ಭಯಾನಕ ಘಟನೆಯಲ್ಲಿ ಯು ಟ್ಯೂಬ್ ವಿಡಿಯೋ ನೋಡಿ ಸ್ವಯಂ ಗರ್ಭಪಾತ ಮಾಡಿಕೊಂಡ ಅತ್ಯಾಚಾರ ಸಂತ್ರಸ್ತೆ

ಒಂದು ಭಯಾನಕ ಘಟನೆಯಲ್ಲಿ ಒಬ್ಬ ವ್ಯಕ್ತಿ 24 ವರ್ಷದ ಮಹಿಳೆಯನ್ನು ಲೈಂಗಿಕವಾಗಿ ಬಳಸಿಕೊಂಡಿದ್ದಾನೆ ಮತ್ತು ಆಕೆಯು ಗರ್ಭಿಣಿಯಾದಾಗ ಗರ್ಭಪಾತ ಮಾಡುವಂತೆ ಒತ್ತಾಯಿಸಿದನು.
ಯೂ ಟ್ಯೂಬ್‌ನಲ್ಲಿ ವಿಡಿಯೋಗಳನ್ನು ನೋಡಿದ ನಂತರ ಅತ್ಯಾಚಾರದಿಂದ ಬದುಕುಳಿದವಳು ಆಕೆಯ ಮನೆಯಲ್ಲಿ ತಾನೇ ಸ್ವಯಂ ಗರ್ಭಪಾತ ಮಾಡಿದಾಗ ಈ ವಿಷಯ ಬೆಳಕಿಗೆ ಬಂದಿದೆ.
ಉತ್ತರ ನಾಗಪುರದ ಯಶೋಧರ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ. ಆರೋಪಿಯನ್ನು ಸೊಹೈಲ್ ವಹಾಬ್ ಖಾನ್ ಎಂದು ಗುರುತಿಸಲಾಗಿದೆ. ತನ್ನ ಹೇಳಿಕೆಯಲ್ಲಿ, ಮಹಿಳೆಯು ಖಾನ್ 2016 ರಿಂದ ಪದೇ ಪದೇ ತನ್ನನ್ನು ಲೈಂಗಿಕ ಶೋಷಣೆ ಮಾಡುತ್ತಿದ್ದನು ಎಂದು ಹೇಳಿದ್ದಾಳೆ ಎಂದು ಲೋಕಮತ ಇಂಗ್ಲಿಷ್‌.ಕಾಮ್‌ ವರದಿ ಮಾಡಿದೆ.
ಒಂದು ಪ್ರಮುಖ ಪತ್ರಿಕೆಯ ವರದಿಯ ಪ್ರಕಾರ, ಆಕೆ ಗರ್ಭಿಣಿಯಾದಾಗ, ಖಾನ್ ಆಕೆಯನ್ನು ಸ್ವ-ಗರ್ಭಪಾತಕ್ಕಾಗಿ ಯೂಟ್ಯೂಬ್‌ನಲ್ಲಿ ವೀಡಿಯೋಗಳನ್ನು ನೋಡುವಂತೆ ಹೇಳಿದ. ಆಕೆಯ ಕುಟುಂಬವು ಹೊರಗಿದ್ದಾಗ ಮನೆಯಲ್ಲಿ ಆಕೆ ಹೊಕ್ಕುಳಬಳ್ಳಿಯನ್ನು ಕತ್ತರಿಸುವ ಮೂಲಕ ಗರ್ಭಪಾತ ಮಾಡಿದಳು ಎಂದು ವರದಿಯಾಗಿದೆ.
ತಾಜ್ ನಗರದ ಸಮಾಧಿಯಲ್ಲಿ ಖಾನ್ ಅವರಿಂದ ಭ್ರೂಣವನ್ನು ಸಮಾಧಿ ಮಾಡಲಾಗಿದೆ ಎಂದು ವರದಿ ಹೇಳಿದೆ. ಕೆಲವು ವಾರದ ಹಿಂದೆ ಈ ಘಟನೆ ನಡೆದರೆ, ಮಹಿಳೆಯ ಕುಟುಂಬ ಈ ವಾರ ಪೊಲೀಸರನ್ನು ಸಂಪರ್ಕಿಸಿದೆ.
ಖಾನ್‌ ಈಆಗಲೇ ಮದುವಯಾಗಿದ್ದು ಒಂದು ಮಗುವಿದೆ. ಸಾಕಷ್ಟು ಆದಾಯವಿಲ್ಲದ ಕಾರಣ ಖಾನ್ ತನ್ನನ್ನು ಸುಳ್ಳು ಭರವಸೆಗಳನ್ನು ನೀಡಿ ಮೋಸ ಮಾಡಿದ್ದಾನೆ ಎಂದು ಸಂತ್ರಸ್ತೆಯ ಕುಟುಂಬ ಭಾವಿಸಿದೆ” ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಖಾನ್ ಎಂಬ ಚಾಲಕ ಈ ಹಿಂದೆ ಎರಡು ಬಾರಿ ಮದುವೆಯಾಗಿದ್ದನೆಂದು ಪೊಲೀಸರು ತಿಳಿದುಕೊಂಡರು. ತನ್ನ ಮೊದಲ ಪತ್ನಿಗೆ ವಿಚ್ಛೇದನ ನೀಡಿದ ನಂತರ, ಆತ ಕೆಲವು ವರ್ಷಗಳ ಹಿಂದೆ ಎರಡನೇ ಮದುವೆಯಾಗಿದ್ದ ಮತ್ತು ಒಬ್ಬ ಮಗನನ್ನು ಕೂಡ ಪಡೆದಿದ್ದ. ದೂರಿನ ಮೇರೆಗೆ ಕಾರ್ಯಾಚರಣೆ ನಡೆಸಿದ ಪೊಲೀಸರು, ಸೆಪ್ಟೆಂಬರ್ 23 ರಂದು ಖಾನ್ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಿಸಿ ಆತನನ್ನು ವಶಕ್ಕೆ ತೆಗೆದುಕೊಂಡರು. ನಿನ್ನೆ, ವಿಧಿವಿಜ್ಞಾನ ತಂಡವು ಭ್ರೂಣದ ಅವಶೇಷಗಳನ್ನು ಹೊರತೆಗೆಯಲು ವಿಫಲ ಪ್ರಯತ್ನ ಮಾಡಿತು. “ನಾವು ಡಿಎನ್‌ಎ ಮಾದರಿಗಾಗಿ ಭ್ರೂಣದ ಅವಶೇಷಗಳನ್ನು ಹೊರತೆಗೆಯಲು ಪ್ರಯತ್ನಿಸುತ್ತಿದ್ದೆವು ಆದರೆ ದುರದೃಷ್ಟವಶಾತ್ ಅದನ್ನು ಪತ್ತೆ ಮಾಡಲಾಗಲಿಲ್ಲ. ನಾವು ಇನ್ನೂ ಭ್ರೂಣದ ಅವಶೇಷಗಳನ್ನು ಹುಡುಕಲು ಪ್ರಯತ್ನಿಸುತ್ತಿದ್ದೇವೆ ಎಂದು ಅಧಿಕಾರಿ ಹೇಳಿದರು. ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.