ನವದೆಹಲಿ: ಪ್ರಮುಖ ಬೆಳವಣಿಗೆಯಲ್ಲಿ, ‘ಹರ್ ಘರ್ ದಸ್ತಕ್’ ಉಪಕ್ರಮದ ಅಡಿಯಲ್ಲಿ ಭಾರತವು ನವೆಂಬರ್ 30 ರೊಳಗೆ 90% ವಯಸ್ಕರಿಗೆ 1ನೇ ಡೋಸ್ ಕೋವಿಡ್-19 ಲಸಿಕೆ ನೀಡುವ ಗುರಿ ಹೊಂದಿದೆ.
ಇದನ್ನು ನವೆಂಬರ್ 3ರಂದು ಪ್ರಾರಂಭಿಸಲಾಗಿದ್ದು, ಈ ತಿಂಗಳ ಅವಧಿಯ ಅಭಿಯಾನವು ಇನ್ನೂ ಡೋಸ್ ತೆಗೆದುಕೊಳ್ಳದವರಿಗೆ ಮತ್ತು ಎರಡನೇ ಡೋಸ್ ಅವಧಿ ಮೀರಿದವರಿಗೆ ಮನೆ-ಮನೆಗೆ ಲಸಿಕೆ ನೀಡುವುದನ್ನು ಕೇಂದ್ರೀಕರಿಸಿದೆ. ಈ ಅಭಿಯಾನದ ಕುರಿತು ಆನ್ಲೈನ್ ಚರ್ಚೆಯಲ್ಲಿ ಮಾತನಾಡಿದ ಆರೋಗ್ಯ ಸಚಿವಾಲಯದ ಹೆಚ್ಚುವರಿ ಕಾರ್ಯದರ್ಶಿ ಮನೋಹರ್ ಅಗ್ನಾನಿ, ಸರ್ಕಾರವು ಗರಿಷ್ಠ ಎರಡನೇ ಡೋಸ್ ವ್ಯಾಪ್ತಿಯನ್ನು ಗುರಿಯಾಗಿಸಿಕೊಂಡಿದೆ ಎಂದು ಹೇಳಿದರು.
“ಆರೋಗ್ಯ ಕಾರ್ಯಕರ್ತರು ‘ಹರ್ ಘರ್ ದಸ್ತಕ್’ ಅಡಿಯಲ್ಲಿ ಪ್ರತಿ ಮನೆಯ ಬಾಗಿಲನ್ನು ತಟ್ಟುತ್ತಾರೆ, ಪರಿಶೀಲಿಸುತ್ತಾರೆ ಹಾಗೂ ಲಸಿಕೆ ತೆಗೆದುಕೊಳ್ಳುವಂತೆ ಪ್ರೇರೇಪಿಸುತ್ತಾರೆ. ಇದರಲ್ಲಿ ಪ್ರತಿಯೊಬ್ಬ ವ್ಯಕ್ತಿಯ ಪಾತ್ರವಿದೆ, ನಾವು ಎನ್ಜಿಒಗಳಿಗೂ ವಿನಂತಿಸಿದ್ದೇವೆ. ನವೆಂಬರ್ 30 ರೊಳಗೆ ನಾವು ನಮ್ಮ ಗುರಿಯನ್ನು ತಲುಪಬೇಕು. ನಮ್ಮಲ್ಲಿ 3 ಲಸಿಕೆಗಳು ಕೋವಾಕ್ಸಿನ್, ಕೋವಿಶೀಲ್ಡ್. ಮತ್ತು ಸ್ಪುಟ್ನಿಕ್ ವಿ ಲಸಿಕೆಗಳಿವೆ ಎಂದು ಮನೋಹರ್ ಅಗ್ನಾನಿ ಹೇಳಿದರು. ಈ ಸಂದರ್ಭದಲ್ಲಿ, ಪ್ರಸ್ತುತ ಕೋವಿಡ್-19 ಬೂಸ್ಟರ್ ಡೋಸ್ ಸದ್ಯಕ್ಕೆ ಕೊಡುವ ಸಾಧ್ಯತೆಯನ್ನು ಅವರು ತಳ್ಳಿಹಾಕಿದರು.
ಪ್ರಸ್ತುತ, ಭಾರತದಲ್ಲಿ 1,37,416 ಸಕ್ರಿಯ ಕೊರೊನಾವೈರಸ್ ಪ್ರಕರಣಗಳಿದ್ದು, 3,38,14,080 ರೋಗಿಗಳು ಚೇತರಿಸಿಕೊಂಡಿದ್ದಾರೆ ಮತ್ತು 4,62,690 ಸಾವುಗಳು ವರದಿಯಾಗಿವೆ. ಭಾರತದ ಕೋವಿಡ್-19 ಪರಿಸ್ಥಿತಿಯಲ್ಲಿನ ಸುಧಾರಣೆಯು ವ್ಯಾಕ್ಸಿನೇಷನ್ನಲ್ಲಿನ ತ್ವರಿತ ಪ್ರಗತಿಗೆ ಕಾರಣವಾಗಿದೆ.
ಮೂಲಗಳ ಪ್ರಕಾರ, ಭಾರತದ ಅರ್ಹ ವಯಸ್ಕ ಜನಸಂಖ್ಯೆಯ ಕನಿಷ್ಠ 80% ರಷ್ಟು ಲಸಿಕೆಯ ಕನಿಷ್ಠ ಒಂದು ಡೋಸ್ ನಿರ್ವಹಿಸಲಾಗಿದೆ ಮತ್ತು ಸುಮಾರು 38% ರಷ್ಟು ಜನರು ಎರಡೂ ಡೋಸ್ ಪಡೆದುಕೊಂಡಿದ್ದಾರೆ. ಭಾರತದಲ್ಲಿ ನೀಡಲಾಗುವ ಡೋಸ್ಗಳ ಸಂಖ್ಯೆಯಲ್ಲಿ ಉತ್ತರ ಪ್ರದೇಶವು ಅಗ್ರಸ್ಥಾನದಲ್ಲಿದೆ ಮತ್ತು ನಂತರದ ಸ್ಥಾನದಲ್ಲಿ ಮಹಾರಾಷ್ಟ್ರ, ಪಶ್ಚಿಮ ಬಂಗಾಳ, ಮಧ್ಯಪ್ರದೇಶ ಮತ್ತು ಗುಜರಾತ್ ಇವೆ.
ನಿಮ್ಮ ಕಾಮೆಂಟ್ ಬರೆಯಿರಿ