ತಿರುವನಂತಪುರಂ: 120 ವರ್ಷಗಳ ಇತಿಹಾಸದಲ್ಲೇ ಈ ವರ್ಷ ಅಕ್ಟೋಬರ್ ತಿಂಗಳಿನಲ್ಲಿ ಕೇರಳದಲ್ಲಿ ಅತಿ ಹೆಚ್ಚು ಮಳೆ ದಾಖಲಾಗಿದೆ..!
ಭಾರತೀಯ ಹವಾಮಾನ ಇಲಾಖೆ (IMD) ಬಿಡುಗಡೆ ಮಾಡಿದ ಅಂಕಿಅಂಶಗಳ ಪ್ರಕಾರ, ಕೇರಳವು ಈ ವರ್ಷ ಅಕ್ಟೋಬರ್‌ನಲ್ಲಿ 589.9 ಮಿಮೀ ಮಳೆಯನ್ನು ಪಡೆದಿದೆ, ಇದು 1901 ರ ವರ್ಷದಿಂದ ಅತಿ ಹೆಚ್ಚು ಮತ್ತು ಕಳೆದ ವರ್ಷ ಇದೇ ತಿಂಗಳಿಗೆ ಹೋಲಿಸಿದರೆ ಈ ವರ್ಷದ ಅಕ್ಟೋಬರಿನಲ್ಲಿ ಎರಡು ಪಟ್ಟು ಹೆಚ್ಚು ಮಳೆಯಾಗಿದೆ.
ಅಕ್ಟೋಬರ್ 25 ರ ವರೆಗೆ ಪ್ರಚಲಿತದಲ್ಲಿದ್ದ ನೈಋತ್ಯ ಮಾನ್ಸೂನ್ ನಿಂದಾಗಿ ಈ ವರ್ಷ ಅಕ್ಟೋಬರ್‌ನಲ್ಲಿ ಭಾರಿ ಮಳೆಯಾಗಿದೆ, ನಂತರ ಈಶಾನ್ಯ ಮಾನ್ಸೂನ್ ಪ್ರಾರಂಭವಾಯಿತು ಎಂದು ಐಎಂಡಿ ನಿರ್ದೇಶಕ ಪಿ ಎಸ್ ಬಿಜು ಪಿಟಿಐಗೆ ತಿಳಿಸಿದ್ದಾರೆ.
ಈ ವರ್ಷ ಜೂನ್-ಜುಲೈನಲ್ಲಿ, ರಾಜ್ಯದಲ್ಲಿ ಮಳೆಯ ಕೊರತೆ ಮತ್ತು ಆಗಸ್ಟ್-ಸೆಪ್ಟೆಂಬರಿಲ್ಲಿ ಹೆಚ್ಚುವರಿ ಮಳೆಯ ನಂತರ ಪ್ರಮಾಣವು ಸಾಮಾನ್ಯವಾಗಿದೆ ಎಂದು ಅವರು ಹೇಳಿದರು.
2021 ರ ಮೊದಲು, ರಾಜ್ಯವು ಅಕ್ಟೋಬರ್ 1932 (543.2 ಮಿಮೀ), 1999 (567.9 ಮಿಮೀ) ಮತ್ತು 2002 (511.7 ಮಿಮೀ) ನಲ್ಲಿ 500 ಮಿಮೀ ಮಳೆಯನ್ನು ಪಡೆದಿದೆ ಎಂದು ಐಎಂಡಿ ಹೇಳಿದೆ.
ಐಎಂಡಿ ಅಂಕಿಅಂಶಗಳ ಪ್ರಕಾರ, ಕಳೆದ 120 ವರ್ಷಗಳಲ್ಲಿ ಈ ತಿಂಗಳಲ್ಲಿ ರಾಜ್ಯವು 1989 ರಲ್ಲಿ 100ಮಿಮೀಗಿಂತ ಕಡಿಮೆ ಮಳೆ ಬಿದ್ದಿದ್ದು ಕೇರಳ ಪಡೆದ ಅತ್ಯಂತ ಕಡಿಮೆ ಪ್ರಮಾಣದ ಮಳೆಯಾಗಿದೆ.
ಕಳೆದ 12 ದಶಕಗಳಲ್ಲಿ ಈ ತಿಂಗಳಲ್ಲಿ ರಾಜ್ಯವು ಹೆಚ್ಚಾಗಿ 200 ಮಿಮೀ ನಿಂದ 400 ಮಿಮೀ ಮಳೆಯನ್ನು ಪಡೆದಿದೆ ಎಂದು ಐಎಂಡಿ ಡೇಟಾ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ