ರಾಜ್‌ಗಢ: ಭಾರತೀಯ ವಿವಾಹವು ಚಲನಚಿತ್ರದ ಕಥಾವಸ್ತುಕ್ಕಿಂತ ಕಡಿಮೆಯಿಲ್ಲ. ಯಾಕೆಂದರೆ ವಧುಗಳು ಬೇರೆಬೇರೆ ಕಾರಣಗಳಿಗಾಗಿ ಮದುವೆಯಾಗಲು ನಿರಾಕರಿಸಿದ ಹಲವಾರು ಘಟನೆಗಳು ಬೆಳಕಿಗೆ ಬಂದಿವೆ.
ಮಧ್ಯಪ್ರದೇಶದ ರಾಜ್‌ಗಢದಲ್ಲಿ ನಡೆದಇಂಥದ್ದೇ ಒಂದು ಘಟನೆ ನಡೆದದ ಬಗ್ಗೆ ವರದಿಯಾಗಿದೆ. ಮದುವೆಯ ಸ್ಥಳದಲ್ಲಿ ವರ ಕುಡಿದು ಬಂದ ಕಾರಣಕ್ಕೆ ವಧು ಆತನನ್ನು ಮದುವೆಯಾಗಲು ನಿರಾಕರಿಸಿದ್ದಾಳೆ.
ದಿ ಟೈಮ್ಸ್ ಆಫ್ ಇಂಡಿಯಾ ವರದಿ ಪ್ರಕಾರ, ನವೆಂಬರ್ 7ರಂದು ರಾಜ್‌ಗಢ್ ಜಿಲ್ಲೆಯ ಸುಥಾಲಿಯಾದಲ್ಲಿ ಈ ಘಟನೆ ನಡೆದಿದೆ. ಅಲ್ಲಿ ಮದುವೆಯ ಸಿದ್ಧತೆಗಳು ನಡೆದಿದ್ದವು. ಮದುವೆಯ ಮೆರವಣಿಗೆ ಸ್ಥಳಕ್ಕೆ ಆಗಮಿಸುತ್ತಿದ್ದಂತೆ, ವರ ಮತ್ತು ಅವರ ಸ್ನೇಹಿತರು ಸೇರಿದಂತೆ ಅನೇಕ ಅತಿಥಿಗಳು ಕುಡಿದಿದ್ದರು.
ವರನು ಎಷ್ಟು ಕುಡಿದಿದ್ದನೆಂದರೆ ಆತ ತಾನೇ ಎದ್ದು ನಿಲ್ಲುವ ಸ್ಥಿತಿಯಲ್ಲಿ ಇರಲಿಲ್ಲ. ವಧು ಮುಸ್ಕಾನ್ ಶೇಖ್ ಈ ದೃಶ್ಯವನ್ನು ವೀಕ್ಷಿಸಿದಾಗ, ಅವಳು ಮದುವೆಯಿಂದ ಹಿಂದೆ ಸರಿಯಲು ನಿರ್ಧರಿಸಿದರು ಮತ್ತು ನಿಕಾಹ್‌ಗೆ ಕುಳಿತುಕೊಳ್ಳಲು ನಿರಾಕರಿಸಿದಳು. ತಾನು ಯಾರನ್ನಾದರೂ ಮದುವೆಯಾಗಲು ಸಿದ್ಧ, ಆದರೆ ಇವನನ್ನಲ್ಲ ಎಂದು ಮನೆಯವರಿಗೆ ಖಂಡಿತವಾಗಿ ಹೇಳಿದಳು. ವಧುವಿನ ಆತಂಕ ಅರಿತ ಆಕೆಯ ಕುಟುಂಬವು ಆಕೆಗೆ ಸಂಪೂರ್ಣ ಬೆಂಬಲವನ್ನು ನೀಡಿತು ಮತ್ತು ಮದುವೆ ಮೆರವಣಿಗೆಗೆ ಹಿಂದಿರುಗಲು ಹೇಳಿತು. ಇದೇ ವೇಳೆ ಪೊಲೀಸರು ವಧುವಿನ ಕುಟುಂಬಕ್ಕೆ ಸಂಪೂರ್ಣ ಬೆಂಬಲ ನೀಡುವುದಾಗಿ ಭರವಸೆ ನೀಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ