ನವದೆಹಲಿ: ಚಿಲ್ಲರೆ ಹಣದುಬ್ಬರವು ಜನವರಿಯಲ್ಲಿ ತೀವ್ರವಾಗಿ ಏರಿಕೆ ಕಂಡಿದ್ದು, ಎರಡು ತಿಂಗಳ ನಂತರ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಅಂದಾಜು ಮಾಡಿದ್ದ 6%ರಷ್ಟನ್ನು ಮೀರಿದೆ. ಗ್ರಾಹಕರ ಬೆಲೆ ಆಧಾರಿತ ಹಣದುಬ್ಬರವು ಮೂರು ತಿಂಗಳ ಗರಿಷ್ಠ ಮಟ್ಟಕ್ಕೆ ಏರಿದ್ದು, ಜನವರಿಯಲ್ಲಿ ಅದು 6.52%ಕ್ಕೆ ಏರಿದೆ.
ರಾಷ್ಟ್ರೀಯ ಅಂಕಿಅಂಶ ಕಚೇರಿ (ಎನ್‌ಎಸ್‌ಒ) ಸೋಮವಾರ ಬಿಡುಗಡೆ ಮಾಡಿದ ಅಂಕಿಅಂಶಗಳು ಸತತ ಮೂರು ತಿಂಗಳ ಕಾಲ ಕುಸಿದ ನಂತರ ಚಿಲ್ಲರೆ ಹಣದುಬ್ಬರದಲ್ಲಿ ಜನವರಿಯಲ್ಲಿ ತೀವ್ರ ಏರಿಕೆ ಕಂಡುಬಂದಿದೆ ಎಂದು ಸೂಚಿಸಿದೆ. ಚಿಲ್ಲರೆ ಹಣದುಬ್ಬರವು 2022ರ ಮೊದಲ 10 ತಿಂಗಳುಗಳಲ್ಲಿ ಶೇಕಡಾ 6 ಕ್ಕಿಂತ ಹೆಚ್ಚಾದ ನಂತರದಲ್ಲಿ ತರಕಾರಿ ಬೆಲೆಗಳಲ್ಲಿನ ತೀವ್ರ ಕುಸಿತದಿಂದಸತತ ಎರಡು ತಿಂಗಳುಗಳವರೆಗೆ ಆರ್‌ಬಿಐ (RBI) ಅಂದಾಜಿನ ಮಿತಿಗಿಂತ ಕಡಿಮೆಯಾಗಿತ್ತು.
ಜನವರಿಯಲ್ಲಿ ಚಿಲ್ಲರೆ ಹಣದುಬ್ಬರವು ಸ್ವಲ್ಪಮಟ್ಟಿಗೆ ಏರಿಕೆಗೆ ಕಾರಣವಾಗಬಹುದು ಎಂದು ಅರ್ಥಶಾಸ್ತ್ರಜ್ಞರು ಮೊದಲೇ ಊಹಿಸಿದ್ದರು, ಆದರೆ ಇಂದು NSO ಬಿಡುಗಡೆ ಮಾಡಿದ ಡೇಟಾವು ನಿರೀಕ್ಷೆಗಿಂತ ತೀಕ್ಷ್ಣವಾದ ಏರಿಕೆಯನ್ನು ಸೂಚಿಸುತ್ತದೆ. ಜನವರಿಯಲ್ಲಿನ ಹಣದುಬ್ಬರ ಏರಿಕೆಯು ಆಹಾರ ಪದಾರ್ಥಗಳಿಂದ ಕಾರಣವಾಯಿತು, ದರವು ಡಿಸೆಂಬರ್‌ ತಿಂಗಳಲ್ಲಿ ಶೇಕಡಾ 4.19ಇದ್ದಿದ್ದು ಜನವರಿಯಲ್ಲಿ ಶೇಕಡಾ 5.94ಕ್ಕೆ ಏರಿತು.
ತರಕಾರಿಗಳ ಹಣದುಬ್ಬರ ದರವು ಕಳೆದ ತಿಂಗಳಿಗೆ ಹೋಲಿಸಿದರೆ ಶೇಕಡಾ 15.08ರಿಂದ ಶೇಕಡಾ 11.70 ಕ್ಕೆ ಕಡಿಮೆಯಾಗಿದೆ ಎಂದು ಸೂಚಿಸುತ್ತದೆ. ಇಂಧನ ಹಣದುಬ್ಬರವು ಶೇಕಡಾ 10.84 ಕ್ಕೆ ಸ್ವಲ್ಪ ಕಡಿಮೆಯಾದರೆ, ಸಿರಿಧಾನ್ಯಗಳ ಹಣದುಬ್ಬರವು ಡಿಸೆಂಬರ್‌ನಲ್ಲಿ ಶೇಕಡಾ 13.79 ರಿಂದ ಜನವರಿಯಲ್ಲಿ ಶೇಕಡಾ 16.12 ಕ್ಕೆ ಏರಿದೆ.
ಹಣದುಬ್ಬರದಲ್ಲಿ ತೀಕ್ಷ್ಣವಾದ ಏರಿಕೆಯು ಮಧ್ಯಮ ವರ್ಗದ ಜನಸಂಖ್ಯೆಗೆ ಹೊರೆಯನ್ನುಂಟು ಮಾಡುತ್ತದೆ. ಇದಲ್ಲದೆ, ಇದು ಪ್ರಮುಖ ಬಡ್ಡಿದರಗಳ ಮೇಲೆ ನೇರ ಪರಿಣಾಮ ಬೀರುತ್ತದೆ.ಹೆಚ್ಚುತ್ತಿರುವ ಹಣದುಬ್ಬರವು ದೇಶೀಯ ಷೇರು ಮಾರುಕಟ್ಟೆಗಳ ಮೇಲೆ ಋಣಾತ್ಮಕ ಪರಿಣಾಮ ಬೀರುತ್ತದೆ
ನಿಮ್ಮ ಕಾಮೆಂಟ್ ಬರೆಯಿರಿ