ನವ ದೆಹಲಿ: ಕಂಪನಿಯು ಕೋವಿಡ್-19 ಲಸಿಕೆಯನ್ನು ಕೇಂದ್ರ ಸರ್ಕಾರಗಳು ಮತ್ತು ಸುಪ್ರಾ-ರಾಷ್ಟ್ರೀಯ ಸಂಸ್ಥೆಗಳಿಗೆ ಮಾತ್ರ ಪೂರೈಸಲಿದೆ ಎಂದು ಅಮೆರಿಕ ಫಾರ್ಮಾ ಪ್ರಮುಖ ಫಿಜರ್ ಸೋಮವಾರ ತಿಳಿಸಿದೆ. ಲಸಿಕೆ ತಯಾರಕ ಫಿಜರ್ ಮತ್ತಷ್ಟು ಪ್ರಮಾಣಗಳ ಹಂಚಿಕೆ ಸ್ಥಳೀಯ ಸರ್ಕಾರಗಳ ನಿರ್ಧಾರ ಎಂದು ಸ್ಪಷ್ಟಪಡಿಸಿದೆ.
ರಾಷ್ಟ್ರೀಯ ರೋಗನಿರೋಧಕ ಕಾರ್ಯಕ್ರಮಗಳಲ್ಲಿ ನಿಯೋಜನೆಗಾಗಿ ಫಿಜರ್ ಕೋವಿಡ್-19 ಲಸಿಕೆಯನ್ನು ಕೇಂದ್ರ ಸರ್ಕಾರಗಳು ಮತ್ತು ಸುಪ್ರಾ ರಾಷ್ಟ್ರೀಯ ಸಂಸ್ಥೆಗಳಿಗೆ ಮಾತ್ರ ಪೂರೈಸುತ್ತದೆ. ಒಂದು ದೇಶದೊಳಗೆ ಡೋಸೇಜ್ ಮತ್ತು ಅನುಷ್ಠಾನ ಯೋಜನೆ ಹಂಚಿಕೆ ಸಂಬಂಧಿತ ಆರೋಗ್ಯ ಪ್ರಾಧಿಕಾರದ ಮಾರ್ಗದರ್ಶನದ ಆಧಾರದ ಮೇಲೆ ಸ್ಥಳೀಯ ಸರ್ಕಾರಗಳು ನಿರ್ಧರಿಸಬೇಕಿದೆ ಎಂದು ಕಂಪನಿ ತಿಳಿಸಿದೆ.
ಇದಕ್ಕೆ ಪ್ರತಿಕ್ರಿಯೆಯಾಗಿ ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ, ಫಿಜರ್ ಮತ್ತು ಮಾಡರ್ನಾ ಜೊತೆ ಸರ್ಕಾರ ಎರಡು ರೀತಿಯಲ್ಲಿ ಸಮನ್ವಯ ಸಾಧಿಸುತ್ತಿದೆ-ಅನುಮೋದನೆ ಮತ್ತು ಸಂಗ್ರಹಣೆ. “ಅವರು ಭಾರತಕ್ಕೆ ಎಷ್ಟು ಒದಗಿಸಬಹುದೆಂಬುದರ ಮೇಲೆ ಅದು ಅವಲಂಬಿತವಾಗಿರುತ್ತದೆ. ಅವರು ಮತ್ತೆ GOI ಗೆ ಬರುತ್ತಾರೆ, ಖಚಿತಪಡಿಸಿಕೊಳ್ಳುತ್ತಾರೆ ಮತ್ತು ಸುಗಮಗೊಳಿಸುತ್ತಾರೆ. ಆ ಆಧಾರದ ಮೇಲೆ ನಾವು ರಾಜ್ಯಗಳಿಗೆ ಸರಬರಾಜು ಮಾಡಲು ಸಾಧ್ಯವಾಗುತ್ತದೆ” ಎಂದು ಹೇಳಿದ್ದಾರೆ.
ಲಸಿಕೆ ತಯಾರಕರು ಪಂಜಾಬ್, ದೆಹಲಿ ಸರ್ಕಾರಗಳೊಂದಿಗೆ ವ್ಯವಹರಿಸಲು ನಿರಾಕರಿಸಿದ್ದಾರೆ. ರಾಜ್ಯಗಳಿಗೆ ಲಸಿಕೆಗಳನ್ನು ಕಳುಹಿಸುವ ವಿನಂತಿಯನ್ನು ಫಾರ್ಮಾ ಕಂಪನಿಗಳು ತಿರಸ್ಕರಿಸಿದೆ ಎಂದು ಪಂಜಾಬ್ ಮತ್ತು ದೆಹಲಿ ಸರ್ಕಾರಗಳು ಹೇಳಿಕೊಂಡ ನಂತರ ಫಿಜರ್ನಿಂದ ಸ್ಪಷ್ಟೀಕರಣ ಬಂದಿದೆ. ಮಾಡರ್ನಾ ಪಂಜಾಬ್ ಸರ್ಕಾರವನ್ನು ನಿರಾಕರಿಸಿದರೆ, ದೆಹಲಿ ಸರ್ಕಾರವು ಮಾಡರ್ನಾ ಮತ್ತು ಫಿಜರ್ ತಮಗೆ ನೇರವಾಗಿ ಲಸಿಕೆಗಳನ್ನು ನೀಡಲು ನಿರಾಕರಿಸಿದೆ ಎಂದು ಹೇಳಿದೆ.
“ನಾವು ಫಿಜರ್ ಮತ್ತು ಮಾಡರ್ನಾ ಅವರೊಂದಿಗೆ ಮಾತುಕತೆ ನಡೆಸಿದ್ದೇವೆ. ಅವರು ನಮಗೆ ಲಸಿಕೆ ನೀಡುವುದಿಲ್ಲ ಮತ್ತು ನೇರವಾಗಿ ಕೇಂದ್ರದೊಂದಿಗೆ ಮಾತನಾಡುತ್ತೇವೆ ಎಂದು ಅವರು ಹೇಳಿದ್ದಾರೆ.. ಈ ಸಂಸ್ಥೆಗಳೊಂದಿಗೆ ಮಾತನಾಡಲು, ಲಸಿಕೆಗಳನ್ನು ಆಮದು ಮಾಡಿಕೊಳ್ಳಲು ಮತ್ತು ವಿತರಿಸಲು ನಾನು ಕೇಂದ್ರ ಸರ್ಕಾರಕ್ಕೆ ಕೈಮುಗಿದು ಮನವಿ ಮಾಡುತ್ತೇನೆ ಎಂದು ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಸುದ್ದಿಗಾರರಿಗೆ ತಿಳಿಸಿದರು.
ನಿಮ್ಮ ಕಾಮೆಂಟ್ ಬರೆಯಿರಿ