ನವದೆಹಲಿ: ದೇಶದ ಸುಮಾರು 70% ಭಾಗಕ್ಕೆ ಮಳೆ ನೀಡುವ ನೈಋತ್ವ ಮಾನ್ಸೂನ್ ಭಾನುವಾರ (ಮೇ 29) ಕೇರಳ ರಾಜ್ಯದ ಕರಾವಳಿಯನ್ನು ತಲುಪಿದೆ.
ಭಾರತೀಯ ಹವಾಮಾನ ಇಲಾಖೆ (IMD) ಇಂದು, ಭಾನುವಾರ ಕೇರಳದ ಮೇಲೆ ನೈರುತ್ಯ ಮಾನ್ಸೂನ್ ಪ್ರಾರಂಭವಾಗಲಿದೆ ಎಂದು ಘೋಷಿಸಿದೆ, ಅದು ಸಾಮಾನ್ಯವಾಗಿ ಆಗಮಿಸುವ ಅದರ ಸಾಮಾನ್ಯ ದಿನಾಂಕ ಜೂನ್ 1 ಕ್ಕಿಂತ ಮೂರು ದಿನಗಳ ಮುಂಚಿತವಾಗಿ. “ನೈಋತ್ಯ ಮಾನ್ಸೂನ್ ಮೇ 29 ರಂದು ಕೇರಳವನ್ನು ತಲುಪಿದೆ ಎಂದು ಐಎಂಡಿ (IMD) ಡೈರೆಕ್ಟರ್ ಜನರಲ್ ಮೃತ್ಯುಂಜಯ್ ಮೊಹಾಪಾತ್ರ ತಿಳಿಸಿದ್ದಾರೆ.
ನೈಋತ್ಯ ಮಾನ್ಸೂನ್ ಅನ್ನು ಭಾರತದ ಕೃಷಿ ಆಧಾರಿತ ಆರ್ಥಿಕತೆಯ ಜೀವನಾಡಿ ಎಂದು ಪರಿಗಣಿಸಲಾಗಿದೆ. ನೈಋತ್ಯ ಮಾನ್ಸೂನ್ ಆರಂಭ ಭಾರತದ ನಿಜವಾದ ಹಣಕಾಸು ಮಂತ್ರಿ ಎಂದು ಕರೆಯಲಾಗುತ್ತದೆ – ಇದು ದೇಶದಾದ್ಯಂತದ ಕೃಷಿ ವಲಯದ ಬಹು ನಿರೀಕ್ಷಿತ ಸುದ್ದಿಯಾಗಿದೆ. ಇದು ಷೇರು ಮಾರುಕಟ್ಟೆ ಸೇರಿದಂತೆ ದೇಶೀಯ ಆರ್ಥಿಕತೆಯ ಮೇಲೆ ಪ್ರಮುಖ ಪರಿಣಾಮ ಬೀರುತ್ತದೆ.
ಏತನ್ಮಧ್ಯೆ, ವಾಯುವ್ಯ ಭಾರತದ ಬಯಲು ಪ್ರದೇಶಗಳು ಮತ್ತು ಮಧ್ಯ ಭಾರತದ ಹೆಚ್ಚಿನ ಭಾಗಗಳು ಗರಿಷ್ಠ ತಾಪಮಾನದಲ್ಲಿ 2-3 ಡಿಗ್ರಿ ಸೆಲ್ಸಿಯಸ್ ಏರಿಕೆಗೆ ಸಾಕ್ಷಿಯಾಗಲಿವೆ ಎಂದು ಐಎಂಡಿ ಶನಿವಾರ ಹೇಳಿದೆ. “ಮುಂದಿನ ಮೂರು ದಿನಗಳಲ್ಲಿ ವಾಯುವ್ಯ ಭಾರತ ಹಾಗೂ ಮಧ್ಯ ಭಾರತದ ಬಹುತೇಕ ಭಾಗಗಳಲ್ಲಿ 2-3 ಡಿಗ್ರಿ ಸೆಲ್ಸಿಯಸ್ ಗರಿಷ್ಠ ತಾಪಮಾನವು ಏರಿಕೆಯಾಗುವ ಸಾಧ್ಯತೆಯಿದೆ ಎಂದು ಹವಾಮಾನ ಇಲಾಖೆ ತನ್ನ ಬುಲೆಟಿನ್‌ನಲ್ಲಿ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ