ನವದೆಹಲಿ: ದೇಶದ 11 ರಾಜ್ಯಗಳಲ್ಲಿ 101 ಓಮಿಕ್ರಾನ್ ಪ್ರಕರಣಗಳು ವರದಿಯಾಗಿವೆ, ಕಳೆದ 20 ದಿನಗಳಿಂದ ದೈನಂದಿನ ಕೋವಿಡ್‌-19 ಪ್ರಕರಣಗಳು 10,000 ಕ್ಕಿಂತ ಕಡಿಮೆಯಾಗಿದೆ.
ಆರೋಗ್ಯ ಸಚಿವಾಲಯ, ವಿವಿಧ ದೇಶಗಳಲ್ಲಿ ಓಮಿಕ್ರಾನ್ ರೂಪಾಂತರದ ಹೆಚ್ಚುತ್ತಿರುವ ಪ್ರಕರಣಗಳ ದೃಷ್ಟಿಯಿಂದ ಜನರು ಜಾಗರೂಕರಾಗಿರಬೇಕು ಮತ್ತು ಅನಿವಾರ್ಯವಲ್ಲದ ಪ್ರಯಾಣ, ಸಾಮೂಹಿಕ ಕೂಟಗಳನ್ನು ತಪ್ಪಿಸಬೇಕು ಮತ್ತು ಕಡಿಮೆ-ತೀವ್ರತೆಯ ಹಬ್ಬಗಳನ್ನು ಆಚರುಸಬೇಕು ಎಂದು ಹೇಳಿದೆ.
ಓಮಿಕ್ರಾನ್ ರೂಪಾಂತರವು ಪ್ರಪಂಚದ 91 ದೇಶಗಳಲ್ಲಿ ವರದಿಯಾಗಿದೆ. ಡೆಲ್ಟಾ ಪರಿಚಲನೆ ಕಡಿಮೆ ಇರುವ ದಕ್ಷಿಣ ಆಫ್ರಿಕಾದಲ್ಲಿ ಡೆಲ್ಟಾ ರೂಪಾಂತರಕ್ಕಿಂತ ಓಮಿಕ್ರಾನ್ ವೇಗವಾಗಿ ಹರಡುತ್ತಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ (WHO) ಹೇಳಿದೆ. ಸಮುದಾಯ ಪ್ರಸರಣ ಸಂಭವಿಸುವ ಡೆಲ್ಟಾ ರೂಪಾಂತರವನ್ನು ಓಮಿಕ್ರಾನ್ ಮೀರಿಸುವ ಸಾಧ್ಯತೆಯಿದೆ ಎಂದುವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ ಎಂದು ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲಾವ್ ಅಗರವಾಲ್ ಹೇಳಿದರು.
ಕಳೆದ 1 ವಾರದಲ್ಲಿ ಭಾರತದ ಕೊರೊನಾ ಪ್ರಕರಣದ ಧನಾತ್ಮಕತೆಯು ಶೇಕಡಾ 0.65 ರಷ್ಟಿದ್ದು, ಕೇರಳವು ದೇಶದ ಒಟ್ಟು ಸಕ್ರಿಯ ಪ್ರಕರಣಗಳ ಸಂಖ್ಯೆಗೆ ಶೇಕಡಾ 40.31 ರಷ್ಟು ಕೊಡುಗೆ ನೀಡಿದೆ ಎಂದು ಅವರು ಹೇಳಿದರು.
ಭಾರತವು ಕೋವಿಡ್‌ 19 ಲಸಿಕೆಯನ್ನು ವಿಶ್ವದಲ್ಲೇ ಅತ್ಯಧಿಕ ಕಡಿಮೆ ದರದಲ್ಲಿ ನೀಡುತ್ತಿದೆ ಮತ್ತು ದೈನಂದಿನ ಡೋಸ್‌ಗಳ ಪ್ರಮಾಣವು ಅಮೆರಿಕದಲ್ಲಿ ನೀಡಲಾಗುವ ಡೋಸ್‌ಗಳ ದರಕ್ಕಿಂತ 4.8 ಪಟ್ಟು ಹೆಚ್ಚು ಮತ್ತು ಬ್ರಿಟನ್ನಿನಲ್ಲಿ ನೀಡಲಾಗುವ ಡೋಸ್‌ಗಳ ದರಕ್ಕಿಂತ 12.5 ಪಟ್ಟು ಹೆಚ್ಚು ಎಂದು ಅವರು ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ