ಮೀರತ್: ಒಂದು ಉಪಕ್ರಮದಲ್ಲಿ, ಮಹಿಳಾ ಪುರೋಹಿತರು ವೇದ ಮಂತ್ರಗಳನ್ನು ಪಠಿಸುವ ಮೂಲಕ ವಿವಾಹ ಸಮಾರಂಭಗಳನ್ನು ನಡೆಸಲು ಪ್ರಾರಂಭಿಸಿದ್ದಾರೆ.
ಮೀರತ್‌ನ ನಾರಂಗ್‌ ಪುರದಲ್ಲಿರುವ ಶ್ರೀಮದ್ ದಯಾನಂದ ಉತ್ಕರ್ಷ ಆರ್ಶ ಕನ್ಯಾ ಗುರುಕುಲದ ಪ್ರಾಂಶುಪಾಲರು ಸೇರಿದಂತೆ ಮಹಿಳಾ ಪುರೋಹಿತರು ಮತ್ತು ಅವರ ಇತರ ಸಹಾಯಕರು ವೈದಿಕ ವಿಧಿವಿಧಾನಗಳನ್ನು ನೆರವೇರಿಸುವ ಮೂಲಕ ವಿವಾಹವನ್ನು ನೆರವೇರಿಸುತ್ತಿದ್ದಾರೆ ಎಂದು ಹಿಂದಿ ದೈನಿಕ ಹಿಂದೂಸ್ತಾನ್ ವರದಿ ಮಾಡಿದೆ.
ಇತ್ತೀಚೆಗೆ, ಗುರುಕುಲದ ಪ್ರಾಂಶುಪಾಲರಾದ ಅಲ್ಕಾ ಶಾಸ್ತ್ರಿ ಮತ್ತು ಕೃತಿಕಾ, ಅನುಭೂತಿ ಆರ್ಯ ಮತ್ತು ಇಶಿಕಾ ಸೇರಿದಂತೆ ಇತರ ಮಹಿಳಾ ಪುರೋಹಿತರು ಗುರುಗ್ರಾಮದಲ್ಲಿ ಸಂಪೂರ್ಣ ವಿಧಿವಿಧಾನಗಳೊಂದಿಗೆ ವಿವಾಹ ನೆರವೇರಿಸಿದರು.
ಮದುವೆಯ ಸಂದರ್ಭದಲ್ಲಿ ಈ ಮಹಿಳಾ ಪುರೋಹಿತರು ಮಂತ್ರಗಳನ್ನು ಪಠಿಸಲು ತಬಲಾ, ಹಾರ್ಮೋನಿಯಂ ಬಳಸಿದರು. ಅವರು ವಾಗ್ದಾನ ಸಂಸ್ಕಾರ (ನಿಶ್ಚಿತಾರ್ಥ ಸಮಾರಂಭ) ಕೂಡ ಮಾಡುತ್ತಿದ್ದಾರೆ.
ಕಳೆದ ಕೆಲವು ದಿನಗಳಲ್ಲಿ, ಮೀರತ್ ನಗರ, ಗುರುಗ್ರಾಮ್ ಮತ್ತು ನೋಯ್ಡಾದಲ್ಲಿ ಪುರೋಹಿತರು ಹಲವಾರು ವಿವಾಹಗಳನ್ನು ಮಾಡಿದ್ದಾರೆ. ಅವರು ಕಂಕರ್ ಖೇರಾ ಪ್ರದೇಶ ಮತ್ತು ಮೀರತ್‌ನಲ್ಲಿ ನಿಶ್ಚಿತಾರ್ಥ ಸಮಾರಂಭಗಳನ್ನು ನೆರವೇರಿಸಲು ಸಹಾಯ ಮಾಡಿದರು.
ಕನ್ಯಾ ಗುರುಕುಲದ ಸಂಚಾಲಕಿ ರಶ್ಮಿ ಆರ್ಯ ಮಾತನಾಡಿ, ಸಮಾಜದಲ್ಲಿ ಮಹಿಳಾ ಅರ್ಚಕರ ಸ್ವೀಕಾರ ಕ್ರಮೇಣ ಹೆಚ್ಚುತ್ತಿದ್ದು, ಹೀಗೆ ನಾನಾ ವಿಧಿವಿಧಾನಗಳನ್ನು ನೆರವೇರಿಸಲು ಜನರು ಕರೆಸುತ್ತಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ