ಗುವಾಹಟಿ / ನವದೆಹಲಿ: ಅಸ್ಸಾಂನಲ್ಲಿ ಬುಧವಾರ ಬೆಳಿಗ್ಗೆ 6.4ರ ತೀವ್ರತೆಯ ಭೂಕಂಪನ ಸಂಭವಿಸಿದ್ದು, ಈಶಾನ್ಯ ರಾಜ್ಯದಲ್ಲಿ ವ್ಯಾಪಕ ಹಾನಿಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ನೆರೆಯ ಮೇಘಾಲಯ ಮತ್ತು ಪಶ್ಚಿಮ ಬಂಗಾಳದ ಉತ್ತರ ಭಾಗಗಳು ಸೇರಿದಂತೆ ಇಡೀ ಪ್ರದೇಶದಲ್ಲಿ ನಡುಕ ಉಂಟಾಗಿದೆ. ಬೆಳಿಗ್ಗೆ 7.51 ಕ್ಕೆ ಸೋನಿತ್‌ಪುರ ಜಿಲ್ಲೆಯಲ್ಲಿ ಭೂಕಂಪನ ಸಂಭವಿಸಿದೆ ಎಂದು ಅವರು ಹೇಳಿದ್ದಾರೆ.
ಇದರ ನಂತರ ಕ್ರಮವಾಗಿ ಬೆಳಿಗ್ಗೆ 7.58 ಮತ್ತು ಬೆಳಿಗ್ಗೆ 8.01 ಕ್ಕೆ 4.3 ಮತ್ತು 4.4 ಮ್ಯಾಗ್ನಿಟ್ಯೂಡ್‌ಗಳ ಎರಡು ಕಂಪನುಗಳು ಉಂಟಾಗಿವೆ.
ಜನರು ತಮ್ಮ ಮನೆಗಳಿಂದ ಮತ್ತು ಇತರ ಸ್ಥಳಗಳಿಂದ ಭಯಭೀತರಾಗಿ ಓಡಿಹೋಗಿದ್ದಾರೆ. ಈ ಪ್ರದೇಶದ ಹೆಚ್ಚಿನ ಭಾಗಗಳು ಭಾರಿ ಭೂಕಂಪದ ಪರಿಣಾಮವನ್ನು ಅನುಭವಿಸಿದವು. ಸೋನಿತ್‌ಪುರ, ಗುವಾಹಟಿ ಮತ್ತು ತೇಜ್‌ಪುರದಲ್ಲಿ ಅನೇಕ ಕಟ್ಟಡಗಳಲ್ಲಿ ಬಿರುಕುಗಳು ಉಂಟಾಗಿವೆ.
ಹಾನಿಗೆ ಸಂಬಂಧಿಸಿದಂತೆ ವಿವರವಾದ ವರದಿಗಳನ್ನು ನಿರೀಕ್ಷಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ