ಮುಂಬೈ: ಭಾರತೀಯ ರಿಸರ್ವ್ ಬ್ಯಾಂಕ್ ಸತತ ಆರನೇ ಬಾರಿಗೆ ರೆಪೋ ದರ ಏರಿಕೆ ಮಾಡದೇ ಜನರಿಗೆ ಗುಡ್‌ನ್ಯೂಸ್ ನೀಡಿದೆ. ಕಳೆದ ಮೂರು ದಿನಗಳಿಂದ ನಡೆದ ಆರ್‌ಬಿಐನ ಹಣಕಾಸು ನೀತಿ ಸಭೆಯ ಬಳಿಕ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಗವರ್ನರ್ ಶಕ್ತಿಕಾಂತ ದಾಸ್ ಗುರುವಾರ ರೆಪೊ ದರ ಯಥಾಸ್ಥಿತಿ ಉಳಿಸಿಕೊಳ್ಳಲು ನಿರ್ಧರಿಸಿರುವುದಾಗಿ ತಿಳಿಸಿದ್ದಾರೆ.
2023-24ರ ಹಣಕಾಸು ವರ್ಷದ ಆರನೇ ವಿತ್ತೀಯ ನೀತಿಯ ಅಡಿಯಲ್ಲಿ, ಗವರ್ನರ್ ಶಕ್ತಿಕಾಂತ ದಾಸ್ ಅವರು ರೆಪೊ ದರವನ್ನು ಹೆಚ್ಚಿಸದಿರುವ ಬಗ್ಗೆ ಇಂದು, ಗುರುವಾರ ಮಾಹಿತಿ ನೀಡಿದ್ದಾರೆ. ಈಗ ಆರ್‌ಬಿಐ ರೆಪೊ ದರ 6.50% ರಲ್ಲೇ ಉಳಿಯಲಿದ್ದು, ಕೊನೆಯದಾಗಿ ಕಳೆದ ವರ್ಷ ಫೆಬ್ರವರಿ 8, 2023 ರಂದು ಸರ್ಕಾರವು ಕೊನೆಯದಾಗಿ ರೆಪೋ ದರವನ್ನು ಹೆಚ್ಚಿಸಿದೆ.
ಬಹುತೇಕ ಎಲ್ಲ ಎಂಪಿಸಿ ಸದಸ್ಯರು ಈ ನೀತಿ ದರಗಳನ್ನು ಸ್ಥಿರವಾಗಿರಿಸಲು ಒಲವು ತೋರಿದ್ದಾರೆ ಎಂದು ಆರ್‌ಬಿಐ ಗವರ್ನರ್ ತಿಳಿಸಿದ್ದಾರೆ. ಆರ್‌ಬಿಐ ಸಹ ತನ್ನ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ಮಾಡಲು ಮುಂದಾಗಿಲ್ಲ. ಹಣಕಾಸು ನೀತಿ ಮಂಡಳಿಯ 6 ಸದಸ್ಯರಲ್ಲಿ 5 ಸದಸ್ಯರು ರೆಪೋ ದರವನ್ನು ಕಾಪಾಡಿಕೊಳ್ಳುವ ಪರವಾಗಿದ್ದಾರೆ. ಆರ್‌ಬಿಐನ ಎಂಪಿಸಿ ಸಮಿತಿಯು ಆರು ಸದಸ್ಯರನ್ನು ಒಳಗೊಂಡಿದೆ.
ಆರ್ಥಿಕ ಬೆಳವಣಿಗೆಯು ಚೇತರಿಸಿಕೊಳ್ಳುತ್ತಿರುವಾಗ ಹಣದುಬ್ಬರವು 4% ಮಧ್ಯಮ-ಅವಧಿಯ ಗುರಿಗಿಂತ ಹೆಚ್ಚಿರುವ ಕಾರಣ, ನಿರೀಕ್ಷೆಗಳಿಗೆ ಅನುಗುಣವಾಗಿ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಸಾಲದ ದರವನ್ನು ಬದಲಾಗದೆ ಇರಿಸಿದೆ.
ವಾರ್ಷಿಕ ಚಿಲ್ಲರೆ ಹಣದುಬ್ಬರವು ನವೆಂಬರ್‌ನ 5.55% ರಿಂದ ಡಿಸೆಂಬರ್‌ನಲ್ಲಿ 5.69% ಕ್ಕೆ ಏರಿತು, ಇದು 4% ಗುರಿಗಿಂತ ಹೆಚ್ಚಾಗಿದೆ. ಆದಾಗ್ಯೂ, ಪ್ರಮುಖ ಹಣದುಬ್ಬರದಲ್ಲಿ ನಿರಂತರ ಕುಸಿತದಿಂದ ಆರ್‌ ಬಿಐ (RBI) ರೆಪೋ ದರದಲ್ಲಿ ಬದಲಾವಣೆ ಮಾಡಿಲ್ಲ.
2024 ರ ಹಣಕಾಸು ವರ್ಷದ ಚಿಲ್ಲರೆ ಹಣದುಬ್ಬರ ದರವನ್ನು 5.4% ಎಂದು ಅಂದಾಜಿಸಲಾಗಿದೆ, ಆದರೆ CPI ಅಂದರೆ 2024-25 ರ ಹಣಕಾಸು ವರ್ಷದ ಪ್ರಮುಖ ಹಣದುಬ್ಬರ ದರವನ್ನು 4.5% ಎಂದು ಅಂದಾಜಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ