ಇಟಾನಗರ:ಅರುಣಾಚಲ ಪ್ರದೇಶದ ಪಶ್ಚಿಮ ಕಾಮೆಂಗ್ ಜಿಲ್ಲೆಯ ನಿವಾಸಿ ಮೂವತ್ತೇಳು ವರ್ಷದ ತಾಶಿ ಯಾಂಗ್ಜೋಮ್ ಎವರೆಸ್ಟ್ ಪರ್ವತವನ್ನು ಏರಿದ್ದು, ಈ ಸಾಧನೆ ಮಾಡಿದ ಬೆರಳೆಣಿಕೆಯ ಮಹಿಳಾ ಪರ್ವತಾರೋಹಿಗಳ ಶ್ರೇಣಿಯನ್ನು ಸೇರಿಕೊಂಡಿದ್ದಾರೆ.
ದಿರಾಂಗ್ ಮೂಲದ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಪರ್ವತಾರೋಹಣ ಮತ್ತು ಅಲೈಡ್ ಸ್ಪೋರ್ಟ್ಸ್‌ನ (ನಿಮಾಸ್) ಬೋಧಕ ಯಾಂಗ್ಜೋಮ್ ಮೇ 11 ರಂದು ಬೆಳಿಗ್ಗೆ 6 ಗಂಟೆಗೆ ವಿಶ್ವದ ಅತ್ಯುನ್ನತ ಶಿಖರವನ್ನು ರೋಹಣ ಮಾಡಿದ್ದಾರೆ ಎಂದು ಅವರು ಹೇಳಿದರು.
ಅವರು ಮೂರು ವರ್ಷಗಳ ಅವಧಿಯಲ್ಲಿ ವಿಶ್ವದ ಅತ್ಯುನ್ನತ ಶಿಖರವನ್ನು ಯಶಸ್ವಿಯಾಗಿ ಏರಿದ ನಿಮಾಸ್‌ನಿಂದ ಒಂಭತತನೆಯವರಾಗಿದ್ದಾರೆ ಎಂದು ಸಂಸ್ಥೆಯ ನಿರ್ದೇಶಕ ಕರ್ನಲ್ ಸರ್ಫ್ರಾಜ್ ಸಿಂಗ್ ಹೇಳಿದ್ದಾರೆ.
ತಾಪಿ ಮ್ರಾ (2009), ಟೈನ್ ಮೆನಾ (2011), ಅನ್ಶು ಜಮ್ಸೆನ್ಪಾ (2011), ನಿಮಾ ಲಾಮಾ ಮತ್ತು ಕಾಲ್ಡೆನ್ ಪಾಲ್ಜೋರ್ (2011), ಟೇಮ್ ಬಾಗಾಂಗ್ (2013), ಕಿಶೋನ್ ಟೆಕ್ಸೆಂಗ್ ಮತ್ತು ಟಕಾ ತಮುತ್ (2018) ಶಿಖರವನ್ನುಏರಿದ ಇತರ ಅರುಣಾಚಲದ ಇತರ ಪರ್ವತಾರೋಹಿಗಳು.
ಅರುಣಾಚಲ ಪ್ರದೇಶದ ರಾಜ್ಯಪಾಲ ಡಾ.ಬಿ ಡಿ ಮಿಶ್ರಾ ಮತ್ತು ಮುಖ್ಯಮಂತ್ರಿ ಪೆಮಾ ಖಂಡು ಈ ಸಾಧನೆಗಾಗಿ ಯಾಂಗ್ಜೋಮ್ ಅವರನ್ನು ಅಭಿನಂದಿಸಿದ್ದಾರೆ.
ಅರುಣಾಚಲ ಪ್ರದೇಶದ ಹೆಣ್ಣುಮಕ್ಕಳು ಕಠಿಣ, ಧೈರ್ಯಶಾಲಿ, ಸಾಹಸಮಯ, ಉದ್ಯಮಶೀಲ ಮತ್ತು ಶ್ರೇಷ್ಠರು ಎಂದು ಯಾಂಗ್ಜೋಮ್ ಸಾಬೀತುಪಡಿಸಿದ್ದಾರೆ ಎಂದು ರಾಜ್ಯಪಾಲರಾದ ಮಿಶ್ರಾ ಹೇಳಿದ್ದಾರೆ.
ಮೌಂಟ್ ಎವರೆಸ್ಟ್ ಅನ್ನು ಸ್ಕೇಲ್ ಮಾಡಿದ್ದಕ್ಕಾಗಿ ಮತ್ತು ಈ ಋತುವಿನಲ್ಲಿ ಎವರೆಸ್ಟ್ ಮೊದಲ ಭಾರತೀಯ ಮಹಿಳೆ ಆರೋಹಿಯಾಗಿದ್ದಕ್ಕಾಗಿ ಅಭಿನಂದನೆಗಳು ಎಂದು ಟ್ವಿಟರ್‌ನಲ್ಲಿ ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ