ಪಣಜಿ: ಕೇಂದ್ರ ಗೃಹ ಸಚಿವ ಅಮಿತ್ ಶಾ ಗೋವಾ ಪ್ರವಾಸದ ವೇಳೆ 850 ರೂಪಾಯಿ ಮೌಲ್ಯದ ಮಿನರಲ್ ವಾಟರ್ ಬಾಟಲಿಯನ್ನು ನೀಡಲಾಗಿದ್ದು, ಪಣಜಿಯಿಂದ ಸುಮಾರು 10 ಕಿ.ಮೀ ದೂರದಲ್ಲಿರುವ ಪಟ್ಟಣದಿಂದ ಅದನ್ನು ತರಿಸಲಾಗಿದೆ ಎಂದು ರಾಜ್ಯ ಕೃಷಿ ಸಚಿವ ರವಿ ನಾಯ್ಕ್ ಮಂಗಳವಾರ ಹೇಳಿದ್ದಾರೆ.
ನಾಯ್ಕ್ ಅವರು ಗೋವಾದಲ್ಲಿ ಮಳೆನೀರು ಕೊಯ್ಲಿಗಾಗಿ ಬಲವಾದ ಪ್ರತಿಪಾದನೆ ಮಾಡುವಾಗ ದುಬಾರಿ ಖರೀದಿಯ ಬಗ್ಗೆ ಪ್ರಸ್ತಾಪಿಸಿದರು ಮತ್ತು ಭವಿಷ್ಯದಲ್ಲಿ ನೀರು ಹೇಗೆ ವಿರಳ ಮತ್ತು ಅಮೂಲ್ಯ ಸಂಪನ್ಮೂಲವಾಗುತ್ತದೆ ಎಂಬುದನ್ನು ವಿವರಿಸಿದರು.
ಅಮಿತ್ ಶಾ ಗೋವಾದಲ್ಲಿ (ಫೆಬ್ರವರಿ ವಿಧಾನಸಭಾ ಚುನಾವಣೆಯ ಪ್ರಚಾರಕ್ಕಾಗಿ) ಇದ್ದಾಗ, ಅವರು ಹಿಮಾಲಯ (ಬ್ರಾಂಡ್) ನೀರಿನ ಬಾಟಲಿಯನ್ನು ಕೇಳಿದರು. ನಂತರ ಅದನ್ನು ಮಾಪುಸಾದಿಂದ (ಪಣಜಿಯಿಂದ ಸುಮಾರು 10 ಕಿಮೀ ದೂರದಲ್ಲಿದೆ) ತರಲಾಯಿತು ಎಂದು ದಕ್ಷಿಣ ಗೋವಾದಲ್ಲಿ ನಡೆದ ಕಾರ್ಯಕ್ರಮವನ್ನು ಉದ್ದೇಶಿಸಿ ನಾಯ್ಕ್ ಹೇಳಿದರು.
ಸ್ಟಾರ್ ಹೋಟೆಲ್‌ಗಳಲ್ಲಿ ಲಭ್ಯವಿರುವ ಮಿನರಲ್ ವಾಟರ್ ಬಾಟಲ್‌ಗಳ ದರವೂ ಸಹ 150- 160 ರೂ.ಗಳ ವ್ಯಾಪ್ತಿಯಲ್ಲಿದೆ. ಈ ರೀತಿಯಾಗಿ ನೀರು ದುಬಾರಿಯಾಗಿದೆ” ಎಂದು ಅವರು ವಿವರಿಸಿದರು.
ನಿಮ್ಮ ಕಾಮೆಂಟ್ ಬರೆಯಿರಿ