್ಣ ವರ್ಷದಲ್ಲಿ ಶೇ 74.58 ರಷ್ಟಿದೆ ಎಂದು ಎಲ್ಐಸಿ ಪ್ರಕಟಣೆಯಲ್ಲಿ ತಿಳಿಸಿದೆ.
2020-21ರ ಆರ್ಥಿಕ ಅವಧಿಯಲ್ಲಿ, ಎಲ್‌ಐಸಿಯು ವೈಯಕ್ತಿಕ ಭರವಸೆ ವ್ಯವಹಾರದಲ್ಲಿ ಮೊದಲ ವರ್ಷದ ಪ್ರೀಮಿಯಂ ಆದಾಯವನ್ನು 56,406 ಕೋಟಿ ರೂ.ಗಳಷ್ಟು ಸಾಧಿಸಿದೆ. ಇದು ಎಫ್‌ವೈ 20 ಕ್ಕೆ ಹೋಲಿಸಿದರೆ ಶೇಕಡಾ 10.11 ರಷ್ಟು ಹೆಚ್ಚಾಗಿದೆ.
ಇದು 2.10 ಕೋಟಿ ಪಾಲಿಸಿಗಳನ್ನು ಸಂಗ್ರಹಿಸಿದ್ದು, ಈ ಪೈಕಿ ಮಾರ್ಚ್‌ನಲ್ಲಿ ಮಾತ್ರ 46.72 ಲಕ್ಷ ಸಂಗ್ರಹಿಸಲಾಗಿದ್ದು, ಇದೇ ತಿಂಗಳಲ್ಲಿ ಆರ್ಥಿಕ ವರ್ಷ 2020ಕ್ಕೆ ಹೋಲಿಸಿದರೆ ಶೇ 298.82 ರಷ್ಟು ಬೆಳವಣಿಗೆ ದಾಖಲಿಸಿದೆ ಎಂದು ಪ್ರಕಟಣೆ ತಿಳಿಸಿದೆ.
ಮೊದಲ ವರ್ಷದ ಪ್ರೀಮಿಯಂನಲ್ಲಿ ಅದರ ಮಾರುಕಟ್ಟೆ ಪಾಲು ಮಾರ್ಚಿನಲ್ಲಿ ಶೇಕಡಾ 64.74 ಮತ್ತು ಇಡೀ ಹಣಕಾಸು ವರ್ಷದಲ್ಲಿ 66.18 ರಷ್ಟಿದೆ. ವಿಮಾದಾರರ ಪಿಂಚಣಿ ಮತ್ತು ಗುಂಪು ಯೋಜನೆಗಳು ಹೊಸ ದಾಖಲೆಯನ್ನು ಸೃಷ್ಟಿಸಿದ್ದು, ಹೊಸ ವ್ಯಾಪಾರ ಪ್ರೀಮಿಯಂ ಆದಾಯ 1.27 ಲಕ್ಷ ಕೋಟಿ ಗಳಿಸಿದ್ದು ಇದುವರೆಗಿನ ದಾಖಲೆಯಾಗಿದೆ. ಮಾರ್ಚ್ 31, 2020 ಕ್ಕೆ ಕೊನೆಗೊಂಡ ಹಿಂದಿನ ವರ್ಷದಲ್ಲಿ ಇದು 1.26 ಲಕ್ಷ ಕೋಟಿ ರೂ.ಗಳಾಗಿತ್ತು. ಮಾರಾಟವಾದ ಹೊಸ ಯೋಜನೆಗಳ ಸಂಖ್ಯೆಯು 31,795 ರ ಹೊಸ ದಾಖಲೆ ಕಂಡಿದೆ ಎಂದು ತಿಳಿಸಿದೆ.
3,45,469 ಏಜೆಂಟರ ಸೇರ್ಪಡೆಯೊಂದಿಗೆ, ಎಲ್ಐಸಿ ಈಗ 13,53,808 ಏಜೆಂಟರ ಬಲವಾದ ಮಾರಾಟ ಬಲ ಹೊಂದಿದೆ. ವರ್ಷದಲ್ಲಿ, ವಿಮೆದಾರರು 16,564 ಎಂಡಿಆರ್ಟಿ (ಮಿಲಿಯನ್ ಡಾಲರ್ ರೌಂಡ್ ಟೇಬಲ್) ಅರ್ಹತೆಗಳನ್ನು ಸೃಷ್ಟಿಸಿದ್ದಾರೆ ಎಂದು ಹೇಳಿದೆ.
ಎಂಡಿಆರ್ಟಿ ಏಜೆಂಟ್ ಎಂದರೆ ಜನವರಿ 1 ರಿಂದ ಡಿಸೆಂಬರ್ 31 ರವರೆಗಿನ ಯಾವುದೇ ಕ್ಯಾಲೆಂಡರ್ ವರ್ಷದಲ್ಲಿ ಒಂದು ಮಿಲಿಯನ್ ಡಾಲರ್‌ಗೆ ಸಮಾನವಾದ ವಿಮಾ ವ್ಯವಹಾರವನ್ನು ಸಂಗ್ರಹಿಸುವವನು ಎಂದು. ಇದು ವರ್ಷದಲ್ಲಿ 26,997 ಸೆಂಚುರಿಯನ್ ಏಜೆಂಟ್‌ಗಳನ್ನು ಸಹ ಸೃಷ್ಟಿಸಿದೆ. ನಿಗಮವು ತನ್ನ ಬಿ & ಎಸಿ (ಬ್ಯಾಂಕಾಸ್ಯುರೆನ್ಸ್ ಮತ್ತು ಪರ್ಯಾಯ) ಚಾನೆಲ್ ಮೂಲಕ 2020-21ರಲ್ಲಿ 2, 46,910 ಪಾಲಿಸಿಗಳು ಮತ್ತು 1,862.73 ಕೋಟಿ ರೂ.ಪ್ರೀಮಿಯಮ್‌ ಸಂಗ್ರಹಿಸಿದೆ.
ಕೋವಿಡ್‌-19 ಸಾಂಕ್ರಾಮಿಕ ರೋಗದಿಂದಾಗಿ ತೀವ್ರ ನಿರ್ಬಂಧಗಳ ಹೊರತಾಗಿಯೂ, ಜೀವ ವಿಮೆದಾರರು 2.19 ಕೋಟಿ ಮೆಚ್ಯೂರಿಟಿ ಕ್ಲೈಮ್‌ಗಳು, ಮನಿ ಬ್ಯಾಕ್ ಕ್ಲೈಮ್‌ಗಳು ಮತ್ತು ವರ್ಷಾಶನಗಳನ್ನು ಇತ್ಯರ್ಥಪಡಿಸಿದ್ದಾರೆ, ಇದು ವರ್ಷದಲ್ಲಿ 1.16 ಲಕ್ಷ ಕೋಟಿ ರೂ.ಗಳಾಗಿವೆ.
ಆರ್ಥಿಕ ವರ್ಷ 2020-21ರ ಅವಧಿಯಲ್ಲಿ ಇದು 18,137.34 ಕೋಟಿ ರೂ. ಮೊತದ 9.59 ಲಕ್ಷ ಸಾವಿನ ಕ್ಲೇಮುಗಳನ್ನು ಇತ್ಯರ್ಥಪಡಿಸಿದೆ. ಮಾರ್ಚ್ 2021 ರಲ್ಲಿ ಬರಬೇಕಾದ ವರ್ಷಾಶನ ಪಾವತಿಗಳನ್ನು ಸಹ ನಿಗದಿತ ದಿನಾಂಕಗಳಲ್ಲಿ ಇತ್ಯರ್ಥಪಡಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ