ಮೂರು ಬಾರಿಯ ಶಾಸಕ ಸುಖಜಿಂದರ್ ರಾಂಧವಾ ಪಂಜಾಬ್‌ ಮುಂದಿನ ಸಿಎಂ: ವರದಿ

ನವದೆಹಲಿ: ಬಾಬಾ ದೇರಾ ನಾನಕ್ (ಗುರುದಾಸಪುರ್) ಶಾಸಕರಾದ ಸುಖಜಿಂದರ್ ಸಿಂಗ್ ರಾಂಧವಾ ಅವರು ಪಂಜಾಬ್‌ನ ಮುಂದಿನ ಮುಖ್ಯಮಂತ್ರಿ ಆಗಲಿದ್ದಾರೆ.
ಪಂಜಾಬ್ ನ ಮುಖ್ಯಮಂತ್ರಿ ಕ್ಯಾಪ್ಟನ್ ಅಮರಿಂದರ್ ಸಿಂಗ್ ರಾಜೀನಾಮೆ ನೀಡಿದ ನಂತರ, ಕಾಂಗ್ರೆಸ್ ಹೈಕಮಾಂಡ್ ಸುಖಜಿಂದರ್ ರಾಂಧವಾ ಅವರನ್ನು ಮುಖ್ಯಮಂತ್ರಿಯಾಗಿ ನೇಮಕ ಮಾಡಿದೆ. ವೀಕ್ಷಕರಾದ ಅಜಯ್ ಮಕಾನ್, ಹರೀಶ್ ಚೌಧರಿ ಮತ್ತು ರಾಜ್ಯ ಉಸ್ತುವಾರಿ ಹರೀಶ್ ರಾವತ್ ಅವರ ಮೂಲಕ ಶಾಸಕರ ಪ್ರತಿಕ್ರಿಯೆ ಪಡೆದ ನಂತರ, ಅಂಬಿಕಾ ಸೋನಿ ಸೇರಿದಂತೆ ಪಕ್ಷದ ಹಿರಿಯ ನಾಯಕರೊಂದಿಗೆ ದೆಹಲಿಯಲ್ಲಿ ನಡೆದ ಸಭೆಯಲ್ಲಿ ರಾಹುಲ್ ಗಾಂಧಿ ಅಂತಿಮ ನಿರ್ಧಾರ ತೆಗೆದುಕೊಂಡಿದ್ದಾರೆ ಎಂದು ವರದಿಗಳು ತಿಳಿಸಿವೆ.
ಕ್ಯಾಪ್ಟನ್ ಅಮರೀಂದರ್ ಸಿಂಗ್ ಅವರ ಹಿಂದಿನ ಕ್ಯಾಬಿನೆಟ್ ನಲ್ಲಿ, ಕಾರಾಗೃಹ ಮತ್ತು ಸಹಕಾರ ಸಚಿವರಾಗಿದ್ದ ಸುಖಜಿಂದರ್ ಸಿಂಗ್ ರಾಂಧವಾ (62) ಜಾಟ್ ಸಿಖ್ ಮುಖ, ಪಂಜಾಬ್ ಗುರುದಾಸ್ ಪುರ್ ಜಿಲ್ಲೆಯ ಮಾಜಾ ಪ್ರದೇಶದ ಅವರು ಮೂರು ಬಾರಿ ಕಾಂಗ್ರೆಸ್ ಶಾಸಕರಾಗಿದ್ದಾರೆ. ಅವರು 2002, 2007 ಮತ್ತು 2017 ರಲ್ಲಿ ಶಾಸಕರಾದರು. ಅವರು ರಾಜ್ಯ ಕಾಂಗ್ರೆಸ್‌ನ ಉಪಾಧ್ಯಕ್ಷ ಮತ್ತು ಪ್ರಧಾನ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸಿದ್ದಾರೆ. ಅವರ ಕುಟುಂಬವೂ ಕಾಂಗ್ರೆಸ್ ಜೊತೆ ಸಂಬಂಧ ಹೊಂದಿದೆ. ಅವರ ತಂದೆ ಸಂತೋಖ್ ಸಿಂಗ್ ಎರಡು ಬಾರಿ ರಾಜ್ಯ ಕಾಂಗ್ರೆಸ್ ಅಧ್ಯಕ್ಷರಾಗಿದ್ದರು ಮತ್ತು ಮಾಜಾ ಪ್ರದೇಶದಲ್ಲಿ ಬಹಳ ಪ್ರಸಿದ್ಧ ವ್ಯಕ್ತಿಯಾಗಿದ್ದರು. ಪರ್ತಪ್ ಸಿಂಗ್ ಕೈರಾನ್ ನಂತರ ಮಾಜಾ ಪ್ರದೇಶದ ರಾಂಧವಾ ಈ ಪ್ರದೇಶದಿಂದ ಮುಖ್ಯಮಂತ್ರಿಯಾಗಲಿರುವ ಎರಡನೆಯವರು. ಅವರು ಐದು ದಶಕಗಳ ನಂತರ ಮುಖ್ಯಮಂತ್ರಿಯಾಗಲಿದ್ದಾರೆ. ಅವರು ನವಜೋತ್ ಸಿದ್ದು ಶಿಬಿರಕ್ಕೆ ಸೇರಿದವರು, ಕ್ಯಾಪ್ಟನ್ ಅಮರೀಂದರ್ ಸಿಂಗ್ ವಿರುದ್ಧ ಕಾಂಗ್ರೆಸ್‌ನಲ್ಲಿ ದಂಗೆ ಎಬ್ಬಿಸಲು ಪ್ರವರ್ತಕರಾಗಿದ್ದರು.
ಹಿಂದಿನ ಮುಖ್ಯಮಂತ್ರಿಗಳಾದ ಗ್ಯಾನಿ ಜೈಲ್ ಸಿಂಗ್, ಪ್ರಕಾಶ್ ಸಿಂಗ್ ಬಾದಲ್, ಸುರ್ಜಿತ್ ಸಿಂಗ್ ಬರ್ನಾಲಾ, ಹರಚರಣ್ ಬರಾರ್, ಬಿಯಾಂತ್ ಸಿಂಗ್, ರಾಜಿಂದರ್ ಕೌರ್ ಭಟ್ಟಲ್ ಮತ್ತು ಕ್ಯಾಪ್ಟನ್. ಅಮರೀಂದರ್ ಸಿಂಗ್ ರಾಜ್ಯದ ಮಾಲ್ವಾ ಪ್ರದೇಶಕ್ಕೆ ಸೇರಿದವರು.
ಶನಿವಾರ ಸಂಜೆಯವರೆಗೂ ನಡೆದ ಶಾಸಕಾಂಗ ಪಕ್ಷದ ಸಭೆಯ ನಂತರ, ಕಾಂಗ್ರೆಸ್ ಶಾಸಕಾಂಗ ಪಕ್ಷದ ಸಭೆಯಲ್ಲಿ ಪಕ್ಷದ ಅಧ್ಯಕ್ಷೆ ಸೋನಿಯಾ ಗಾಂಧಿಯವರು ಶಾಸಕಾಂಗ ಪಕ್ಷದ ಮುಂದಿನ ನಾಯಕನನ್ನು ನಿರ್ಧರಿಸುವಂತೆ ಒತ್ತಾಯಿಸಿ ಶನಿವಾರ ನಿರ್ಣಯವನ್ನು ಅಂಗೀಕರಿಸಿದರು. ಚಂಡೀಗಡ ಹೋಟೆಲ್‌ನಲ್ಲಿ ಶನಿವಾರ ರಾತ್ರಿಯಿಂದ, ಪಂಜಾಬ್ ಕಾಂಗ್ರೆಸ್ ಉಸ್ತುವಾರಿ ಹರೀಶ್ ರಾವತ್ ಮತ್ತು ವೀಕ್ಷಕ ಅಜಯ್ ಮಕಾನ್ ಮತ್ತು ಹರೀಶ್ ಚೌಧರಿ ದೂರವಾಣಿ ಮೂಲಕ ಮತ್ತು ಒಬ್ಬರ ನಂತರ ಒಬ್ಬರು ಶಾಸಕರಂತೆ ಮುಂದಿನ ಮುಖ್ಯಮಂತ್ರಿ ಬಗ್ಗೆ ಪ್ರತಿಕ್ರಿಯೆ ಪಡೆದಿದ್ದಾರೆ ಎಂದು ವರದಿಯಾಗಿದೆ.