ಬೆಂಗಳೂರು: ನಗರದಲ್ಲಿ ಕೊರೊನಾ ವೈರಸ್‌ನ ಡೆಲ್ಟಾ ರೂಪಾಂತರಿಯ ಎರಡು ಪ್ರಬೇಧಗಳು ಪತ್ತೆಯಾಗಿರುವುದು ಆತಂಕಕ್ಕೆ ಕಾರಣವಾಗಿದೆ.
ಕೊರೊನಾ ವೈರಸ್ 3ನೇ ಅಲೆ ಆತಂಕದ ನಡುವೆಯೇ ಬೆಂಗಳೂರಿನಲ್ಲಿ ಮಾರಕ ಡೆಲ್ಟಾ ರೂಪಾಂತರದ ಎರಡು ಉಪ-ವಂಶಾವಳಿ ವೈರಸ್ ಪ್ರಭೇದಗಳು ಪತ್ತೆಯಾಗಿವೆ. ಸ್ಟ್ರಾಂಡ್ ಲೈಫ್ ಸೈನ್ಸಸ್ ಎನ್ನುವ ಸಂಸ್ಥೆಯ ಈ ವೈರಸ್ ಉಪ ವಂಶಾವಳಿಯ ಸೀಕ್ವೆನ್ಸಿಂಗ್ ಮಾಡಿದೆ. ಕೋವಿಡ್ ಟಾಸ್ಕ್ ಫೋರ್ಸ್ ಜಿನೋಮ್ ಸೀಕ್ವೆನ್ಸಿಂಗ್ ಆರಂಭಿಸಲು ಆದೇಶ ಹೊರಡಿಸಿತ್ತು. ಇದು ರಾಜ್ಯದ ರೂಪಾಂತರಗಳ ಟ್ರೆಂಡ್‌ಗಳನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ. ಈ ಅನುಕ್ರಮವು ಡೆಲ್ಟಾ AY4 ರೂಪಾಂತರದಲ್ಲಿ ಶೇ. 30 ರಷ್ಟು ರೂಪಾಂತರವನ್ನು ಬಹಿರಂಗಪಡಿಸಿತು. ಆದರೆ ಇದು AY12 ನಲ್ಲಿನ ರೂಪಾಂತರ ಕೇವಲ ಶೇ.3ರಷ್ಟಿತ್ತು.
SARSCoV-2 ಡೆಲ್ಟಾ ರೂಪಾಂತರದ ಎರಡು ಉಪ-ವಂಶಾವಳಿಗಳಾದ-AY4 ಮತ್ತು AY12- ಬೆಂಗಳೂರಿನ ಜಿನೋಮ್ ಮಾದರಿಗಳಲ್ಲಿ ಪತ್ತೆಯಾಗಿದೆ. ಈ ಉಪ ವಂಶಾವಳಿಗಳು ಲಸಿಕೆಗಳ ಮೂಲಕ ಉತ್ಪತ್ತಿಯಾಗುವ ಪ್ರತಿಕಾಯಗಳನ್ನು ತಪ್ಪಿಸುವ ಸಾಮರ್ಥ್ಯವನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆ ಎಂದು ನಂಬಲಾಗಿದೆ.
ಹಿಂದಿನ ಅಧ್ಯಯನಗಳ ಪ್ರಕಾರ, N439K ರೂಪಾಂತರವು ಪ್ರತಿಕಾಯ ರಕ್ಷಣೆಯನ್ನು ತಪ್ಪಿಸಲು ಅನುವು ಮಾಡಿಕೊಡುತ್ತದೆ. ಅಂದರೆ ಇವುಗಳು ವೈರಸ್‌ನ ನಡವಳಿಕೆ ಬದಲಾಯಿಸುವ ಸಾಮರ್ಥ್ಯ ಹೊಂದಿದೆ ಎಂದು ಹೇಳಲಾಗಿದೆ. ರಾಜ್ಯ ಸರ್ಕಾರಕ್ಕೆ ಸಲ್ಲಿಸಿದ ವರದಿಯು ಈ ರೂಪಾಂತರಗಳ ಆವರ್ತನದಲ್ಲಿ ಯಾವುದೇ ಹೆಚ್ಚಳವಾಗಿದೆಯೇ ಎಂದು ನೋಡಲು ಪ್ರಕರಣಗಳನ್ನು ಸೂಕ್ಷ್ಮವಾಗಿ ಗಮನಿಸಲು ಕೋರಿದೆ.
ದೇಶದ SARS-CoV-2 ಜೀನೋಮಿಕ್ಸ್ ಕನ್ಸೋರ್ಟಿಯಂ (INSACOG) ನ ಇತ್ತೀಚಿನ ಬುಲೆಟಿನ್ ಪ್ರಕಾರ, AY12 ಉಪವರ್ಗವು ಇಸ್ರೇಲ್‌ನಲ್ಲಿ ಕೋವಿಡ್ -19 ಉಲ್ಬಣಕ್ಕೆ ಕಾರಣವಾಗಿದೆ, ಆ ದೇಶದ ಜನಸಂಖ್ಯೆಯ ಶೇಕಡಾ 60 ರಷ್ಟು ಲಸಿಕೆಯಿಂದ ಕೂಡಿದೆಯಾದರೂ ಅಲ್ಲಿ ಸೋಂಕು ಪ್ರಕರಣಗಳ ಹೆಚ್ಚಳಕ್ಕೆ AY12 ಉಪವರ್ಗ ಪ್ರಮುಖ ಕಾರಣವಾಗಿದೆ ಎಂದು ಹೇಳಿತ್ತು. ಆದರೆ ಜಾಗತಿಕ ಅಧಿಕೃತ ದತ್ತಾಂಶಗಳ ಪಟ್ಟಿಯಲ್ಲಿ ಇವುಗಳ ಬಗ್ಗೆ ಇನ್ನೂ ವರದಿಯಾಗಿಲ್ಲ.
N439K, N440Y/T/F, L441Y/S/G/A/C/D/V/I, D442I/V/Y/F , S443E/V/Y/W/F ಮತ್ತು K444F/N/V/T/S/V ಈ ಪ್ರಭೇಧಗಳು AY4 ಮತ್ತು AY12 ಡೆಲ್ಟಾ ರೂಪಾಂತರಗಳಲ್ಲಿ ಕಂಡುಬಂದಿರುವ ಉಪ ರೂಪಾಂತರಗಳಾಗಿವೆ. ಹಲವು ರೂಪಾಂತರಗಳು ಇನ್ನೂ ಜಾಗತಿಕ ಮಟ್ಟದಲ್ಲಿ ವರದಿಯಾಗಿಲ್ಲ.
.
ನಿಮ್ಮ ಕಾಮೆಂಟ್ ಬರೆಯಿರಿ