ನವದೆಹಲಿ: ಉತ್ತರ ಪ್ರದೇಶದ ಸ್ಪರ್ಧೆಯ ದ್ವಿಧ್ರುವಿ ಸ್ವರೂಪವನ್ನು ಪ್ರತಿಬಿಂಬಿಸುವ, 2022 ರ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಮತ್ತು ಸಮಾಜವಾದಿ ಪಕ್ಷವು ಒಟ್ಟು 403 ಸ್ಥಾನಗಳಲ್ಲಿ 305 ರಲ್ಲಿ ನೇರ ಸ್ಪರ್ಧೆ ಕಂಡಿತು.
ಕಳೆದ ಚುನಾವಣೆಗೆ ಹೋಲಿಸಿದರೆ ಇದು ಗಣನೀಯವಾಗಿ ಹೆಚ್ಚಾಗಿದೆ. ಕಳೆದ ಚುನಾವಣೆಯಲ್ಲಿ 191 ವಿಧಾನಸಭಾ ಕ್ಷೇತ್ರಗಳಲ್ಲಿ ಎರಡು ಪಕ್ಷಗಳ ನಡುವೆ ನೇರ ಹಣಾಹಣಿ ನಡೆದಿತ್ತು.
2022 ರ ವಿಧಾನಸಭಾ ಚುನಾವಣೆಯಲ್ಲಿ 305 ಸ್ಥಾನಗಳಲ್ಲಿ, ಸರಾಸರಿ 28,103 ಮತಗಳ ಅಂತರದಿಂದ ಬಿಜೆಪಿ 206 ಸ್ಥಾನಗಳನ್ನು ಗೆದ್ದಿದೆ ಹಾಗೂ ಎಸ್ಪಿ ತಲಾ 17,820 ಮತಗಳಿಂದ 99 ಸ್ಥಾನಗಳಲ್ಲಿ ಗೆಲುವು ಸಾಧಿಸಿದೆ.
ಬೇರೆ ರೀತಿಯಲ್ಲಿ ಹೇಳುವುದಾದರೆ, ಬಿಜೆಪಿ ಗೆದ್ದ ಒಟ್ಟು 255 ಸ್ಥಾನಗಳಲ್ಲಿ, ಅದು ಎಸ್ಪಿ ವಿರುದ್ಧದ ನೇರ ಸ್ಪರ್ಧೆಯಲ್ಲೇ 206 ಸ್ಥಾನಗಳನ್ನು ಗೆದ್ದಿದೆ; ಅದೇ ರೀತಿ, ಎಸ್‌ಪಿಯ ಒಟ್ಟು 111 ಸ್ಥಾನಗಳಲ್ಲಿ 99 ಸ್ಥಾನಗಳನ್ನು ಬಿಜೆಪಿ ವಿರುದ್ಧ ಗೆದ್ದಿದೆ.
ಬಿಜೆಪಿ ಗೆದ್ದ ಉಳಿದ 49 ಸ್ಥಾನಗಳಲ್ಲಿ, ಇನ್ನೂ 27 ಎಸ್‌ಪಿಯ ಮಿತ್ರಪಕ್ಷಗಳ ವಿರುದ್ಧ ಬಂದಿವೆ – 19 ಆರ್‌ಎಲ್‌ಡಿ ವಿರುದ್ಧ, 6 ಸುಹೇಲ್‌ದೇವ್ ಭಾರತೀಯ ಸಮಾಜ ಪಕ್ಷ (ಎಸ್‌ಬಿಎಸ್‌ಪಿ) ಮತ್ತು 2 ಅಪ್ನಾ ದಳ (ಕಾಮೆರವಾಡಿ) ವಿರುದ್ಧ ಗೆಲುವು ಸಾಧಿಸಿದೆ.
ಬಿಜೆಪಿ 16 ಸ್ಥಾನಗಳಲ್ಲಿ ಬಿಎಸ್ಪಿ, 4 ಕಾಂಗ್ರೆಸ್ ಮತ್ತು ಇಬ್ಬರು ಸ್ವತಂತ್ರರ ವಿರುದ್ಧ ಗೆದ್ದಿದೆ.
ಬಿಜೆಪಿ ವಿರುದ್ಧ ಸ್ಪರ್ಧಿಸದಿದ್ದಲ್ಲಿ ಎಸ್ಪಿ ಗೆದ್ದ 12 ಸ್ಥಾನಗಳಲ್ಲಿ , ಅದು ಒಂಬತ್ತು ಬಿಜೆಪಿ ಮಿತ್ರಪಕ್ಷಗಳ ವಿರುದ್ಧ ಗೆದ್ದಿದೆ – 5 ಅಪ್ನಾ ದಳ (ಸೋನಿಲಾಲ್) ಮತ್ತು 4 ನಿಶಾದ್ ಪಕ್ಷದ ವಿರುದ್ಧ. ಅಲ್ಲದೆ, ಬಿಎಸ್ಪಿ ವಿರುದ್ಧ ಎರಡು ಮತ್ತು ಜೆಡಿಯು ವಿರುದ್ಧ ಒಂದು ಸ್ಥಾನವನ್ನು ಗೆದ್ದಿದೆ.
ಎರಡು ಪಕ್ಷಗಳು ಪರಸ್ಪರ ಗೆದ್ದುಕೊಂಡಿರುವ ಸ್ಥಾನಗಳ ಹೆಚ್ಚಳದ ಹೊರತಾಗಿಯೂ ಗೆಲುವಿನ ಸರಾಸರಿ ಅಂತರದಲ್ಲಿ, ಎಸ್ಪಿ ವಿರುದ್ಧ ಬಿಜೆಪಿ ಗೆಲುವಿನ ಅಂತರವು ಸ್ವಲ್ಪಮಟ್ಟಿಗೆ ಕುಸಿದಿದೆ. 2017ರಲ್ಲಿ ಇವರಿಬ್ಬರು 191 ಸ್ಥಾನಗಳಲ್ಲಿ ನೇರ ಪೈಪೋಟಿ ನಡೆಸಿದಾಗ ಬಿಜೆಪಿ 156ರಲ್ಲಿ ಸರಾಸರಿ 29,014 ಮತಗಳ ಅಂತರದಿಂದ ಗೆದ್ದಿದ್ದರೆ, ಎಸ್ಪಿ ತಲಾ 14,803 ಮತಗಳಿಂದ 35ರಲ್ಲಿ ಗೆಲುವು ಸಾಧಿಸಿತ್ತು.
ಎಸ್ಪಿ ವಿರುದ್ಧ ಮಾತ್ರವಲ್ಲದೆ, ಎಲ್ಲಾ ಸ್ಥಾನಗಳಲ್ಲಿ ಬಿಜೆಪಿಯ ಸರಾಸರಿ ಗೆಲುವಿನ ಅಂತರವು 2017 ರಲ್ಲಿ 32,918 ರಿಂದ 2022 ರಲ್ಲಿ 31,718 ಮತಗಳಿಗೆ ಕನಿಷ್ಠ ಕುಸಿತ ಕಂಡಿದೆ. 2017 ರಲ್ಲಿ ಅದು ದಾಖಲೆಯ 312 ವಿಧಾನಸಭಾ ಸ್ಥಾನಗಳನ್ನು ಗೆದ್ದಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ