ಲಕ್ನೋ: ಸುಮಾರು 5,400 ಕೋಟಿ ರೂಪಾಯಿ ಮೌಲ್ಯದ ವಿದ್ಯುತ್ ವಿತರಣಾ ಕಂಪನಿಗೆ (ಡಿಸ್ಕಾಂ) ಸುಮಾರು 7.5 ಮಿಲಿಯನ್ ಸ್ಮಾರ್ಟ್ ಮೀಟರ್‌ಗಳನ್ನು ಪೂರೈಸುವ ಅದಾನಿ ಗ್ರೂಪ್‌ನ ಬಿಡ್ ಅನ್ನು ಉತ್ತರ ಪ್ರದೇಶದ ವಿದ್ಯುತ್ ಉಪಯುಕ್ತತೆ ಮಧ್ಯಾಂಚಲ ವಿದ್ಯುತ್ ವಿತರಣಾ ನಿಗಮ(MVVNL)ವು ರದ್ದುಗೊಳಿಸಿದೆ.
ಮೂಲಗಳ ಪ್ರಕಾರ, ಅದಾನಿ ಗ್ರೂಪ್ ಕಡಿಮೆ ಬಿಡ್ ಸಲ್ಲಿಸಿದೆ, ಆದರೆ “ಅನಿವಾರ್ಯ ಕಾರಣಗಳನ್ನು” ಉಲ್ಲೇಖಿಸಿ ಅದನ್ನು ರದ್ದುಗೊಳಿಸಲಾಗಿದೆ.
ಮಧ್ಯಾಂಚಲ, ದಕ್ಷಿಣಾಂಚಲ, ಪೂರ್ವಾಂಚಲ ಮತ್ತು ಪಶ್ಚಿಮಾಂಚಲ ಸೇರಿದಂತೆ ುತ್ತರ ಪ್ರದೇಶದ ವಿದ್ಯುತ್ ವಿತರಣಾ ಕಂಪನಿ(ಡಿಸ್ಕಾಂ)ಗಳು – ವಿವಿಧ ಪ್ರದೇಶಗಳನ್ನು ಪ್ರತಿನಿಧಿಸುತ್ತವೆ, 25 ಮಿಲಿಯನ್‌ಗಿಂತಲೂ ಹೆಚ್ಚು ಸ್ಮಾರ್ಟ್ ಮೀಟರ್‌ಗಳ ಪೂರೈಕೆಗಾಗಿ ಟೆಂಡರ್‌ಗಳನ್ನು ಆಹ್ವಾನಿಸಲಾಗುತ್ತಿದೆ. ಒಟ್ಟು ಬಿಡ್ ಮೌಲ್ಯ 25,000 ಕೋಟಿ ರೂ.ಗಳು.
ಅದಾನಿಯನ್ನು ಹೊರತುಪಡಿಸಿ, ಜಿಎಂಆರ್, ಎಲ್ & ಟಿ ಮತ್ತು ಇಂಟೆಲಿಸ್ಮಾರ್ಟ್ ಇನ್ಫ್ರಾ ಕೂಡ ಬಿಡ್‌ನಲ್ಲಿ ಕಣದಲ್ಲಿದ್ದವು. ಇಂಟೆಲಿಸ್ಮಾರ್ಟ್ ಇನ್ಫ್ರಾವು ಎನರ್ಜಿ ಎಫಿಷಿಯನ್ಸಿ ಸರ್ವೀಸಸ್ (EESL) ಮತ್ತು ರಾಷ್ಟ್ರೀಯ ಹೂಡಿಕೆ ಮತ್ತು ಮೂಲಸೌಕರ್ಯ ನಿಧಿ (NIIF)ಯ ಜಂಟಿ ಉದ್ಯಮವಾಗಿದೆ. ಅದಾನಿ ಗ್ರುಪ್‌ ಪ್ರತಿ ಸ್ಮಾರ್ಟ್ ಮೀಟರ್‌ಗೆ 10,000 ರೂ. ಬೆಲೆಯನ್ನು ಉಲ್ಲೇಖಿಸಿದ್ದು, ಇದು ಅತ್ಯಂತ ಕಡಿಮೆಯಾಗಿದೆ.
ಕುತೂಹಲಕಾರಿಯಾಗಿ, ಕಣದಲ್ಲಿರುವ ನಾಲ್ಕು ಖಾಸಗಿ ಕಂಪನಿಗಳಲ್ಲಿ ಯಾವುದೂ ಸ್ಮಾರ್ಟ್ ಮೀಟರ್‌ಗಳ ತಯಾರಕರಲ್ಲ.
ಏತನ್ಮಧ್ಯೆ, ಉತ್ತರ ಪ್ರದೇಶ ವಿದ್ಯುತ್ ಗ್ರಾಹಕರ ವೇದಿಕೆಯು ಈಗಾಗಲೇ ಯುಪಿ ವಿದ್ಯುತ್ ನಿಯಂತ್ರಣ ಆಯೋಗದ (ಯುಪಿಆರ್‌ಸಿ) ಮುಂದೆ ಬಿಡ್‌ಗಳ ಬಗ್ಗೆ ಪ್ರಶ್ನಿಸಿತ್ತು. ಈ ಬಿಡ್ಡಿಂಗ್ ಹಿಂಬಾಗಿಲಿನ ಮೂಲಕ ರಾಜ್ಯದ ಇಂಧನ ವಲಯದ ಖಾಸಗೀಕರಣವನ್ನು ಪ್ರಚೋದಿಸುತ್ತದೆ ಎಂದು ವೇದಿಕೆ ಅಧ್ಯಕ್ಷ ಅವಧೇಶ್ ಕುಮಾರ್ ವರ್ಮಾ ಹೇಳಿದ್ದಾರೆ. ಬಿಡ್ ಮಾಡಿದವರು ಯಾರೂ ಸ್ಮಾರ್ಟ್ ಮೀಟರ್‌ಗಳ ಮೂಲ ತಯಾರಕರಲ್ಲ ಎಂಬುದು ಇದೇ ಮೊದಲ ಬಾರಿಗೆ ನಡೆದಿದೆ ಎಂದು ಅವರು ಆರೋಪಿಸಿದರು.
ನಿಮ್ಮ ಕಾಮೆಂಟ್ ಬರೆಯಿರಿ