ಈ ಹಿಂದೆ ಹಲವಾರು ಹಾವಿನ ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಕೋಲಾಹಲಕ್ಕೆ ಕಾರಣವಾಗಿವೆ. adr ಗಾತ್ರ ಅಥವಾ ಪ್ರಕಾರವನ್ನು ಲೆಕ್ಕಿಸದೆ ಹಾವುಗಳೊಂದಿಗಿನ ಯಾವುದೇ ಸಂವಹನವು ಅಪಾಯಕಾರಿ. ಆಕಸ್ಮಿಕವಾಗಿ ಹಾವುಗಳ ಸಂಪರ್ಕಕ್ಕೆ ಬಂದಾಗ ಹೆಚ್ಚಿನ ವ್ಯಕ್ತಿಗಳು ಭಯಭೀತರಾಗುತ್ತಾರೆ.
ಆದಾಗ್ಯೂ, ಇಂಟರ್ನೆಟ್‌ನಲ್ಲಿ ಮತ್ತೆ ಕಾಣಿಸಿಕೊಂಡಿರುವ ವಿಚಿತ್ರ ಸಂಪ್ರದಾಯದ ಈ ಹಳೆಯ ವೀಡಿಯೊ ಎಲ್ಲಾ ವಿಲಕ್ಷಣ ಮಿತಿಗಳನ್ನು ದಾಟಿದೆ. ವಧು-ವರರು ಹೂವಿನ ಹಾರಗಳನ್ನು ಬದಲಾಯಿಸಿಕೊಳ್ಳುವುದನ್ನು ನಾವು ನೋಡಿದ್ದೇವೆ, ಆದರೆ ಈ ವೀಡಿಯೊ ಕ್ಲಿಪ್‌ನಲ್ಲಿ ವಧು-ವರರು ತಮ್ಮ ಮದುವೆಯಲ್ಲಿ ಹಾವಿನ ಹಾರವನ್ನೇ ವಿನಿಮಯ ಮಾಡಿಕೊಳ್ಳುವುದನ್ನು ನೋಡಬಹುದು.
ವರದಿಗಳ ಪ್ರಕಾರ, ಈ ಘಟನೆ 2010 ರಲ್ಲಿ ನಡೆದಿತ್ತು ಮತ್ತು ಇದು 2017 ರಲ್ಲಿ ವೈರಲ್ ಆಗಿತ್ತು. ಇದೀಗ, ಈ ವಿಲಕ್ಷಣ ವೀಡಿಯೊ ಮತ್ತೆ ಕಾಣಿಸಿಕೊಂಡಿದ್ದು, ಇದನ್ನು ನೋಡಿ ಜನರು ಬೆಚ್ಚಿಬಿದ್ದಿದ್ದಾರೆ. ವರದಿಯ ಪ್ರಕಾರ, ವೀಡಿಯೊವು ವರ ಸಿದ್ಧಾರ್ಥ ಸೋನಾವನೆ, (25) ಮತ್ತು ವಧು ಶ್ರುಸ್ತಿ ಔಸರ್ಮಲ್ (23) ಅವರ ಮದುವೆಯ ವೀಡಿಯೊವಾಗಿದೆ. ಸುಮಾರು ಹನ್ನೆರಡು ವರ್ಷಗಳ ಹಿಂದೆ, ಅಂದರೆ ಈ ದಂಪತಿ ನವೆಂಬರ್ 12, 2010 ರಂದು ತಮ್ಮ ವಿವಾಹ ಸಮಾರಂಭದಲ್ಲಿ ಹೂವಿನ ಹಾರದ ಬದಲು ಹಾವಿನ ಹಾರವನ್ನೇ ಬದಲಾಯಿಸಿಕೊಂಡಿದ್ದಾರೆ…!
ವರದಿಯ ಪ್ರಕಾರ, ದಂಪತಿ ಮಹಾರಾಷ್ಟ್ರದ ಬೀಡ್ ಜಿಲ್ಲೆಯ ದೂರದ ಹಳ್ಳಿಯಿಂದ ಬಂದವರು. ವೀಡಿಯೊದಲ್ಲಿ, ಅವರು ಬಿಳಿ ಬಟ್ಟೆಯನ್ನು ಧರಿಸಿ ಹಾವುಗಳನ್ನು ಹಾರವಾಗಿ ಹಾಕಿರುವುದನ್ನು ಕಾಣಬಹುದು ಮತ್ತು ಅವರು ಹಾವಿಗೆ ಹೆದರಿಲ್ಲ ಎಂಬುದು ಕಂಡುಬರುತ್ತದೆ.
ವೀಡಿಯೊದಲ್ಲಿ, ದಂಪತಿ ಚಿತ್ರಗಳಿಗೆ ಪೋಸ್ ನೀಡುವ ಮೊದಲು ವಧು ಶ್ರುಸ್ತಿ ಔಸರ್ಮಲ್ ವರ ಸಿದ್ಧಾರ್ಥ ಸೋನಾವನೆ ಕುತ್ತಿಗೆಗೆ ಉದ್ದವಾದ ಹಾವನ್ನು ಹಾಕುತ್ತಾಳೆ. ನಂತರ ವರ ಸಿದ್ಧಾರ್ಥ ಸೋನಾವನೆ ವಧುವಿನ ಕುತ್ತಿಗೆಗೆ ದೊಡ್ಡ ಹೆಬ್ಬಾವಿನ ಹಾರವನ್ನೇ ಹಾಕುತ್ತಾನೆ..!
ಮದುವೆಯಲ್ಲಿ ದೊಡ್ಡ ಸಂಖ್ಯೆಯಲ್ಲಿ ಜನರು ಸೇರಿದ್ದನ್ನೂ ವೀಡಿಯೊ ತೋರಿಸುತ್ತದೆ. ವರದಿಗಳ ಪ್ರಕಾರ, ಇಬ್ಬರು ಸ್ಥಳೀಯ ವನ್ಯಜೀವಿ ಇಲಾಖೆಯ ನೌಕರರು.
ನಿಮ್ಮ ಕಾಮೆಂಟ್ ಬರೆಯಿರಿ