ಬೆಕ್ಕು ಮತ್ತು ಚಿರತೆ ನಾಸಿಕ್‌ನಲ್ಲಿ ಮುಖಾಮುಖಿಯಾಗಿದ್ದವು. ಉಸಿರುಬಿಗಿ ಹಿಡಿದು ನೋಡಬೇಕಾದ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಚಿರತೆ ಮುಖಾಮುಖಿಯಾದಾಗ ಅದನ್ನು ಬೆಕ್ಕು ಧೈರ್ಯದಿಂದ ಎದುರಿಸಿದೆ. ಚಿರತೆಯು ಬೆಕ್ಕನ್ನು ಬೆನ್ನಟ್ಟಲು ಪ್ರಯತ್ನಿಸುತ್ತಿದ್ದಾಗ ಎರಡೂ ಬಾವಿಗೆ ಬಿದ್ದಿವೆ.
16 ಸೆಕೆಂಡುಗಳ ವಿಡಿಯೋದಲ್ಲಿ, ಬೆಕ್ಕನ್ನು ಅಟ್ಟಿಸಿಕೊಂಡು ಹೋಗುತ್ತಿರುವಾಗ ಬಾವಿಗೆ ಬಿದ್ದ ಚಿರತೆ ನೀರಿನಿಂದ ಜಿಗಿದು ದಿಢೀರನೆ ಬೆಕಿನತ್ತ ಹಾರಿದೆ. ಬಾವಿಯೊಳಗಿನ ವೇದಿಕೆಯ ಮೇಲೆ ಕುಳಿತಿದ್ದ ಬೆಕ್ಕು ಚಿರತೆಯೊಂದಿಗೆ ಮುಖಾಮುಖಿಯಾಗಿ ತನ್ನ ರಕ್ಷಣೆಗೆ ತಾನು ನಿಂತಿದೆ. ಬೆಕ್ಕು ತನ್ನ ಮುಂದೆ ಇದ್ದ ಚಿರತೆಯನ್ನು ಧೈರ್ಯದಿಂದ ಎದುರಿಸಿದ್ದನ್ನು ಈ ವಿಡಿಯೋದಲ್ಲಿ ಕಾಣಬಹುದು.
ವಿಡಿಯೊದಲ್ಲಿ, ಬೆಕ್ಕು ಮತ್ತು ಚಿರತೆ ಮುಖಾಮುಖಿಯಾಗಿ ಕುಳಿತಿವೆ. ಮುಂದಿನ ಕ್ಷಣದಲ್ಲಿ, ಚಿರತೆ ಬೆಕ್ಕಿನ ಬಳಿಗೆ ಹೋಯಿತು, ಆದರೆ ಬೆಕ್ಕು ತನ್ನನ್ನು ತಾನು ಎರಡು ಕಾಲುಗಳ ಮೇಲೆ ನಿಂತು ಧೈರ್ಯದಿಂದ ರಕ್ಷಿಸಿಕೊಂಡಿತು..
ಇದು ಒಂದೆರಡು ಸೆಕೆಂಡುಗಳ ಕಾಲ ಮುಂದುವರಿಯಿತು. ಆದಾಗ್ಯೂ, ಚಿರತೆ ಬೆಕ್ಕಿಗೆ ಹಾನಿ ಮಾಡಲಿಲ್ಲ. ನಂತರ ಚಿರತೆಯನ್ನು ರಕ್ಷಿಸಿ ನೈಸರ್ಗಿಕ ಆವಾಸಸ್ಥಾನದಲ್ಲಿ ಬಿಡುಗಡೆ ಮಾಡಲಾಯಿತು. ಬೆಕ್ಕನ್ನೂ ಸಹ ರಕ್ಷಿಸಲಾಯಿತು.
ಬೆಕ್ಕನ್ನು ಬೆನ್ನಟ್ಟುವಾಗ ಚಿರತೆ ಬಾವಿಯಲ್ಲಿ ಬಿದ್ದಿದೆ ಎಂದು ಅರಣ್ಯದ ಉಪ ಸಂರಕ್ಷಕ (ಪಶ್ಚಿಮ ನಾಶಿಕ್) ಪಂಕಜ್ ಗರ್ಗ್ ಹೇಳಿದ್ದಾರೆ. “ನಂತರ ಅದನ್ನು ರಕ್ಷಿಸಲಾಯಿತು ಮತ್ತು ಅದರ ನೈಸರ್ಗಿಕ ಆವಾಸಸ್ಥಾನದಲ್ಲಿ ಬಿಡುಗಡೆ ಮಾಡಲಾಯಿತು” ಎಂದು ಅವರು ಹೇಳಿದರು.
ಪ್ರಾಣಿಗಳ ನಡುವಿನ ಮುಖಾಮುಖಿಯ ಇದೇ ರೀತಿಯ ದೃಶ್ಯಗಳನ್ನು ಹಿಂದೆ ಕೂಡ ನೋಡಲಾಗಿದೆ, ಎರಡು ಹುಲಿಗಳು ಕರ್ನಾಟಕದಲ್ಲಿ ಭೀಕರ ಹೋರಾಟದಲ್ಲಿ ತೊಡಗಿದ್ದವು. ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನ ಮತ್ತು ಹುಲಿ ರಕ್ಷಿತಾರಣ್ಯದಲ್ಲಿ ಘರ್ಜಿಸುವ ಪ್ರಾಣಿಗಳು ಒಂದಕ್ಕೊಂದು ಮುಖಅಮುಖಿಯಾಗಿ ಭಯಂಕರವಾಗಿ ಹೋರಾಡಿದ್ದವು. ಇತ್ತೀಚೆಗೆ ಪ್ರವಾಸಿಗರು ಕಾಡಿನೊಳಗೆ ಸಫಾರಿ ಸಮಯದಲ್ಲಿ ಚಿತ್ರೀಕರಿಸಿದ್ದರು.
ನಿಮ್ಮ ಕಾಮೆಂಟ್ ಬರೆಯಿರಿ