ಮುಂಬೈ: ಟೆನಿಸ್ ದಿಗ್ಗಜ ಲಿಯಾಂಡರ್ ಪೇಸ್ ತನ್ನ ಮಾಜಿ ಸಂಗಾತಿ ರಿಯಾ ಪಿಳ್ಳೈ ವಿರುದ್ಧ ಕೌಟುಂಬಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಮುಂಬೈನ ಮೆಟ್ರೋಪಾಲಿಟನ್ ಮ್ಯಾಜಿಸ್ಟ್ರೇಟ್ ಕೋರ್ಟ್ ತನ್ನ ಆದೇಶದಲ್ಲಿ ಹೇಳಿದೆ.
ಟೆನಿಸ್ ಆಟಗಾರ ಲಿಯಾಂಡರ್ ಪೇಸ್ ವಿರುದ್ಧ ಅವರೊಂದಿಗೆ ಲಿವ್ ಇನ್ ಸಂಬಂಧದಲ್ಲಿದ್ದ ರಿಯಾ ಪಿಳ್ಳೈ ಸಲ್ಲಿಸಿದ್ದ ದೂರಿಗೆ ಸಂಬಂಧಿಸಿದಂತೆ ವಿಚಾರಣೆ ನಡೆಸಿದ ಮುಂಬೈನ ಮೆಟ್ರೋಪಾಲಿಟನ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಪೇಸ್ ಕೌಟುಂಬಿಕ ದೌರ್ಜನ್ಯ ಎಸಗಿದೆ ಎಂದು ಹೇಳಿದೆ.
ರೂಪದರ್ಶಿ-ನಟಿ ರಿಯಾ ಪಿಳ್ಳೈ ಅವರು ಲಿಯಾಂಡರ್ ಪೇಸ್ ವಿರುದ್ಧ 2014 ರಲ್ಲಿ ಕೌಟುಂಬಿಕ ದೌರ್ಜನ್ಯ ಪ್ರಕರಣ ದಾಖಲಿಸಿದ್ದರು.
ಹೀಗಾಗಿ ಒಲಿಂಪಿಕ್ ಪದಕ ವಿಜೇತ ಟೆನಿಸ್ ತಾರೆ ಲಿಯಾಂಡರ್ ಪೇಸ್ ಅವರು ಮಾಸಿಕ 1.5 ಲಕ್ಷ ರೂ.ಗಳು.( 50 ಸಾವಿರ ರೂ.ಬಾಡಿಗೆ + ರೂ. 1 ಲಕ್ಷ ರೂ.ಜೀವನ ನಿರ್ವಹಣೆ) ಜೀವನಾಂಶ ನೀಡುವಂತೆ ಜುಡಿಷಿಯಲ್ ಮ್ಯಾಜಿಸ್ಟ್ರೇಟ್ ಕೋಮಲ್‌ ಸಿಂಗ್‌ ರಜಪೂತ ಆದೇಶಿಸಿದ್ದಾರೆ.
ಮೆಟ್ರೋಪಾಲಿಟನ್ ಮ್ಯಾಜಿಸ್ಟ್ರೇಟ್ ಕೋಮಲ್ಸಿಂಗ್ ರಜಪೂತ್ ಈ ತಿಂಗಳ ಆರಂಭದಲ್ಲಿ ಆದೇಶವನ್ನು ನೀಡಿದ್ದರು, ಅದು ಬುಧವಾರ ಲಭ್ಯವಾಯಿತು.
ರಿಯಾ ಪಿಳ್ಳೈ ಅವರು 2014 ರಲ್ಲಿ ಕೌಟುಂಬಿಕ ಹಿಂಸಾಚಾರದಿಂದ ಮಹಿಳೆಯರ ಸಂರಕ್ಷಣಾ ಕಾಯ್ದೆಯಡಿ ಪರಿಹಾರ ಮತ್ತು ರಕ್ಷಣೆ ಕೋರಿ ನ್ಯಾಯಾಲಯದ ಮೊರೆ ಹೋಗಿದ್ದರು, ಅವರು ಎಂಟು ವರ್ಷಗಳ ಕಾಲ ಲಿಯಾಂಡರ್ ಪೇಸ್ ಅವರೊಂದಿಗೆ ಲಿವ್-ಇನ್ ಸಂಬಂಧದಲ್ಲಿದ್ದರು ಎಂದು ಹೇಳಿದ್ದಾರೆ.
ಲಿಯಾಂಡರ್ ಪೇಸ್ ತನ್ನ ಕೃತ್ಯಗಳು ಮತ್ತು ನಡವಳಿಕೆಯ ಮೂಲಕ “ಮೌಖಿಕ, ಭಾವನಾತ್ಮಕ ಮತ್ತು ಆರ್ಥಿಕ ನಿಂದನೆಯನ್ನು ಉಂಟು ಮಾಡಿದರು, ಇದು ಪ್ರಚಂಡ ಭಾವನಾತ್ಮಕ ಹಿಂಸೆ ಮತ್ತು ಆಘಾತಕ್ಕೆ ಕಾರಣವಾಯಿತು” ಎಂದು ಅವರು ಹೇಳಿಕೊಂಡಿದ್ದಾರೆ.
ಮ್ಯಾಜಿಸ್ಟ್ರೇಟ್, ತನ್ನ ಆದೇಶದಲ್ಲಿ, “ಪ್ರತಿವಾದಿಯು ವಿವಿಧ ಕೌಟುಂಬಿಕ ಹಿಂಸಾಚಾರದ ಕೃತ್ಯಗಳಿಗೆ ಕಾರಣವಾಗಿರುವುದು ಸಾಬೀತಾಗಿದೆ” ಎಂದು ಹೇಳಿದರು.
ರಿಯಾ ಪಿಳ್ಳೈ ಅವರಿಗೆ ಮಾಸಿಕ 1 ಲಕ್ಷ ರೂ.ಗಳ ನಿರ್ವಹಣೆಯ ಹೊರತಾಗಿ ಮಾಸಿಕ 50,000 ರೂ. ಬಾಡಿಗೆಯನ್ನು ಪಾವತಿಸುವಂತೆ ಲಿಯಾಂಡರ್ ಪೇಸ್‌ಗೆ ನಿರ್ದೇಶಿಸಿದ ನ್ಯಾಯಾಲಯ, ಆದಾಗ್ಯೂ, ಅವರು ತಮ್ಮ ನಿವಾಸದಲ್ಲಿ (ಬಾಂದ್ರಾದಲ್ಲಿ) ವಾಸಿಸಲು ನಿರ್ಧರಿಸಿದರೆ, ಅವರು ವಿತ್ತೀಯ ಪರಿಹಾರಕ್ಕೆ ಅರ್ಹರಾಗಿರುವುದಿಲ್ಲ ಎಂದು ಹೇಳಿದರು.
ಇದೇ ವೇಳೆ ನ್ಯಾಯಾಲಯ “ಇಂತಹ ಸಂದರ್ಭಗಳಲ್ಲಿ ಸ್ತ್ರೀ ಸಂಗಾತಿ ಯಾವಾಗಲೂ ಅಹಿತಕರ ಸ್ಥಿತಿಯಲ್ಲಿರುತ್ತಾಳೆ. ವಿವಾಹೇತರವಾದ ಇಂತಹ ಸಂಬಂಧಗಳಲ್ಲಿ ತೊಡಗಿರುವ ಸ್ತ್ರೀ ಸಂಗಾತಿಗೆ ಪಿತೃಪ್ರಧಾನ ಸಮಾಜ ವಿವಿಧ ಅನ್ಯಾಯ ಎಸಗುತ್ತದೆ” ಎಂದು ಅಭಿಪ್ರಾಯಪಟ್ಟಿತು.
ಇದೇ ವೇಳೆ ರಿಯಾ ಅವರು ಆರ್ಥಿಕವಾಗಿ ಉತ್ತಮ ಹಿನ್ನೆಲೆಯಿಂದ ಬಂದಿದ್ದು ಪೇಸ್ ವಾಸಿಸುತ್ತಿರುವ ಬಾಡಿಗೆ ಮನೆಯನ್ನು ಆಕೆ ತೊರೆಯಬೇಕು ಎಂದು ಸೂಚಿಸಿತು. ಆಕೆಗೆ ಬಾಡಿಗೆಗೆಂದು ಪ್ರತಿ ತಿಂಗಳು ₹50,000 ಹಾಗೂ ಜೀವನಾಂಶಕ್ಕೆಂದು ₹ 1 ಲಕ್ಷ ಹಾಗೂ ಕಾನೂನು ವೆಚ್ಚವಾಗಿ ₹ 1 ಲಕ್ಷವನ್ನು ಪ್ರತ್ಯೇಕಾಗಿ ನೀಡಬೇಕು ಹಾಗೂ ಮಗಳ ಜೀವನಾಂಶ, ಶಿಕ್ಷಣ ಮತ್ತಿತರ ಅಗತ್ಯಗಳಿಗಾಗಿ ಹಣ ಪಾವತಿ ಮುಂದುವರೆಸಬೇಕು ಎಂದು ಸೂಚಿಸಿತು.
ಇದೇ ವೇಳೆ ಹಿಂದಿನ ಜೀವನಾಂಶವನ್ನು ಮರುಪಾವತಿಸಿ ಮನೆ ಭಾಗ ಮಾಡಿಕೊಳ್ಳಲು ಅನುಮತಿ ನೀಡಬೇಕು ಎಂಬ ಪಿಳ್ಳೈ ಮನವಿಯನ್ನು ನ್ಯಾಯಾಲಯ ತಿರಸ್ಕರಿಸಿತು.
ನಿಮ್ಮ ಕಾಮೆಂಟ್ ಬರೆಯಿರಿ