ಹಮೀರ್ಪುರ (ಉತ್ತರ ಪ್ರದೇಶ): ಆಘಾತಕಾರಿ ಘಟನೆಯೊಂದರಲ್ಲಿಉತ್ತರಪ್ರದೇಶದ ಹಮೀರ್‌ಪುರ್ ಜಿಲ್ಲೆಯಲ್ಲಿ ಕೇವಲ 60 ರೂ.ಗಳಕಾರಣಕ್ಕೆ 11 ವರ್ಷದ ಸ್ನೇಹಿತನನ್ನು ಕಲ್ಲೆಸೆದು ಸಾಯಿಸಿದ 13 ವರ್ಷದ ಬಾಲಕನನ್ನು ಪೊಲೀಸರು ಬಂಧಿಸಿದ್ದಾರೆ. ಮೃತ ಬಾಲಕನ ಶವವನ್ನು ಬುಧವಾರ ಕಾಡುಪ್ರಾಣಿಗಳು ಛಿದ್ರಗೊಳಿಸಿ 11 ತುಂಡುಗಳಾಗಿ ಮಾಡಿದ ನಂತರ ಪತ್ತೆಯಾಗಿದೆ.
ಮೂಲಗಳ ಪ್ರಕಾರ, ಬಂಧಿತ ಹುಡುಗ ಸುಮೇರ್ ಪುರ ಪಟ್ಟಣದ ಕಾನ್ಶಿ ರಾಮ್ ಕಾಲೋನಿಯ ಬಳಿ ನಡೆದ ಅಪರಾಧವನ್ನು ಒಪ್ಪಿಕೊಂಡಿದ್ದಾನೆ.
ಮಾಹಿತಿದಾರರ ಮೂಲಕ ಆರೋಪಿಗಳ ಬಗ್ಗೆ ಪೊಲೀಸರಿಗೆ ಸುಳಿವು ನೀಡಲಾಯಿತು. ಮಾಹಿತಿ ಪಡೆದ ಸುಮೇರ್‌ಪುರ ಪೊಲೀಸ್ ಠಾಣೆಯ ಇನ್‌ಸ್ಪೆಕ್ಟರ್ ವೀರೇಂದ್ರ ಪ್ರತಾಪ್ ಸಿಂಹ ನೇತೃತ್ವದ ತನಿಖಾ ತಂಡವು 13 ವರ್ಷದ ಹುಡುಗನನ್ನು ವಿಚಾರಣೆಗೊಳಪಡಿಸಿತು.
ತಾನು ಮತ್ತು ಸುಬ್ಬಿ ಕಳೆದ ನಾಲ್ಕೈದು ತಿಂಗಳಿನಿಂದ ಪರಸ್ಪರ ಪರಿಚಯವಿರುವುದಾಗಿ ಆರೋಪಿ ಪೊಲೀಸರಿಗೆ ತಿಳಿಸಿದ್ದಾರೆ. ಆತನು ತಾನು ಸತ್ತವರಿಂದ 60 ರೂ.ಗಳ ಸಾಲವನ್ನು ಪಡೆದುಕೊಂಡಿದ್ದಾನೆ ಮತ್ತು ಆತನ ಹಣವನ್ನು ಹಿಂದಿರುಗಿಸಲು ವಿಫಲನಾಗಿದ್ದನು, ಇದು ಅವರ ನಡುವೆ ಜಗಳಕ್ಕೆ ಕಾರಣವಾಯಿತು ಎಂದು ಹೇಳಿದ್ದಾನೆ.
“ನನ್ನ ಮನೆಗೆ ಕೆಲವು ವಸ್ತುಗಳನ್ನು ಪಡೆಯಲು ನನ್ನ ಕುಟುಂಬ ಸದಸ್ಯರು ನನಗೆ 60 ರೂಪಾಯಿಗಳನ್ನು ನೀಡಿದರು. ನಾನು ಸುಬ್ಬಿ ಮತ್ತು ಇತರ ಸ್ನೇಹಿತರೊಂದಿಗೆ ಜೂಜಾಟದಲ್ಲಿ ಹಣವನ್ನು ಕಳೆದುಕೊಂಡೆ. ಹಣವನ್ನು ಕಳೆದುಕೊಂಡ ನಂತರ ನಾನು ಹೆದರಿ ಸುಬ್ಬಿಯಿಂದ 60 ರೂಪಾಯಿಗಳನ್ನು ಎರವಲು ಪಡೆದುಕೊಂಡೆ. ಆದರೆ ಜನ್ಮಾಷ್ಟಮಿಯಂದು ಸುಬ್ಬಿ ಕೇಳಲು ಆರಂಭಿಸಿದನು ಎಂದು ಆರೋಪಿ ಹೇಳಿದ್ದಾನೆ.
ನಾನು ಅವನನ್ನು ಕಾಡಿನ ಕಡೆಗೆ ಕರೆದುಕೊಂಡು ಹೋದಾಗ ಸುಬ್ಬಿ ನನ್ನ ಮೇಲೆ ದೌರ್ಜನ್ಯ ನಡೆಸುತ್ತಿದ್ದನು.ಹಾಗೂ ಹಣ ಕೊಡುವಂತೆ ಪೀಡಿಸುತ್ತಿದ್ದನು. ಸುಬ್ಬಿ ನನ್ನನ್ನು ಕೊಲ್ಲಲು ಹತ್ತಿರದಲ್ಲಿದ್ದ ಕಲ್ಲನ್ನು ತೆಗೆದುಕೊಂಡಾಗ ನಾನು ಅದೇ ಕಲ್ಲನ್ನು ಕಿತ್ತು ಅವನ ತಲೆಗೆ ಹೊಡೆದೆ, ಅವನು ಬಿದ್ದನು, ಮತ್ತು ಅವನ ತಲೆಯಿಂದ ರಕ್ತ ಹೊರಬರಲು ಪ್ರಾರಂಭಿಸಿತು. ಆರೋಪಿ ಸುಬ್ಬಿ ಇನ್ನೂ ಉಸಿರಾಡುತ್ತಿದ್ದರೂ, ಆತನ ದೇಹವನ್ನು ಮರೆಮಾಡಲು ಪೊದೆಯ ಕಡೆಗೆ ಎಳೆದುದೊಯ್ದು ಹಾಕಿ ಅಲ್ಲಿಂದ ಪರಾರಿಯಾದೆ,
ನಾನು ಚರಂಡಿಯಲ್ಲಿ ಕಲ್ಲು ಎಸೆದು ಅದೇ ಚರಂಡಿಯ ನೀರಿನಿಂದ ಅವನ ಬಟ್ಟೆಯಲ್ಲಿ ರಕ್ತವನ್ನು ತೊಳೆದು ಮನೆಗೆ ಹೋದೆ” ಎಂದು ಆರೋಪಿ ಬಾಲಕ ಹೇಳಿದ್ದಾನೆ.
ನಿಮ್ಮ ಕಾಮೆಂಟ್ ಬರೆಯಿರಿ