ಅಲ್ಪಸಂಖ್ಯಾತ ವಿದ್ಯಾರ್ಥಿ ವೇತನ ಹಗರಣ: ಎಫ್‌ಐಆರ್ ದಾಖಲಿಸಿದ ಸಿಬಿಐ

ನವದೆಹಲಿ: 144.33 ಕೋಟಿ ರೂ. ಗಳ ಅಲ್ಪಸಂಖ್ಯಾತರ ವಿದ್ಯಾರ್ಥಿವೇತನ ಹಗರಣಕ್ಕೆ ಸಂಬಂಧಿಸಿದಂತೆ ಕೇಂದ್ರೀಯ ತನಿಖಾ ದಳ (ಸಿಬಿಐ) ಎಫ್‌ಐಆರ್ ದಾಖಲಿಸಿದೆ.
2017-18 ರಿಂದ 2021-22ರ ವರೆಗೆ ನಡೆದ ಹಗರಣದ ಮೊತ್ತವು 144.33 ಕೋಟಿ ರೂ.ಗಳಾಗಿದ್ದು, ಈ ವರ್ಷದ ಜುಲೈನಲ್ಲಿ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವೆ ಸ್ಮೃತಿ ಇರಾನಿ ಅವರು ಈ ವಿಷಯದ ಬಗ್ಗೆ ಏಜೆನ್ಸಿಯ ಗಮನ ಸೆಳೆದ ನಂತರ ಸಿಬಿಐ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯದಿಂದ ಈ ಬಗ್ಗೆ ದೂರು ಸ್ವೀಕರಿಸಿತ್ತು.
ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯವು ಮೆಟ್ರಿಕ್ ಪೂರ್ವ ವಿದ್ಯಾರ್ಥಿ ವೇತನಗಳು, ಮೆಟ್ರಿಕ್ ನಂತರದ ವಿದ್ಯಾರ್ಥಿವೇತನಗಳು ಮತ್ತು ಮೆರಿಟ್-ಕಮ್-ಮೀನ್ಸ್ಮೂರು ವಿದ್ಯಾರ್ಥಿವೇತನ ಯೋಜನೆಗಳನ್ನು ಜಾರಿಗೆ ತಂದಿದೆ. 1.8 ಲಕ್ಷಕ್ಕೂ ಹೆಚ್ಚು ಸಂಸ್ಥೆಗಳಲ್ಲಿ ಕಲಿಯುತ್ತಿರುವ ಮುಸ್ಲಿಮರು, ಕ್ರಿಶ್ಚಿಯನ್ನರು, ಸಿಖ್ಖರು, ಜೈನರು, ಬೌದ್ಧರು ಮತ್ತು ಪಾರ್ಸಿಗಳು ಸೇರಿ ಆರು ಅಲ್ಪಸಂಖ್ಯಾತ ಸಮುದಾಯಗಳ ವಿದ್ಯಾರ್ಥಿಗಳಿಗೆ ಈ ವಿದ್ಯಾರ್ಥಿ ವೇತನ ನೀಡಲಾಗುತ್ತದೆ. 2021-22ರಲ್ಲಿ ಕೊನೆಗೊಳ್ಳುವ ಕಳೆದ ಐದು ವರ್ಷಗಳಲ್ಲಿ ಸರಾಸರಿ 65 ಲಕ್ಷ ವಿದ್ಯಾರ್ಥಿಗಳು ವಾರ್ಷಿಕವಾಗಿ ವಿದ್ಯಾರ್ಥಿ ವೇತನವನ್ನು ಪಡೆದಿದ್ದಾರೆ.

ಸಚಿವಾಲಯದ ಯೋಜನೆಗಳು ಸೆಂಟರ್ ಸೆಕ್ಟರ್ ಸ್ಕೀಮ್ (CSS) ನ ಭಾಗವಾಗಿದ್ದು, ಕೇಂದ್ರ ಸರ್ಕಾರದಿಂದ ಸಾರ್ವಜನಿಕ ಹಣಕಾಸು ನಿರ್ವಹಣಾ ವ್ಯವಸ್ಥೆ (PFMS) ಮೂಲಕ ನೇರ ಲಾಭ ವರ್ಗಾವಣೆ (DBT) ಮೋಡ್ ಮೂಲಕ ವಿದ್ಯಾರ್ಥಿಗಳಿಗೆ 100 ಪ್ರತಿಶತ ಹಣವನ್ನು ನೇರವಾಗಿ ವಿತರಿಸಲಾಗುತ್ತದೆ. “ವಿದ್ಯಾರ್ಥಿವೇತನ ಯೋಜನೆಗಳ ಅಡಿಯಲ್ಲಿ ನಿಧಿಯ ದುರುಪಯೋಗದ ವಿವಿಧ ವರದಿಗಳನ್ನು ಪರಿಗಣಿಸಿ, ಸಚಿವಾಲಯವು ಯೋಜನೆಗಳ ಮೂರನೇ ವ್ಯಕ್ತಿಯ ಮೌಲ್ಯಮಾಪನವನ್ನು ನಡೆಸಲು ರಾಷ್ಟ್ರೀಯ ಅನ್ವಯಿಕ ಆರ್ಥಿಕ ಸಂಶೋಧನೆ (NCAER)ಯನ್ನು ತೊಡಗಿಸಿಕೊಂಡಿದೆ. ಹೆಚ್ಚುವರಿಯಾಗಿ, ಸಚಿವಾಲಯವು ರಾಷ್ಟ್ರೀಯ ವಿದ್ಯಾರ್ಥಿವೇತನ ಪೋರ್ಟಲ್ ಮೂಲಕ ಮೌಲ್ಯಮಾಪನಗಳನ್ನು ನಡೆಸಿತು.
ಮೌಲ್ಯಮಾಪನಕ್ಕಾಗಿ ಒಟ್ಟು 1,572 ಸಂಸ್ಥೆಗಳನ್ನು ಆಯ್ಕೆ ಮಾಡಲಾಗಿದೆ. ಇವುಗಳಲ್ಲಿ 21 ರಾಜ್ಯಗಳಲ್ಲಿ 830 ಸಂಸ್ಥೆಗಳು ಕಾರ್ಯಾಚರಣೆಯಲ್ಲಿಲ್ಲದ, ನಕಲಿ ಅಥವಾ ಭಾಗಶಃ ನಕಲಿ ಎಂದು ಕಂಡುಬಂದಿದೆ” ಎಂದು ಸಚಿವಾಲಯದ ಪತ್ರದಲ್ಲಿ ತಿಳಿಸಲಾಗಿದೆ. ಗುರುತಿಸಲಾದ ನಕಲಿ ಸಂಸ್ಥೆಗಳಿಗೆ 2017-18 ರಿಂದ 2021-22 ರವರೆಗಿನ ಆರ್ಥಿಕ ಪರಿಣಾಮಗಳನ್ನು ಲೆಕ್ಕಹಾಕುವ ಮೂಲಕ ಈ 830 ಸಂಸ್ಥೆಗಳಿಂದ ಅಂದಾಜು 144.33 ಕೋಟಿ ರೂ.ಗಳಷ್ಟು ಬೊಕ್ಕಸಕ್ಕೆ ಅಂದಾಜು ನಷ್ಟವಾಗಿದೆ ಎಂದು ಸಚಿವಾಲಯವು ಅಂದಾಜಿಸಿದೆ.
ಸಚಿವಾಲಯವು ಪ್ರಕರಣಕ್ಕೆ ಸಂಬಂಧಿಸಿದ ಹಲವು ದಾಖಲೆಗಳನ್ನು ಸಿಬಿಐಗೆ ನೀಡಿ