ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ನಲ್ಲಿ ನೆಲೆಸಿರುವ ಭಾರತೀಯ ವಲಸಿಗ ರಾಜೀv ಅರಿಕ್ಕಾಟ್ ಅವರು ಬಿಗ್ ಟಿಕೆಟ್ ಅಬುಧಾಬಿ ಸಾಪ್ತಾಹಿಕ ಡ್ರಾದಲ್ಲಿ 15 ಮಿಲಿಯನ್ ದಿರ್ಹಮ್‌(ಅಂದಾಜು 33 ಕೋಟಿ ರೂ.)ಗಳನ್ನು ಗೆದ್ದಿದ್ದಾರೆ. ರಾಜೀವ ಅವರ ಇಬ್ಬರು ಮಕ್ಕಳ ಜನ್ಮದಿನಗಳ ಸಂಖ್ಯೆಗಳನ್ನು ಒಳಗೊಂಡ ಉಚಿತ ಟಿಕೆಟ್ ಅನ್ನು ಅವರು ಖರೀದಿಸಿದ ನಂತರ ಈ ಅನಿರೀಕ್ಷಿತ ಬಂಪರ್‌ ಬಹುಮಾನ ಬಂದಿದೆ. ಪ್ರಸ್ತುತ ಆರ್ಕಿಟೆಕ್ಚರಲ್ ಕಂಪನಿಯೊಂದರಲ್ಲಿ ಉದ್ಯೋಗಿಯಾಗಿರುವ ರಾಜೀವ ತನ್ನ ಪತ್ನಿ ಮತ್ತು ಐದು ಮತ್ತು ಎಂಟು ವರ್ಷದ ಇಬ್ಬರು ಚಿಕ್ಕ ಮಕ್ಕಳೊಂದಿಗೆ ಅಲ್ ಐನ್‌ನಲ್ಲಿ ನೆಲೆಸಿದ್ದಾರೆ. ಕಳೆದ ಮೂರು ವರ್ಷಗಳಿಂದ ಬಿಗ್ ಟಿಕೆಟ್ ಖರೀದಿಸಿದ್ದರೂ, ಅವರು ಲಾಟಿರಿಯಲ್ಲಿ ಬಹುಮಾನ ಗೆದ್ದಿರುವುದು ಇದೇ ಮೊದಲು.
ಅನಿರೀಕ್ಷಿತ ಗೆಲುವಿನಿಂದ ಅಚ್ಚರಿಯಿಂದ ಇನ್ನೂ ಹೊರಬರದ ರಾಜೀವ ಅವರು, ಇಷ್ಟು ಬೃಹತ್ ಮೊತ್ತವನ್ನು ಹೇಗೆ ಬಳಸಬೇಕೆಂದು ಇನ್ನೂ ನಿರ್ಧರಿಸಿಲ್ಲ. ಆದರೆ ಅವರು ತಮ್ಮ ಗೆಲುವನ್ನು ಇತರ 19 ಜನರೊಂದಿಗೆ ಸಮಾನವಾಗಿ ಹಂಚಿಕೊಳ್ಳಲು ಯೋಜಿಸಿದ್ದಾರಂತೆ.
ಖಲೀಜ್ ಟೈಮ್ಸ್‌ಗೆ ಈ ಬಗ್ಗೆ ಪ್ರತಿಕ್ರಯಿಸಿರುವ ಅವರು, “ನಾನು ಅಲ್ ಐನ್‌ನಲ್ಲಿ 10 ವರ್ಷಗಳಿಗೂ ಹೆಚ್ಚು ಕಾಲದಿಂದ ವಾಸಿಸುತ್ತಿದ್ದೇನೆ. ನಾನು ಕಳೆದ 3 ವರ್ಷಗಳಿಂದ ಟಿಕೆಟ್‌ಗಳನ್ನು ಖರೀದಿಸುತ್ತಿದ್ದೇನೆ. ನಾನು ಲಾಟರಿ ಗೆದ್ದಿರುವುದು ಇದೇ ಮೊದಲು. ಈ ಬಾರಿ, ನನ್ನ ಹೆಂಡತಿ ಮತ್ತು ನಾನು ನಮ್ಮ ಮಕ್ಕಳ ಜನ್ಮ ದಿನಾಂಕವಾದ 7 ಮತ್ತು 13 ಸಂಖ್ಯೆಗಳ ಟಿಕೆಟ್‌ಗಳನ್ನು ಆಯ್ಕೆ ಮಾಡಿದೆವು. ಎರಡು ತಿಂಗಳ ಹಿಂದೆ, ನಾನು ಅದೇ ಸಂಯೋಜನೆಯೊಂದಿಗೆ ವಿಸ್ಕರ್‌ನಿಂದ 1 ಮಿಲಿಯನ್ ದಿರ್ಹಂ ಅನ್ನು ಕಳೆದುಕೊಂಡೆ. ಆದರೆ ಈ ಬಾರಿ ನಾನು ಅದೃಷ್ಟಶಾಲಿಯಾಗಿದ್ದೆ ಎಂದು ಅವರು ಹೇಳಿದ್ದಾರೆ.
“ನಾನು ಬಿಗ್ ಟಿಕೆಟ್‌ನಿಂದ ವಿಶೇಷ ಕೊಡುಗೆಯನ್ನು ಪಡೆದುಕೊಂಡಿದ್ದೇನೆ ಆದರೆ ನಾನು ಎರಡು ಟಿಕೆಟ್ ಖರೀದಿಸಿದಾಗ ನಾನು ನಾಲ್ಕು ಟಿಕೆಟ್‌ಗಳನ್ನು ಉಚಿತವಾಗಿ ಪಡೆದುಕೊಂಡೆ ಎಂದು ರಾಜೀವ ಅರಿಕ್ಕಾಟ್ ಹೇಳಿದ್ದಾರೆ.
ರಾಜೀವ ಅರಿಕ್ಕಾಟ್ ಅವರು ಬಹುಮಾನದ ಹಣವನ್ನು ಇತರ 19 ಜನರಿಗೆ ಸಮಾನವಾಗಿ ಹಂಚಲು ಯೋಜಿಸಿದ್ದಾರೆ. ಗುಂಪುಗಳು ಒಟ್ಟಾಗಿ ಎರಡು ಟಿಕೆಟ್‌ಗಳನ್ನು ಖರೀದಿಸಿದವು ಮತ್ತು ವಿಶೇಷ ಕೊಡುಗೆಯ ಮೂಲಕ ಹೆಚ್ಚುವರಿ ನಾಲ್ಕು ಟಿಕೆಟ್‌ಗಳನ್ನು ಉಚಿತವಾಗಿ ಪಡೆದುಕೊಂಡವು. ಗೆದ್ದ ಟಿಕೆಟ್ ಉಚಿತವಾಗಿ ಬಂದಿದ್ದು, ಎರಡು ಟಿಕೆಟ್ ಖರೀದಿಸಿದ್ದಕ್ಕೆ ಉಚಿತವಾಗಿ ನೀಡಲಾಗಿತ್ತು. ಈಗ ಅದಕ್ಕೆ ಬಂಪರ್‌ ಬಹುಮಾನ ಬಂದಿದ್ದರಿಂದ ಅದನ್ನು ಆಶೀರ್ವಾದವೆಂದು ಪರಿಗಣಿಸಿ ಗುಂಪಿನ ಸದಸ್ಯರಲ್ಲಿ ಅದನ್ನು ಸಮಾನವಾಗಿ ಹಂಚಲಾಗುವುದು ಎಂದು ರಾಜೀವ ಹೇಳಿಕೊಂಡಿದ್ದಾರೆ. ಅವರ ಪ್ರಕಾರ, ಈ ಗುಂಪು ಸರಳ ಹಿನ್ನೆಲೆಯ ವ್ಯಕ್ತಿಗಳನ್ನು ಒಳಗೊಂಡಿದೆ ಹಾಗೂ ಕಚೇರಿ ಸಹಾಯಕರು ಮತ್ತು ಕೆಲಸಗಾರರು ಸೇರಿದಂತೆ ಮಾಸಿಕ ಸಂಬಳ 1,000 Dh 1,500 ವರೆಗೆ (ಅಂದಾಜು 22,000-33,000 ರೂ.) ಅವರು ಸಂಬಳ ಪಡೆಯುತ್ತಾರೆ. ಎಲ್ಲರಿಗೂ ಸರಿಯಾದ ಸಮಯದಲ್ಲಿ ಈ ಅನಿರೀಕ್ಷಿತ ಬಹುಮಾನ ಬಂದಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ