ನವದೆಹಲಿ: ಖಾಲಿಸ್ತಾನ್ ಅಥವಾ ಪ್ರತ್ಯೇಕ ಸಿಖ್ ರಾಷ್ಟ್ರದ ಉಲ್ಲೇಖಗಳು ಇನ್ನು ಮುಂದೆ ಸಿಬಿಎಸ್‌ಇಯ 12 ನೇ ತರಗತಿ ವಿದ್ಯಾರ್ಥಿಗಳಿಗೆ ರಾಜ್ಯಶಾಸ್ತ್ರ ಪಠ್ಯಪುಸ್ತಕದ ಭಾಗವಾಗಿರುವುದಿಲ್ಲ. “ಸಿಖ್ ಸಮುದಾಯದ ವಿರುದ್ಧ ಆಕ್ಷೇಪಾರ್ಹ ವಿಷಯ” ಎಂದು ಫ್ಲ್ಯಾಗ್ ಮಾಡಿದ ಉನ್ನತ ಸಿಖ್ ಮಂಡಳಿಯ (SGPC) ಆಕ್ಷೇಪಣೆಗಳನ್ನು ಅನುಸರಿಸಿ ಭಾಗಗಳನ್ನು ತೆಗೆದುಹಾಕಲಾಗಿದೆ.
ದೂರಿನ ಪರಿಶೀಲನೆಗೆ ತಜ್ಞರ ಸಮಿತಿಯನ್ನು ರಚಿಸಲಾಗಿದ್ದು, ಅವರ ಶಿಫಾರಸಿನ ಮೇರೆಗೆ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಎನ್‌ಸಿಇಆರ್‌ಟಿ ತಿಳಿಸಿದೆ.
ಎಸ್‌ ಜಿಪಿಸಿ (SGPC) ಮುಖ್ಯಸ್ಥ ಹರ್ಜಿಂದರ್ ಸಿಂಗ್ ಧಾಮಿ ಕಳೆದ ತಿಂಗಳು, ರಾಷ್ಟ್ರೀಯ ಶೈಕ್ಷಣಿಕ ಸಂಶೋಧನೆ ಮತ್ತು ತರಬೇತಿ ಮಂಡಳಿಯು ತನ್ನ ಪುಸ್ತಕದ ‘ಪಾಲಿಟಿಕ್ಸ್ ಇನ್ ಇಂಡಿಯಾ ಸಿನ್ಸ್ ಇಂಡಿಪೆಂಡೆನ್ಸ್’ ಎಂಬ ಪುಸ್ತಕದ ಅಧ್ಯಾಯ -8 ರಲ್ಲಿ, ಅಂದರೆ ಪ್ರಾದೇಶಿಕ ಆಕಾಂಕ್ಷೆಗಳ ಆನಂದಪುರ ಸಾಹಿಬ್ ನಿರ್ಣಯದ ಬಗ್ಗೆ “ತಪ್ಪು ಮಾಹಿತಿಯನ್ನು” ದಾಖಲಿಸಿದೆ ಸಮುದಾಯದ ಭಾವನೆಗಳಿಗೆ ಧಕ್ಕೆ ತಂದಿದ್ದಾರೆ ಎಂದು ಆಕ್ಷೇಪಿಸಿದ್ದರು.
1973 ರ ನಿರ್ಣಯವನ್ನು ವಿವರಿಸಿದ ಅವರು, ಇದು ರಾಜ್ಯದ ಹಕ್ಕುಗಳು ಮತ್ತು ಫೆಡರಲ್ ರಚನೆಯನ್ನು ಬಲಪಡಿಸುವ ಬಗ್ಗೆ ಮಾತನಾಡಿದೆ ಎಂದು ಹೇಳಿದರು. “ಸಿಖ್ಖರನ್ನು ಪ್ರತ್ಯೇಕತಾವಾದಿಗಳೆಂದು ಬಿಂಬಿಸುವುದು ಸಮರ್ಥನೀಯವಲ್ಲ, ಆದ್ದರಿಂದ NCERT ಇಂತಹ ಅತ್ಯಂತ ಆಕ್ಷೇಪಾರ್ಹ ಉಲ್ಲೇಖಗಳನ್ನು ತೆಗೆದುಹಾಕಬೇಕು” ಎಂದು ಧಾಮಿ ಹೇಳಿದ್ದರು.
12ನೇ ತರಗತಿಯ ಪಠ್ಯಕ್ರಮದಲ್ಲಿ ಕೆಲವು ಹಳೆಯ ಮಾಹಿತಿಯನ್ನು ತೆಗೆದು ಕೆಲವು ಹೊಸ ವಿವರಗಳನ್ನು ಸೇರಿಸುವಾಗ ಕೋಮುವಾದದ ಅಂಶವನ್ನು ತೆಗೆದುಕೊಳ್ಳಲಾಗಿದೆ ಎಂದು ಅವರು ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ