ನವದೆಹಲಿ: ದೇಶದ ರಕ್ಷಣಾ ವಲಯದ ಮಹತ್ವದ ಸಾಧನೆಯಲ್ಲಿ ಪೋಖ್ರಾನ್ ಶ್ರೇಣಿಗಳಿಂದ ಹೆಲಿಕಾಪ್ಟರ್‌ನಿಂದ ಉಡಾಯಿಸುವ ಸ್ಥಳೀಯವಾಗಿ ವಿನ್ಯಾಸಗೊಳಿಸಿದ ಮತ್ತು ಅಭಿವೃದ್ಧಿಪಡಿಸಿದ ಸ್ಟ್ಯಾಂಡ್-ಆಫ್ ಎಂಟಿ-ಟ್ಯಾಂಕ್ (ಎಸ್‌ಎಎನ್‌ಟಿ) ಕ್ಷಿಪಣಿಯನ್ನು ಭಾರತ ಶನಿವಾರ ಯಶಸ್ವಿಯಾಗಿ ಪರೀಕ್ಷಿಸಿದೆ.
ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಮತ್ತು ಭಾರತೀಯ ವಾಯುಪಡೆ (ಐಎಎಫ್) ಜಂಟಿಯಾಗಿ ಹಾರಾಟ ಪರೀಕ್ಷೆ ನಡೆಸಿವೆ.
ಪರೀಕ್ಷೆಯು ಅದರ ಎಲ್ಲ ಉದ್ದೇಶಗಳನ್ನು ಪೂರೈಸುವಲ್ಲಿ ಯಶಸ್ವಿಯಾಗಿದೆ. ಬಿಡುಗಡೆಯ ಕಾರ್ಯವಿಧಾನ, ಸುಧಾರಿತ ಮಾರ್ಗದರ್ಶನ ಮತ್ತು ಟ್ರ್ಯಾಕಿಂಗ್ ಅಲ್ಗಾರಿದಮ್‌ಗಳು, ಸಮಗ್ರ ಸಾಫ್ಟ್‌ವೇರ್‌ನೊಂದಿಗೆ ಎಲ್ಲ ಏವಿಯಾನಿಕ್ಸ್, ತೃಪ್ತಿಕರವಾಗಿ ಕಾರ್ಯನಿರ್ವಹಿಸಿದವು ಮತ್ತು ಟ್ರ್ಯಾಕಿಂಗ್ ವ್ಯವಸ್ಥೆಗಳು ಎಲ್ಲಾ ಮಿಷನ್ ಗುರಿಗಳನ್ನು ಮೇಲ್ವಿಚಾರಣೆ ಮಾಡುತ್ತವೆ ಎಂದು ಸರ್ಕಾರದ ಪ್ರಕಟಣೆ ತಿಳಿಸಿದೆ.
SANT ಕ್ಷಿಪಣಿಯು ಅತ್ಯಾಧುನಿಕ ಮಿಲಿಮೀಟರ್ ತರಂಗ (MMW) ಅನ್ವೇಷಕವನ್ನು ಹೊಂದಿದ್ದು ಅದು ಸುರಕ್ಷಿತ ದೂರದಿಂದ ಹೆಚ್ಚು ನಿಖರವಾಗಿ ಗುರಿಮುಟ್ಟುವ ಸಾಮರ್ಥ್ಯವನ್ನು ಒದಗಿಸುತ್ತದೆ. ಆಯುಧವು 10 ಕಿಮೀ ವ್ಯಾಪ್ತಿಯವರೆಗಿನ ಗುರಿಗಳನ್ನು ತಟಸ್ಥಗೊಳಿಸುತ್ತದೆ.
“SANT ಕ್ಷಿಪಣಿಯನ್ನು ಹೈದರಾಬಾದ್‌ನ ಸಂಶೋಧನಾ ಕೇಂದ್ರ ಇಮಾರತ್ ವಿನ್ಯಾಸಗೊಳಿಸಿದೆ ಮತ್ತು ಅಭಿವೃದ್ಧಿಪಡಿಸಿದೆ. ಸುಧಾರಿತ ತಂತ್ರಜ್ಞಾನಗಳೊಂದಿಗೆ ವಿಭಿನ್ನ ಅಪ್ಲಿಕೇಶನ್‌ಗಳಿಗಾಗಿ ವಿವಿಧ ಸಂರಚನೆಗಳ ಸ್ಥಳೀಯ ಅಭಿವೃದ್ಧಿಯು ರಕ್ಷಣೆಯಲ್ಲಿ ‘ಆತ್ಮನಿರ್ಭರ’ (ಸ್ವಾವಲಂಬನೆ) ಕಡೆಗೆ ದೃಢವಾದ ನಡಿಗೆಯಾಗಿದೆ ಎಂದು ಕೇಂದ್ರ ರಕ್ಷಣಾ ಸಚಿವಾಲಯ ಹೇಳಿದೆ.
ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಕ್ಷಿಪಣಿ ಕಾರ್ಯಾಚರಣೆಗೆ ಸಂಬಂಧಿಸಿದ ಇಡೀ ತಂಡವನ್ನು ಅಭಿನಂದಿಸಿದ್ದಾರೆ.
ಡಿಆರ್‌ಡಿಒ ಅಧ್ಯಕ್ಷ ಜಿ ಸತೀಶ್ ರೆಡ್ಡಿ, ಯಶಸ್ವಿ ಹಾರಾಟ ಪರೀಕ್ಷೆಯು ಭಾರತದ ಸ್ಥಳೀಯ ರಕ್ಷಣಾ ಸಾಮರ್ಥ್ಯಗಳನ್ನು ಹೆಚ್ಚಿಸುತ್ತದೆ ಎಂದು ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ