ಪ್ರಧಾನಿ ಮೋದಿ ಭೇಟಿಯಾಗಬೇಕಿದ್ದ ವಿಶ್ವಬ್ಯಾಂಕ್ ಅಧ್ಯಕ್ಷ ಸ್ಥಾನದ ನಾಮಿನಿ ಅಜಯ್ ಬಂಗಾಗೆ ಕೊರೊನಾ ಸೋಂಕು ದೃಢ

ನವದೆಹಲಿ: ವಿಶ್ವಬ್ಯಾಂಕ್ ಅಧ್ಯಕ್ಷೀಯ ನಾಮಿನಿ ಅಜಯ್ ಬಂಗಾ (Ajay Banga) ಭಾರತಕ್ಕೆ ಆಗಮಿಸಿದ್ದಾರೆ. ಆದರೆ, ನವದೆಹಲಿಯಲ್ಲಿ ವಾಡಿಕೆಯ ಪರೀಕ್ಷೆಯ ಸಮಯದಲ್ಲಿ, ಅವರಿಗೆ ಕೊರೊನಾ ಸೋಂಕು ಕಂಡುಬಂದಿದೆ. ಸದ್ಯ ಅವರು ಕ್ವಾರಂಟೈನ್‌ನಲ್ಲಿದ್ದಾರೆ ಎಂದು ಖಜಾನೆ ಇಲಾಖೆ ತಿಳಿಸಿದೆ. ಬಂಗಾ ತನ್ನ ವಿಶ್ವ ಪ್ರವಾಸದ ಕೊನೆಯ ಹಂತದ ಭಾಗವಾಗಿ ದೆಹಲಿಯಲ್ಲಿದ್ದರು.
ಅವರ ಮೂರು ವಾರಗಳ ಜಾಗತಿಕ ಪ್ರವಾಸದ ಭಾಗವಾಗಿ ಅಜಯ ಬಂಗಾ ಅವರು ನವದೆಹಲಿಗೆ ಭೇಟಿ (ಮಾರ್ಚ್ 23 ಮತ್ತು ಮಾರ್ಚ್ 24) ನೀಡಿದ್ದಾರೆ. ವಾಡಿಕೆಯ ಪರೀಕ್ಷೆಯ ಸಮಯದಲ್ಲಿ, ಅಜಯ್ ಬಂಗಾ ಕೋವಿಡ್‌-19 ಗೆ ಧನಾತ್ಮಕ ಪರೀಕ್ಷೆ ನಡೆಸಿದರು. ಆದರೆ ಅವರು ಲಕ್ಷಣರಹಿತವಾಗಿದ್ದಾರೆ. ಸ್ಥಳೀಯ ಮಾರ್ಗಸೂಚಿಗಳಿಗೆ ಅನುಸಾರವಾಗಿ, ಅವರು ಪ್ರತ್ಯೇಕವಾಗಿ ಕ್ಯಾರಂಟೈನ್‌ನಲ್ಲಿದ್ದಾರೆ ಎಂದು ಖಜಾನೆ ಇಲಾಖೆ ತಿಳಿಸಿದೆ.

ವಿಶ್ವ ಬ್ಯಾಂಕ್‌ ಅಧ್ಯಕ್ಷೀಯ ನಾಮಿನಿ 63 ವರ್ಷದ ಬಂಗಾ ಅವರು ಭಾರತದ ಪ್ರವಾಸದಲ್ಲಿದ್ದಾಗ ಪ್ರಧಾನಿ ನರೇಂದ್ರ ಮೋದಿ ಮತ್ತು ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಮತ್ತು ವಿದೇಶಾಂಗ ಸಚಿವ ಸುಬ್ರಹ್ಮಣ್ಯಂ ಜೈಶಂಕರ್ ಅವರನ್ನು ಭೇಟಿಯಾಗುವ ಕಾರ್ಯಕ್ರಮವಿತ್ತು.
ಅಮೆರಿಕವು ವಿಶ್ವ ಬ್ಯಾಂಕ್‌ಗೆ ಅಧ್ಯಕ್ಷ ಸ್ಥಾನಕ್ಕೆ ಬಂಗಾ ಅವರ ನಾಮನಿರ್ದೇಶನವನ್ನು ಘೋಷಿಸಿದ ನಂತರ ಭಾರತವು ಅವರ ಉಮೇದುವಾರಿಕೆಯನ್ನು ಅನುಮೋದಿಸಿತು. ಅಂದಿನಿಂದ, ಯುನೈಟೆಡ್ ಕಿಂಗ್ಡಮ್, ಬಾಂಗ್ಲಾದೇಶ, ಕೋಟ್ ಡಿ’ಐವರಿ, ಕೊಲಂಬಿಯಾ, ಈಜಿಪ್ಟ್, ಫ್ರಾನ್ಸ್, ಜರ್ಮನಿ, ಘಾನಾ, ಇಟಲಿ, ಜಪಾನ್, ಕೀನ್ಯಾ, ಸೌದಿ ಅರೇಬಿಯಾ, ರಿಪಬ್ಲಿಕ್ ಆಫ್ ಕೊರಿಯಾ, ಮತ್ತು ಸೇರಿದಂತೆ ವಿವಿಧ ಸರ್ಕಾರಗಳ ಒಕ್ಕೂಟವು ಬಂಗಾಗೆ ತಮ್ಮ ಬೆಂಬಲ ವ್ಯಕ್ತಪಡಿಸಿದೆ.