ಪರ್ವತದ ಅಂಚಿನಲ್ಲಿರುವ ಅತ್ಯಂತ ಇಕ್ಕಟ್ಟಿನ ರಸ್ತೆಯಲ್ಲಿ ಚಾಲಕನೊಬ್ಬ ಕಾರನ್ನು ಚಾಣಾಕ್ಷತನದಿಂದ ಯೂ ಟರ್ನ್ ತೆಗೆದುಕೊಂಡಿರುವ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಧೂಳೆಬ್ಬಿಸುತ್ತಿದೆ..!
ಅತ್ಯಂತ ಆಳವಾದ ಕಂದಕದ ಪಕ್ಕದಲ್ಲಿರುವ ಈ ಕಿರಿದಾದದ ರಸ್ತೆಯಲ್ಲಿ ನೀಲಿ ಬಣ್ಣದ ಕಾರನ್ನು ಚಾಲಕ ತನ್ನ ನೈಪೂನ್ಯ ಹಾಗೂ ಧೈರ್ಯದಿಂದ ನಿಧಾನವಾಗಿ ತಿರುಗಿಸಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ.
ರಸ್ತೆಯ ಒಂದೆಡೆ ಎತ್ತರವಾದ ಕಲ್ಲು ಬಂಡೆಗಳು ಹಾಗೂ ಇನ್ನೊಂದೆಡೆ ನೂರಾರು ಅಡಿಗಳ ಆಳವಾದ ಕಂದಕವಿದೆ. ರಸ್ತೆಯಲ್ಲಿ ಕಾರು ತಿರುಗಿಸುವಷ್ಟು ಜಾಗವಿಲ್ಲ. ಇಂಥ ಇಕ್ಕಟ್ಟಿನ ರಸ್ತೆಯಲ್ಲೂ ಕೂಡ ಚಾಲಕ ಯಶಸ್ವಿಯಾಗಿ ಕಾರನ್ನು ತಿರುಗಿಸಿಕೊಂಡು ಹೋಗುವ ಮೂಲಕ ವೀಕ್ಷಕರನ್ನು ದಿಗ್ಭ್ರಮೆಗೊಳಿಸಿದ್ದಾನೆ.
ಟರ್ನ್ ತೆಗೆದುಕೊಳ್ಳುವಾಗ ಅನೇಕ ಸಲ ಕಾರಿನ ಚಕ್ರಗಳು ಕಂದಕದ ಅಂಚಿಗೆ ತೆರಳಿ ಮೇಲೆ ಬಂದಿದ್ದು, ನೋಡುಗರ ಎದೆ ಝಲ್ ಎನ್ನುವಂತಿದೆ. ಕೊನೆಗೂ ಯಾವುದೇ ಹಾನಿಯಾಗದಂತೆ ಸುರಕ್ಷಿತವಾಗಿ ಕಾರು ತಿರುಗಿಸಿದ್ದಾನೆ. ಡ್ರೈವರ್ನ ದುಸ್ಸಾಹಸದ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಾದ ಟ್ವಿಟರ್ ಹಾಗೂ ಇನ್ಸ್ಟಾಗ್ರಾಂಗಳಲ್ಲಿ ಭಾರಿ ವೈರಲ್ ಆಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ