ಕೇರಳದ ಯುವ ಮಾಡೆಲ್-ನಟಿ ತನ್ನ ನಿವಾಸದಲ್ಲಿ ಶವವಾಗಿ ಪತ್ತೆ, ಪತಿಯನ್ನು ವಶಕ್ಕೆ ಪಡೆದ ಪೊಲೀಸರು

ಕೋಝಿಕ್ಕೋಡ್(ಕೇರಳ): 20 ವರ್ಷದ ರೂಪದರ್ಶಿ ಹಾಗೂ ನಟಿ ಕೇರಳದ ಕೋಝಿಕ್ಕೋಡ್ ನಗರದ ಬಳಿಯಿರುವ ಅವರ ನಿವಾಸದಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಪೊಲೀಸರ ಪ್ರಕಾರ, ಶಹಾನಾ ಗುರುವಾರ ರಾತ್ರಿ ತಮ್ಮ ನಿವಾಸದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಶಹಾನಾ ಅವರ ಪತಿ ಸಜ್ಜದ್ (31) ಅವರನ್ನು ವಿಚಾರಣೆಗಾಗಿ ವಶಕ್ಕೆ ತೆಗೆದುಕೊಳ್ಳಲಾಗಿದೆ.
ಕೋಝಿಕ್ಕೋಡ್ ನಗರದಿಂದ 14 ಕಿಮೀ ದೂರದಲ್ಲಿರುವ ಪರಂಬಿಲ್ ಬಜಾರ್‌ನಲ್ಲಿರುವ ತನ್ನ ನಿವಾಸದಲ್ಲಿ ಶಹಾನಾ ಕಿಟಕಿಗೆ ನೇಣು ಬಿಗಿದುಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾಳೆ. ಯುವ ಮಾಡೆಲ್ ಸಾವಿನ ಸುತ್ತ ಇರುವ ನಿಗೂಢ ಸನ್ನಿವೇಶಗಳು ಅನುಮಾನವನ್ನು ಹೆಚ್ಚಿಸಿವೆ.
ಶಹಾನಾ ಗುರುವಾರ ಸಂಜೆ ನಮ್ಮನ್ನು ಸಂಪರ್ಕಿಸಿದರು. ಇದು ಅವರ 20 ನೇ ಜನ್ಮದಿನವಾಗಿತ್ತು. ಅವಳು ತನ್ನ ಜನ್ಮದಿನವನ್ನು ಆಚರಿಸಲು ಮನೆಗೆ ಬರುವುದಾಗಿ ಹೇಳಿದ್ದಳು. ಅವಳು ತುಂಬಾ ಸಂತೋಷವಾಗಿದ್ದಳು. ಅವಳು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ನಾನು ಭಾವಿಸುವುದಿಲ್ಲ” ಎಂದು ಶಹಾನಾ ಅವರ ತಾಯಿ ಯುವೆಮಾ ಹೇಳಿದ್ದಾರೆ ಎಂದು ಅವರನ್ನು ಉಲ್ಲೇಖಿಸಿ ಮಾತೃಭೂಮಿ ವರದಿ ಮಾಡಿದೆ.

ಶಹಾನಾಳನ್ನು ಆಕೆಯ ಪತಿ ಸಜ್ಜದ್ ಕೊಲೆ ಮಾಡಿದ್ದಾನೆ ಎಂದು ಯುವೆಮಾ ಆರೋಪಿಸಿದ್ದಾರೆ. ಜಾಹೀರಾತಿಗಾಗಿ ಪಡೆದ ಚೆಕ್ ಅನ್ನು ನೀಡಲು ನಿರಾಕರಿಸಿದ್ದಕ್ಕೆ ಶಹಾನಾಗೆ ಸಜ್ಜದ್ ಕೊಲೆ ಬೆದರಿಕೆ ಹಾಕಿದ್ದ ಎಂದು ತಾಯಿ ಹೇಳಿದ್ದಾರೆ.
ಶಹಾನಾ ಒಂದೂವರೆ ವರ್ಷದ ಹಿಂದೆ ಕೊಜಿಕೋಡ ಮೂಲದ ಸಜ್ಜದ್ ಎಂಬಾತನನ್ನು ಮದುವೆಯಾಗಿದ್ದಳು. ಸಜ್ಜದ್ ಕತಾರ್‌ನಲ್ಲಿ ಕೆಲಸ ಮಾಡುತ್ತಿದ್ದಾಗ ದಂಪತಿ ವಿವಾಹವಾಗಿದ್ದರು.
ಮದುವೆಯ ನಂತರ ಶಹಾನಾ ತನ್ನ ಮಾಡೆಲಿಂಗ್ ವೃತ್ತಿಜೀವನವನ್ನು ಪ್ರಾರಂಭಿಸಿದಳು ಮತ್ತು ಅವಳು ತಮಿಳು ಚಿತ್ರದಲ್ಲೂ ನಟಿಸುತ್ತಿದ್ದಳು ಎಂದು ಉವೇಮಾ ಹೇಳಿದರು. ಶಹಾನಾ ಸಾಕಷ್ಟು ಹಣವನ್ನು ಸಂಪಾದಿಸಲು ಪ್ರಾರಂಭಿಸಿದ ನಂತರ ಸಜ್ಜದ್ ಕತಾರ್‌ಗೆ ಮರಳಲು ನಿರಾಕರಿಸಿದ ಎಂದು ಉವೆಮಾ ಹೇಳಿಕೊಂಡಿದ್ದಾರೆ.

“ಅವಳು ಗಳಿಸಿದ ಹೆಚ್ಚಿನ ಹಣವನ್ನು ಅವನು ಖರ್ಚು ಮಾಡಿದ.ಸಜ್ಜದ್ ಕುಟುಂಬ ವರದಕ್ಷಿಣೆಯಾಗಿ 25 ಪವನ್ ಚಿನ್ನಾಭರಣ ಕೇಳಿದ್ದರು ಎಂದು ಶಹಾನಾ ಸಂಬಂಧಿಕರು ಆರೋಪಿಸಿದ್ದಾರೆ. ಮದುವೆಯ ನಂತರವೂ ಸಜ್ಜದ್ ಶಹಾನಾ ಕುಟುಂಬಕ್ಕೆ ಹೆಚ್ಚಿನ ವರದಕ್ಷಿಣೆಗಾಗಿ ಕಿರುಕುಳ ನೀಡುತ್ತಿದ್ದ ಎನ್ನಲಾಗಿದೆ. ಇದಲ್ಲದೆ, ಶಹಾನಾಳ ತಾಯಿಯನ್ನು ಭೇಟಿ ಮಾಡಲು ಸಜ್ಜದ್ ಮತ್ತು ಅವನ ಕುಟುಂಬ ನಿರಾಕರಿಸಿತ್ತು.
ಯುವ ಮಾಡೆಲ್ ತನ್ನ ನಿವಾಸದಲ್ಲಿ ಶವವಾಗಿ ಪತ್ತೆಯಾದ ನಂತರ, ಕೇರಳ ಪೊಲೀಸರು ಸಜ್ಜದ್ ಅವರನ್ನು ಕಸ್ಟಡಿಗೆ ತೆಗೆದುಕೊಂಡಿದ್ದಾರೆ, ಅವರ ವಿರುದ್ಧ, ಶಹಾನಾ ಅವರ ಕುಟುಂಬವು ಹಲ್ಲೆ ಮತ್ತು ಕೊಲೆ ಸೇರಿದಂತೆ ವಿವಿಧ ಆರೋಪಗಳನ್ನು ಮಾಡಿದೆ.
ಮಾಡೆಲಿಂಗ್‌ಗಾಗಿ ಪಡೆದ ಕೆಲವು ಚೆಕ್‌ಗಾಗಿ ಅವರು ಜಗಳವಾಡಿದ್ದಾರೆ ಎಂಬ ಮಾಹಿತಿ ನಮಗೆ ಬಂದಿದೆ. ಶಹಾನಾ ಶವ ಕಿಟಿಕಿ ಮೇಲೆ ನೇಣು ಹಾಕಿಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದೆ.ನಾವು ತನಿಖೆ ನಡೆಸುತ್ತಿದ್ದೇವೆ” ಎಂದು ಎಸಿಪಿ ಸುದರ್ಶನ್ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.