ವಾಷಿಂಗ್ಟನ್: ಹೆಚ್ಚಾಗಿ ಕೋವಿಡ್‌ ಸಾಂಕ್ರಾಮಿಕದ ಸಮಯದಲ್ಲಿ ವಿಮಾನಗಳ ರದ್ದತಿ ಅಥವಾ ಬದಲಾವಣೆಯಿಂದಾಗಿ ಪ್ರಯಾಣಿಕರಿಗೆ ಮರುಪಾವತಿ ನೀಡಲು ತೀವ್ರ ವಿಳಂಬ ಮಾಡಿದ್ದಕ್ಕಾಗಿ $ 121.5 ಮಿಲಿಯನ್ ಮರುಪಾವತಿ ಮತ್ತು $ 1.4 ಮಿಲಿಯನ್ ದಂಡ ಪಾವತಿಸಲು ಟಾಟಾ-ಗುಂಪಿನ ಒಡೆತನದ ಏರ್ ಇಂಡಿಯಾಕ್ಕೆ ಅಮೆರಿಕ ಆದೇಶಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಒಟ್ಟು 600 ಮಿಲಿಯನ್ ಡಾಲರ್‌ಗಳನ್ನು ಮರುಪಾವತಿಯಾಗಿ ನೀಡಲು ಒಪ್ಪಿಕೊಂಡಿರುವ ಆರು ವಿಮಾನಯಾನ ಸಂಸ್ಥೆಗಳಲ್ಲಿ ಏರ್ ಇಂಡಿಯಾ ಕೂಡ ಸೇರಿದೆ ಎಂದು ಅಮೆರಿಕ ಸಾರಿಗೆ ಇಲಾಖೆ ಸೋಮವಾರ ತಿಳಿಸಿದೆ.
ವಿನಂತಿಯ ಮೇರೆಗೆ ಮರುಪಾವತಿ” ಎಂಬ ಏರ್ ಇಂಡಿಯಾದ ನೀತಿಯು ಸಾರಿಗೆ ಇಲಾಖೆಯ ನೀತಿಗೆ ವಿರುದ್ಧವಾಗಿದೆ, ಸಾಋಿಗೆ ಇಲಾಖೆ ನೀತಿಯು ವಿಮಾನ ರದ್ದುಗೊಳಿಸುವಿಕೆ ಅಥವಾ ವಿಮಾನ ಬದಲಾವಣೆಯ ಸಂದರ್ಭದಲ್ಲಿ ಟಿಕೆಟ್‌ಗಳನ್ನು ಕಾನೂನುಬದ್ಧವಾಗಿ ಮರುಪಾವತಿ ಮಾಡಲು ಏರ್ ಕ್ಯಾರಿಯರ್‌ಗಳನ್ನು ಕಡ್ಡಾಯಗೊಳಿಸುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಟಿಕೆಟ್‌ಗಳನ್ನು ಕಾನೂನುಬದ್ಧವಾಗಿ ಮರುಪಾವತಿ ಮಾಡಲು ಏರ್ ಇಂಡಿಯಾವನ್ನು ಕೇಳಲಾಯಿತು ಮತ್ತು ದಂಡವನ್ನು ಪಾವತಿಸಲು ಒಪ್ಪಿಕೊಂಡ ಈ ಪ್ರಕರಣಗಳು ಏರ್ ಇಂಡಿಯಾವನ್ನು ಟಾಟಾಸ್ ಸ್ವಾಧೀನಪಡಿಸಿಕೊಳ್ಳುವ ಮೊದಲಿನವಾಗಿವೆ.
ಅಧಿಕೃತ ತನಿಖೆಯ ಪ್ರಕಾರ, ವಾಹಕವು ರದ್ದುಗೊಳಿಸಿದ ಅಥವಾ ಗಮನಾರ್ಹವಾಗಿ ಬದಲಾಗಿರುವ ವಿಮಾನಗಳಿಗಾಗಿ ಸಾರಿಗೆ ಇಲಾಖೆಗೆ ಸಲ್ಲಿಸಲಾದ 1,900 ಮರುಪಾವತಿ ದೂರುಗಳಲ್ಲಿ ಅರ್ಧಕ್ಕಿಂತ ಹೆಚ್ಚಿನದನ್ನು ಪ್ರಕ್ರಿಯೆಗೊಳಿಸಲು ಏರ್ ಇಂಡಿಯಾ 100 ದಿನಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಂಡಿದೆ.
ದೂರುಗಳನ್ನು ಸಲ್ಲಿಸಿದ ಮತ್ತು ನೇರವಾಗಿ ವಾಹಕದೊಂದಿಗೆ ಮರುಪಾವತಿಯನ್ನು ವಿನಂತಿಸಿದ ಪ್ರಯಾಣಿಕರಿಗೆ ಮರುಪಾವತಿಯನ್ನು ಪ್ರಕ್ರಿಯೆಗೊಳಿಸಲು ತೆಗೆದುಕೊಂಡ ಸಮಯದ ಬಗ್ಗೆ ಮಾಹಿತಿಯನ್ನು ಏಜೆನ್ಸಿಗೆ ನೀಡಲು ಏರ್ ಇಂಡಿಯಾಕ್ಕೆ ಸಾಧ್ಯವಾಗಲಿಲ್ಲ.
ಏರ್ ಇಂಡಿಯಾದ ಹೇಳಿಕೆ ಮರುಪಾವತಿ ನೀತಿಯನ್ನು ಲೆಕ್ಕಿಸದೆ, ಪ್ರಾಯೋಗಿಕವಾಗಿ ಏರ್ ಇಂಡಿಯಾ ಸಕಾಲಿಕ ಮರುಪಾವತಿಯನ್ನು ಒದಗಿಸಲಿಲ್ಲ. ಇದರ ಪರಿಣಾಮವಾಗಿ, ಗ್ರಾಹಕರು ತಮ್ಮ ಮರುಪಾವತಿಯನ್ನು ಪಡೆಯುವಲ್ಲಿನ ತೀವ್ರ ವಿಳಂಬದಿಂದ ಗಮನಾರ್ಹ ಹಾನಿ ಅನುಭವಿಸಿದರು ಎಂದು ಅಮೆರಿಕ ಸಾರಿಗೆ ಇಲಾಖೆ ಹೇಳಿದೆ.
ಏರ್ ಇಂಡಿಯಾದ ಜೊತೆಗೆ, ಫ್ರಾಂಟಿಯರ್, ಟಿಎಪಿ ಪೋರ್ಚುಗಲ್, ಏರೋ ಮೆಕ್ಸಿಕೋ, ಇಐ ಎಐ ಮತ್ತು ಏವಿಯಾಂಕಾ ಸೇರಿದಂತೆ ಇತರ ವಿಮಾನಯಾನ ಸಂಸ್ಥೆಗಳಿಗೆ ದಂಡ ವಿಧಿಸಲಾಗಿದೆ.
ಏರ್ ಇಂಡಿಯಾ ತನ್ನ ಪ್ರಯಾಣಿಕರಿಗೆ $121.5 ಮಿಲಿಯನ್ ಮರುಪಾವತಿಯನ್ನು ಪಾವತಿಸಲು ಮತ್ತು $1.4 ಮಿಲಿಯನ್ ದಂಡವನ್ನು ಪಾವತಿಸಲು ಆದೇಶಿಸಲಾಗಿದೆ ಎಂದು ಸಾರಿಗೆ ಇಲಾಖೆ ತಿಳಿಸಿದೆ.
ಫ್ರಾಂಟಿಯರ್‌ಗೆ $222 ಮಿಲಿಯನ್ ಮರುಪಾವತಿ ಮತ್ತು $2.2 ಮಿಲಿಯನ್ ದಂಡವನ್ನು ಪಾವತಿಸಲು ಆದೇಶಿಸಲಾಯಿತು. TAP ಪೋರ್ಚುಗಲ್ $126.5 ಮಿಲಿಯನ್ ಮರುಪಾವತಿ ಮತ್ತು $1.1 ಮಿಲಿಯನ್ ದಂಡವನ್ನು ಪಾವತಿಸುತ್ತದೆ; ಏವಿಯಾಂಕಾ ($76.8 ಮಿಲಿಯನ್ ಮರುಪಾವತಿ ಮತ್ತು $750,000 ದಂಡ), EI AI ($61.9 ಮಿಲಿಯನ್ ಮರುಪಾವತಿ ಮತ್ತು $9,00,000 ದಂಡ) ಮತ್ತು ಏರೋ ಮೆಕ್ಸಿಕೊಕ್ಕೆ ($13.6 ಮಿಲಿಯನ್ ಮರುಪಾವತಿ ಮತ್ತು $900,00 ಪೆನಾಲ್ಟಿಯಾಗಿ) ನೀಡಬೇಕಾಗಿದೆ.
ಸೋಮವಾರದ ದಂಡದೊಂದಿಗೆ, ಏವಿಯೇಷನ್ ಕನ್ಸೂಮರ್ ಪ್ರೊಟೆಕ್ಷನ್ ಇಲಾಖೆಯ ಕಚೇರಿಯು 2022 ರಲ್ಲಿ $ 8.1 ಮಿಲಿಯನ್ ಸಿವಿಲ್ ಪೆನಾಲ್ಟಿಗಳನ್ನು ನಿರ್ಣಯಿಸಿದೆ, ಇದು ಆ ಕಚೇರಿಯಿಂದ ಒಂದೇ ವರ್ಷದಲ್ಲಿ ನೀಡಲಾದ ಅತಿದೊಡ್ಡ ಮೊತ್ತವಾಗಿದೆ ಎಂದು ಮಾಧ್ಯಮ ಪ್ರಕಟಣೆ ತಿಳಿಸಿದೆ.
ಅಮೆರಿಕ ಕಾನೂನಿನ ಅಡಿಯಲ್ಲಿ, ವಿಮಾನಯಾನ ಸಂಸ್ಥೆಯು ಅಮೆರಿಕದಿಂದ ಹೊರಗೆ ಹೋಗುವ ಮತ್ತು ಅಮೆರಿಕದ ಒಳಗೆ ವಿಮಾನವನ್ನು ರದ್ದುಗೊಳಿಸಿದರೆ ಅಥವಾ ಗಣನೀಯವಾಗಿ ಬದಲಾಯಿಸಿದರೆ ಪ್ರಯಾಣಿಕರು ಪರ್ಯಾಯವನ್ನು ಸ್ವೀಕರಿಸಲು ಬಯಸದಿದ್ದರೆ ಗ್ರಾಹಕರಿಗೆ ಮರುಪಾವತಿ ಮಾಡುವ ಕಾನೂನು ಬಾಧ್ಯತೆಯನ್ನು ಏರ್‌ಲೈನ್‌ಗಳು ಮತ್ತು ಟಿಕೆಟ್ ಏಜೆಂಟ್‌ಗಳು ಹೊಂದಿರುತ್ತಾರೆ.
ವಿಮಾನಯಾನ ಸಂಸ್ಥೆಯು ಮರುಪಾವತಿಯನ್ನು ನಿರಾಕರಿಸುವುದು ಮತ್ತು ಅಂತಹ ಗ್ರಾಹಕರಿಗೆ ವೋಚರ್‌ಗಳನ್ನು ಒದಗಿಸುವುದು ಕಾನೂನುಬಾಹಿರವಾಗಿದೆ ಎಂದು ಸಾರಿಗೆ ಇಲಾಖೆ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ