ಮುಂಬೈ: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಗವರ್ನರ್ ಶಕ್ತಿಕಾಂತ ದಾಸ್ ಅವರು ಗುರುವಾರ ಕೇಂದ್ರ ಬ್ಯಾಂಕ್‌ನ ಹಣಕಾಸು ನೀತಿ ಸಮಿತಿ (ಎಂಪಿಸಿ) ಪ್ರಮುಖ ರೆಪೊ ದರವನ್ನು ಬದಲಾಯಿಸದೆ ಶೇ 6.50 ಕ್ಕೆ ಇರಿಸಲು ನಿರ್ಧರಿಸಿದೆ ಎಂದು ಹೇಳಿದ್ದಾರೆ.. ಇದು ಮೂರನೇ ಬಾರಿಗೆ 6 ಸದಸ್ಯರ ಹಣಕಾಸು ನೀತಿ ಸಮಿತಿ (MPC) ಪ್ರಮುಖ ದರಗಳನ್ನು ಯಥಾಸ್ಥಿತಿಯಲ್ಲಿಡಲು ನಿರ್ಧರಿಸಿದೆ.
ಎಲ್ಲಾ ಸಂಬಂಧಿತ ಅಂಶಗಳ ಬಗ್ಗೆ ವಿವರವಾದ ಚರ್ಚೆಯ ನಂತರ, ಎಂಪಿಸಿಯು ಪಾಲಿಸಿ ರೆಪೋ ದರವನ್ನು ಶೇಕಡಾ 6.50 ಕ್ಕೆ ಯಥಾಸ್ಥಿಯಲ್ಲಿ ಇರಿಸಲು ಸರ್ವಾನುಮತದಿಂದ ನಿರ್ಧರಿಸಿತು” ಎಂದು ದಾಸ್ ಹೇಳಿದರು. ಪರಿಣಾಮವಾಗಿ, ಸ್ಥಾಯಿ ಠೇವಣಿ ಸೌಲಭ್ಯ (ಎಸ್‌ಡಿಎಫ್) ದರವು 6.25 ಪ್ರತಿಶತ ಮತ್ತು ಮಾರ್ಜಿನಲ್ ಸ್ಟ್ಯಾಂಡಿಂಗ್ ಫೆಸಿಲಿಟಿ (ಎಂಎಸ್‌ಎಫ್) ದರ ಮತ್ತು ಬ್ಯಾಂಕ್ ದರವು ಶೇಕಡಾ 6.75 ರಷ್ಟಿ ಇರಲಿದೆ.
ಬದಲಾಗದ ರೆಪೋ ದರಗಳು ಸಾಲದ ಬಡ್ಡಿ ದರಗಳು ಬದಲಾಗದೆ ಉಳಿಯುವ ಸಾಧ್ಯತೆಯನ್ನು ಸೂಚಿಸುತ್ತವೆ.
ಎಂಪಿಸಿ ನೀತಿಯ ಹಿಂದಿನ ತಾರ್ಕಿಕತೆಯನ್ನು ವಿವರಿಸಿದ ಗವರ್ನರ್ ದಾಸ್, “ಮುಖ್ಯ ಹಣದುಬ್ಬರವು ಮೇ 2023 ರಲ್ಲಿ ಶೇಕಡಾ 4.3 ಕ್ಕೆ ತಲುಪಿದ ನಂತರ, ಜೂನ್‌ನಲ್ಲಿ ಏರಿತು ಮತ್ತು ಜುಲೈ ಮತ್ತು ಆಗಸ್ಟ್‌ನಲ್ಲಿ ತರಕಾರಿ ಬೆಲೆಗಳಿಂದಾಗಿ ಏರಿಕೆಯಾಗುವ ನಿರೀಕ್ಷೆಯಿದೆ” ಎಂದು ಹೇಳಿದರು.
ತರಕಾರಿ ಬೆಲೆ ಹಣದುಬ್ಬರವು ತ್ವರಿತವಾಗಿ ಹಿಮ್ಮುಖವಾಗಬಹುದಾದರೂ, ಇದುವರೆಗಿನ ನೈರುತ್ಯ ಮಾನ್ಸೂನ್‌ನ ಕೊರತೆ ಹಿನ್ನೆಲೆಯಲ್ಲಿ ಜಾಗತಿಕ ಆಹಾರದ ಬೆಲೆಗಳೊಂದಿಗೆ ಸಂಭವನೀಯ ಎಲ್ ನಿನೋ ಹವಾಮಾನ ಪರಿಸ್ಥಿತಿಗಳನ್ನು ಸೂಕ್ಷ್ಮವಾಗಿ ಗಮನಿಸಬೇಕಾಗಿದೆ ಎಂದು ಗವರ್ನರ್ ದಾಸ್ ಹೇಳಿದ್ದಾರೆ.
ಜಾಗತಿಕ ಆಘಾತಗಳ ಹೊರತಾಗಿಯೂ ಭಾರತೀಯ ಆರ್ಥಿಕತೆಯು ವರ್ಧಿತ ಶಕ್ತಿ ಮತ್ತು ಸ್ಥಿರತೆಯನ್ನು ತೋರಿಸುತ್ತಿದೆ. ನಡೆಯುತ್ತಿರುವ ಪರಿವರ್ತನಾ ಪಲ್ಲಟಗಳಿಂದ ಪ್ರಯೋಜನ ಪಡೆಯಲು ದೇಶವನ್ನು ಅನನ್ಯವಾಗಿ ಇರಿಸಲಾಗಿದೆ ಎಂದು ಅವರು ಹೇಳಿದರು. ಭಾರತದ ಆರ್ಥಿಕತೆಯು ಜಾಗತಿಕ ಬೆಳವಣಿಗೆಗೆ 15% ಕೊಡುಗೆ ನೀಡುತ್ತಿದೆ ಎಂದು ಶಕ್ತಿಕಾಂತ ದಾಸ್ ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ