ಬಾರಾಬಂಕಿ (ಉತ್ತರ ಪ್ರದೇಶ) : ಉತ್ತರ ಪ್ರದೇಶದ ಸಚಿವ ಸತೀಶ್ ಶರ್ಮಾ ಅವರು ಸೋಮವಾರ ಬಾರಾಬಂಕಿಯ ಲೋಧೇಶ್ವರ ಮಹಾದೇವ ದೇವಸ್ಥಾನದ ಶಿವಲಿಂಗದಲ್ಲಿ ಪಾಣಿಪೀಠದಲ್ಲಿ ಕೈ ತೊಳೆಯುತ್ತಿರುವ ವಿಡಿಯೋ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡ ನಂತರ ಪ್ರತಿಪಕ್ಷಗಳಿಂದ ಭಾರಿ ಟೀಕೆಗೆ ಗುರಿಯಾಗಿದ್ದಾರೆ.
ವೀಡಿಯೋದಲ್ಲಿ ಆಹಾರ ಮತ್ತು ನಾಗರಿಕ ಸರಬರಾಜು ಖಾತೆ ರಾಜ್ಯ ಸಚಿವರು ಉತ್ತರ ಪ್ರದೇಶದ ಸಚಿವ ಸತೀಶ್ ಶರ್ಮಾ ಅವರು ಬಾರಾಬಂಕಿಯ ಶಿವಲಿಂಗ ಲೋಧೇಶ್ವರ ಮಹಾದೇವ್ ದೇವಸ್ಥಾನದಲ್ಲಿ ಈ ಘಟನೆ ನಡೆದಿದೆ ಎಂದು ಹೇಳಲಾಗಿದೆ. ಅವರು ಶಿವಲಿಂಗದ ತಳದಲ್ಲಿ ಕೈತೊಳೆಯುತ್ತಿರುವುದನ್ನು ವೀಡಿಯೊದಲ್ಲಿ ಕಂಡುಬರುತ್ತದೆ. ಸನಾತನ ಧರ್ಮವನ್ನು ಅವಮಾನಿಸಿರುವ ಸಚಿವರ ರಾಜೀನಾಮೆಗೆ ಕಾಂಗ್ರೆಸ್ ಮತ್ತು ಸಮಾಜವಾದಿ ಪಕ್ಷ ಒತ್ತಾಯಿಸಿವೆ. ಆದರೆ, ಸತೀಶ್ ಶರ್ಮಾ ಅವರು ತಾನು ಯಾವುದೇ ತಪ್ಪು ಮಾಡಿಲ್ಲ, ತಪ್ಪಾಗಿದ್ದರೆ ಅರ್ಚಕರು ತಮ್ಮನ್ನು ತಡೆಯುತ್ತಿದ್ದರು ಎಂದು ಹೇಳಿದ್ದಾರೆ.
ದೇವಸ್ಥಾನದ ಅರ್ಚಕ ಆದಿತ್ಯ ತಿವಾರಿ ಅವರು, ಸಚಿವ ಸತೀಶ್ ಶರ್ಮಾ ಅವರು ಪೂಜೆ ಸಲ್ಲಿಸಿದ ನಂತರ ಶ್ರೀಗಂಧದ ಮರ ಮತ್ತು ಇತರ ವಸ್ತುಗಳನ್ನು ಹಿಡಿದಿದ್ದರು, ಅವರು ಕೈ ತೊಳೆಯಲು ಕೇಳಿದಾಗ, ಶಿವಲಿಂಗವು ‘ಪ್ರಸಾದ’ ರೂಪದಲ್ಲಿದ್ದುದರಿಂದ ಶಿವಲಿಂಗದ ಪಕ್ಕದಲ್ಲಿ ಕೈ ತೊಳೆದರು, ಇದರಲ್ಲಿ ಯಾವುದೇ ತಪ್ಪಿಲ್ಲ” ಎಂದು ತಿವಾರಿ ತಿಳಿಸಿದರು.
ಆಗಸ್ಟ್ 27 ರಂದು ಶರ್ಮಾ ಅವರು ಲೋಕೋಪಯೋಗಿ ಇಲಾಖೆ ಸಚಿವ ಜಿತಿನ್ ಪ್ರಸಾದ ಅವರೊಂದಿಗೆ ದೇವಸ್ಥಾನಕ್ಕೆ ಭೇಟಿ ನೀಡಿದಾಗ ಈ ಘಟನೆ ನಡೆದಿದೆ. ಸತೀಶ್ ಶರ್ಮಾ ಮತ್ತು ಜಿತಿನ್ ಪ್ರಸಾದ ಅವರು ರಾಮನಗರ ತಹಸಿಲ್‌ನ ಹೆತ್ಮಾಪುರ ಗ್ರಾಮದಲ್ಲಿ ಪ್ರವಾಹ ಸಂತ್ರಸ್ತರಿಗೆ ಪರಿಹಾರ ಸಾಮಗ್ರಿಗಳನ್ನು ವಿತರಿಸಲು ಮತ್ತು ದೇವಸ್ಥಾನದಲ್ಲಿ ಪ್ರಾರ್ಥನೆ ಮಾಡಲು ನಿಂತಿದ್ದರು.
ಸಚಿವರಿಗೆ ಅವರು ಏನು ಮಾಡುತ್ತಿದ್ದಾರೆಂದು ತಿಳಿದಿರಬೇಕಿತ್ತು. ನಾವು ನೀರು ಅರ್ಪಿಸಿ ನಮಸ್ಕರಿಸುವಾಗ ನಾವು ಕೈ ತೊಳೆಯುತ್ತೇವೆಯೇ? ಸಚಿವರು ಧರ್ಮಕ್ಕೆ ಅವಮಾನ ಮಾಡಿದ್ದಾರೆ” ಎಂದು ಉತ್ತರ ಪ್ರದೇಶ ಕಾಂಗ್ರೆಸ್ ಅಧ್ಯಕ್ಷ ಅಜಯ್ ರೈ ಹೇಳಿದ್ದಾರೆ. ಸತೀಶ್ ಶರ್ಮಾ ಅವರು ಶಿವನನ್ನು ಅವಮಾನಿಸಿದ್ದಾರೆ ಮತ್ತು ಅವರನ್ನು ವಜಾಗೊಳಿಸಬೇಕು ಎಂದು ಕಾಂಗ್ರೆಸ್ ನಾಯಕ ಸುರೇಂದ್ರ ರಜಪೂತ್ ಹೇಳಿದ್ದಾರೆ. ಶಿವಲಿಂಗದ ಅರ್ಘದಲ್ಲಿ ಕೈತೊಳೆದುಕೊಳ್ಳುವುದು ಅಧರ್ಮ, ಸನಾತನ ಧರ್ಮದ ಬಗ್ಗೆ ತಲೆ ಕೆಡಿಸಿಕೊಳ್ಳದವರು ಮಾತ್ರ ಇದನ್ನು ಮಾಡಲು ಸಾಧ್ಯ. ಬಿಜೆಪಿ ಸಚಿವರು ಶಿವನನ್ನು ಅವಮಾನಿಸಿದ್ದಾರೆ. ಈ ಧರ್ಮ ವಿರೋಧಿ ಕೃತ್ಯಕ್ಕಾಗಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರನ್ನು ವಜಾಗೊಳಿಸಬೇಕು ಎಂದು ಅವರು ಹೇಳಿದರು.
ಸಮಾಜವಾದಿ ಪಕ್ಷದ ನಾಯಕ ಮತ್ತು ಮಾಜಿ ಎಂಎಲ್‌ಸಿ ಸುನೀಲ್ ಸಿಂಗ್ ಸಜನ್ ಮಾತನಾಡಿ, “ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರು ಈ ‘ಅಧರ್ಮಿ ‘ ಸಚಿವರನ್ನು ಯಾವಾಗ ಹೊರಹಾಕುತ್ತಾರೆ? ಇದು ಬಿಜೆಪಿಯ ನಿಜವಾದ ಗುಣವಾಗಿದೆ. ಅವರು ಮೊದಲು ಧರ್ಮದ ಹೆಸರಿನಲ್ಲಿ ಮತ ಕೇಳುತ್ತಾರೆ ಮತ್ತು ನಂತರ ಇಂತಹ ಕೆಲಸಗಳನ್ನು ಮಾಡುತ್ತಾರೆ ಸಮಾಜವಾದ ಪಕ್ಷದ ನಾಯಕ ಸುನಿಲ ಸಿಂಗ್ ಸಾಜನ್‌ ಹೇಳಿದರು.
ಪ್ರತಿಪಕ್ಷಗಳು ಈ ವಿಷಯವನ್ನು ಅನಗತ್ಯವಾಗಿ ವಿವಾದ ಮಾಡುತ್ತಿವೆ ಎಂದು ಸತೀಶ್ ಶರ್ಮಾ ತಿಳಿಸಿದ್ದಾರೆ. ನನಗೆ ಸರಿ ಎನಿಸಿದ್ದನ್ನು ನಾನು ಮಾಡಿದ್ದೇನೆ. ಯಾರನ್ನೂ ನೋಯಿಸುವುದು ನನ್ನ ಉದ್ದೇಶವಲ್ಲ. ನನ್ನದು ತಪ್ಪಾಗಿದ್ದರೆ, ಅರ್ಚಕರು ನಾನು ಕೈ ತೊಳೆಯಲು ಸಹಾಯ ಮಾಡುತ್ತಿರಲಿಲ್ಲ” ಎಂದು ಅವರು ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ