ಗುವಾಹತಿ: ದೃಷ್ಟಿಹೀನರಿಗೆ ಸಹಾಯ ಮಾಡುವ ಪ್ರಯತ್ನದಲ್ಲಿ, ಅಸ್ಸಾಂನ ಕರೀಮ್‌ಗಂಜ್ ಜಿಲ್ಲೆಯ ಬಾಲಕನೊಬ್ಬ ಸಂವೇದಕ-ಸಕ್ರಿಯಗೊಳಿಸುವ ಸ್ಮಾರ್ಟ್ ಶೂ ಅನ್ನು ವಿನ್ಯಾಸಗೊಳಿಸಿದ್ದಾನೆ.
ಕರೀಮ್‌ಗಂಜ್ ಜಿಲ್ಲೆಯ ರೋಲ್ಯಾಂಡ್ಸ್ ಮೆಮೋರಿಯಲ್ ಹೈಸ್ಕೂಲ್‌ನ 9 ನೇ ತರಗತಿಯ ವಿದ್ಯಾರ್ಥಿಯಾಗಿರುವ ಅಂಕುರಿತ್ ಕರ್ಮಾಕರ್ ದೃಷ್ಟಿ ವಿಕಲಚೇತನರು ನಡೆಯುವಾಗ ದಾರಿಯಲ್ಲಿ ಬರುವ ಅಡೆತಡೆಗಳಿಂದ ಸುರಕ್ಷಿತವಾಗಿರಲು ಸ್ಮಾರ್ಟ್ ಶೂ ಅನ್ನು ವಿನ್ಯಾಸಗೊಳಿಸಿದ್ದಾರೆ.
ನಾನು ಅಂಧರಿಗಾಗಿ ಈ ಸ್ಮಾರ್ಟ್ ಶೂ ತಯಾರಿಸಿದ್ದೇನೆ. ದೃಷ್ಟಿ ವಿಕಲಚೇತನರು ನಡೆಯುವಾಗ ಅವರಿಗೆ ದಾರಿಯಲ್ಲಿ ಅಡ್ಡಿ ಉಂಟಾದರೆ ಶೂ ಸೆನ್ಸರ್ ಅಡೆತಡೆಯನ್ನು ಪತ್ತೆ ಹಚ್ಚಿ ಬಜರ್ ಮೂಲಕ ಎಚ್ಚರಿಕೆ ನೀಡುತ್ತದೆ. ಬಜರ್ ರಿಂಗಣಿಸಿದಾಗ, ದೃಷ್ಟಿ ವಿಕಲಚೇತನರು ಅದನ್ನು ಕೇಳಲು ಸಾಧ್ಯವಾಗುತ್ತದೆ ಮತ್ತು ಅವರು ಜಾಗರೂಕರಾಗುತ್ತಾರೆ. ಹಾಗೂ ಅಡಚಣೆಯನ್ನು ತಪ್ಪಿಸಲು ಅದಕ್ಕೆ ಅನುಗುಣವಾಗಿ ಕಾರ್ಯನಿರ್ವಹಿಸಬಹುದು ಎಂದು ಕರ್ಮಾಕರ್ ತಿಳಿಸಿದ್ದಾರೆ.
ಈ ಶೂಗಳ ವಿಶೇಷತೆಗಳು…
ಈ ಶೂಗಳು ನೋಡಲು ಸಾಮಾನ್ಯ ಲೆದರ್ ಗಳಂತೆ ಕಾಣುತ್ತದೆ. ಆದರೆ, ಇದು ವಿಶೇಷ ತಂತ್ರಜ್ಞಾನವನ್ನು ಹೊಂದಿದೆ. ಶೂ ಮುಂಭಾಗದಲ್ಲಿ ಅಡೆತಡೆಗಳನ್ನು ಪತ್ತೆಹಚ್ಚುವ ಸಂವೇದಕಗಳನ್ನು ಹೊಂದಿದೆ. ಯಾವುದೇ ಅಡಚಣೆಯನ್ನು ಪತ್ತೆಹಚ್ಚಿದ ಕೂಡಲೇ ಎಚ್ಚರಿಕೆ ನೀಡಲು ಶೂ ಜೋರಾಗಿ ಬಜರ್ ಬಾರಿಸುತ್ತದೆ.
ಶೂಗಳನ್ನು ಚಿಕ್ಕ ಬ್ಯಾಟರಿಯಿಂದ ಚಾಲಿತಗೊಳಿಸಲಾಗಿದ್ದು, ಅಡಿಭಾಗಕ್ಕೆ ಕಟ್ಟಲಾಗುತ್ತದೆ. ಸಂವೇದಕವು ಬ್ಯಾರೆಲ್ ಕನೆಕ್ಟರ್ ಅನ್ನು ಬಳಸಿಕೊಂಡು ಬ್ಯಾಟರಿಗೆ ಸಂಪರ್ಕಿಸುತ್ತದೆ. ಮಾರ್ಗದಲ್ಲಿ ಯಾವುದೇ ಅಡಚಣೆಯಿದ್ದರೆ, ಶೂನಲ್ಲಿರುವ ಸಂವೇದಕ ಅದನ್ನು ಪತ್ತೆ ಹಚ್ಚಿ, ಕೂಡಲೇ ಬಜರ್ ಮೂಲಕ ಧರಿಸಿದವರಿಗೆ ಎಚ್ಚರಿಕೆ ಸಂದೇಶ ನೀಡುತ್ತದೆ.
ನಾನು ಗ್ರೇಟ್ ಬ್ರಿಟನ್‌ನ ವ್ಯಕ್ತಿಯಿಂದ ಸ್ಮಾರ್ಟ್ ಶೂ ಅನ್ನು ವಿನ್ಯಾಸಗೊಳಿಸಲು ಪ್ರೇರೇಪಣೆ ಪಡೆದಿದ್ದೇನೆ ಮತ್ತು ಅವರು ಅದೇ ರೀತಿಯ ಶೂಗಳನ್ನು ತಯಾರಿಸಿದ್ದೇನೆ ಎಂದು ಅಂಕುರಿತ್ ಕರ್ಮಾಕರ್ ಹೇಳಿದ್ದಾನೆ.
ಭವಿಷ್ಯದಲ್ಲಿ ನನ್ನ ಗುರಿ ವಿಜ್ಞಾನಿಯಾಗುವುದು. ಜನರಿಗೆ ಸಹಾಯವಾಗುವಂಥ ಕೆಲಸ ಮಾಡುತ್ತೇನೆ ಎಂದು ಹೇಳಿದ್ದಾನೆ.
ನಿಮ್ಮ ಕಾಮೆಂಟ್ ಬರೆಯಿರಿ