ಆಂಧ್ರಪ್ರದೇಶದ ಭಾವಿ ಅಳಿಯನಿಗೆ ಸಂಕ್ರಾಂತಿ ಹಬ್ಬದಂದು ಅವನ ಅತ್ತೆ-ಮಾವಂದರು ಭವ್ಯವಾದ ಔತಣವನ್ನು ಏರ್ಪಡಿಸಿದ್ದರು.. ಇದು ಅಂತಿಂಧ ಔತಣವಲ್ಲ, ಇದು ರಾಜ ಮಹಾರಾಜರ ಮನೆಯಲ್ಲಿಯೂ ಸಿಗುವುದು ವಿರಳ. ಏಕೆಂದರೆ ಅವರು ತಮ್ಮ ಭಾವಿ ಅಳಿಯನಿಗೆ ವರ್ಷದ 365 ದಿನಗಳನ್ನು ಪರಿಗಣಿಸಿ 365 ವಿಧದ ಭಕ್ಷ್ಯಗಳನ್ನು ಸಿದ್ಧಗೊಳಿಸಿದ್ದರು..!.
ಪಶ್ಚಿಮ ಗೋದಾವರಿ ಜಿಲ್ಲೆಯ ನರಸಪುರಂನ ಆಂಧ್ರದ ಕುಟುಂಬವೊಂದು ಮಕರ ಸಂಕ್ರಾಂತಿ ಹಬ್ಬದಂದು ತಮ್ಮ ಭಾವಿ ಅಳಿಯನಿಗೆ ಭವ್ಯವಾದ ಖಾದ್ಯವನ್ನು ನೀಡಿತು. “ನಮ್ಮ ಭಾವಿ ಅಳಿಯನ ಮೇಲಿನ ಪ್ರೀತಿಯನ್ನು ತೋರಿಸಲು, ವರ್ಷದ 365 ದಿನಗಳನ್ನು ಪರಿಗಣಿಸಿ 365 ವಿಧದ ಖ್ಯಾದ್ಯಗಳನ್ನು ವ್ಯವಸ್ಥೆಗೊಳಿಸಲಾಗಿತ್ತು ಎಂದು ಕುಟುಂಬದ ಸದಸ್ಯರು ಹೇಳಿದರು.
ಸಂಕ್ರಾಂತಿ ಆಂಧ್ರಪ್ರದೇಶದಲ್ಲಿ ಒಂದು ದೊಡ್ಡ ಹಬ್ಬ (ಪೆದ್ದ ಪಾಂಡುಗ). ಭೋಗಿ-ಸಂಕ್ರಾಂತಿ-ಕನುಮವನ್ನು ಆಚರಿಸಲು ಕುಟುಂಬಗಳು ತಮ್ಮ ಊರಿಗೆ ಹಿಂದಿರುಗುವುದು ನಡೆದುಕೊಂಡ ಬಂದ ರೂಢಿ. ಆದರೆ, ಪಶ್ಚಿಮ ಗೋದಾವರಿ ನರಸಪುರದ ಕುಟುಂಬವೊಂದು ಹಬ್ಬ ಆಚರಿಸಲು ವಿಶಿಷ್ಟವಾದದ್ದನ್ನು ಮಾಡಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಗ್ರಾಸವಾಗಿದೆ. ಅವರು ತಮ್ಮ ಭವಿಷ್ಯದ ಅಳಿಯನಿಗೆ ಭವ್ಯವಾದ ಔತಣವನ್ನು ಏರ್ಪಡಿಸಿದರು.
ತೆಲುಗು ಸಂಪ್ರದಾಯದಲ್ಲಿ ವಾರ್ಷಿಕ ಸುಗ್ಗಿ ಹಬ್ಬಕ್ಕೆ ಅಳಿಯನನ್ನು ಆಹ್ವಾನಿಸುವುದು ವಾಡಿಕೆಯಾಗಿದ್ದು, ಆದರೆ ಈ ಕುಟುಂಬ 365 ಖಾದ್ಯಗಳನ್ನು ತಯಾರಿಸುವ ಮೂಲಕ ತಮ್ಮ ಭಾವಿ ಅಳಿಯನನ್ನು ಆಹ್ವಾನಿಸಿತ್ತು. ಆಹಾರ ಮೆನುವು 30 ವಿವಿಧ ವಿಧದ ಮೇಲೋಗರಗಳು, ಅನ್ನ, ಬಿರಿಯಾನಿ, ಪುಳಿಹೋರ, 100 ವಿವಿಧ ರೀತಿಯ ಸಾಂಪ್ರದಾಯಿಕ ಮತ್ತು ಆಧುನಿಕ ಸಿಹಿತಿಂಡಿಗಳು, 15 ವಿವಿಧ ರೀತಿಯ ಐಸ್ ಕ್ರೀಮ್‌ಗಳು, ಪೇಸ್ಟ್ರಿಗಳು, ಕೇಕ್, ಬಿಸಿ ಮತ್ತು ತಂಪು ಪಾನೀಯಗಳನ್ನು ಒಳಗೊಂಡಿತ್ತು.
ಕೃಷ್ಣಾ ಜಿಲ್ಲೆಯವರಾದ ಟಿ ಸುಬ್ರಹ್ಮಣ್ಯಂ ಮತ್ತು ಅನ್ನಪೂರ್ಣ ಅವರು ತಮ್ಮ ಮಗ ಸಾಯಿಕೃಷ್ಣ ಅವರ ವಿವಾಹವನ್ನು ಚಿನ್ನದ ವ್ಯಾಪಾರಿ ಆಟಂ ವೆಂಕಟೇಶ್ವರ ರಾವ್ ಮತ್ತು ಪಶ್ಚಿಮ ಗೋದಾವರಿ ಮಾಧವಿ ಅವರ ಪುತ್ರಿ ಕುಂದವಿ ಅವರೊಂದಿಗೆ ನಿಶ್ಚಯಿಸಲಾಗಿತ್ತು.
ಸಂಕ್ರಾಂತಿ ಹಬ್ಬವನ್ನು ಆಚರಿಸಲು, ವಧುವಿನ ಅಜ್ಜ ಅಚಂತ ಗೋವಿಂದ್ ಮತ್ತು ಅಜ್ಜಿ ನಾಗಮಣಿ ತಮ್ಮ ಭಾವಿ ಮೊಮ್ಮಳಿಯ ಮತ್ತು ಅವರ ಕುಟುಂಬವನ್ನು ಅದ್ದೂರಿಯಾಗಿ ಸ್ವಾಗತಿಸಲು ನಿರ್ಧರಿಸಿದರು. ಅದರಂತೆ 365 ವಿವಿಧ ಭಕ್ಷ್ಯಗಳನ್ನು ತಯಾರಿಸಿದರು..! ವಧು ಮತ್ತು ವರನ ಕುಟುಂಬದ ತಕ್ಷಣದ ಸದಸ್ಯರು ಹಬ್ಬವನ್ನು ಆಚರಣೆಯಲ್ಲಿ ಭಾಗವಹಿಸಿದರು.
ಪೂರ್ವ ಮತ್ತು ಪಶ್ಚಿಮ ಗೋದಾವರಿ ಜಿಲ್ಲೆಗಳಲ್ಲಿ ಈ ವಿದ್ಯಮಾನ ಚರ್ಚೆಯಾಯಿತು. ಎರಡೂ ಗೋದಾವರಿ ಜಿಲ್ಲೆಗಳು ತಮ್ಮ ಆತ್ಮೀಯ ಆತಿಥ್ಯಕ್ಕೆ ಹೆಸರುವಾಸಿಯಾಗಿದೆ. ಅವರು ಅತಿಥಿಗಳನ್ನು ಅತ್ಯಂತ ಬದ್ಧತೆಯಿಂದ ನೋಡಿಕೊಳ್ಳುತ್ತಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ