ಉಡುಪಿಯ ಶಂಕರಪುರದ ರೈತರೊಬ್ಬರು ತಮ್ಮ ತಾರಸಿ ಮೇಲಿನ ತೋಟದಲ್ಲಿ ವಿಶ್ವದ ಅತ್ಯಂತ ದುಬಾರಿ ಮತ್ತು ಹೆಚ್ಚು ಬೇಡಿಕೆಯಿರುವ ʼಮಿಯಾಜಾಕಿ ತಳಿʼಯ ಮಾವನ್ನು ಬೆಳೆದು ಅಚ್ಚರಿ ಮೂಡಿಸಿದ್ದಾರೆ. ಈ ಮಅವಿನ ಹಣ್ಣಿನ ಬೆಲೆ ಒಂದು ಕಿಲೋಗ್ರಾಂ ಗೆ 3 ಲಕ್ಷ ರೂಪಾಯಿಗಳ ವರೆಗೆ ಇರುತ್ತದೆ.
ಉಡುಪಿಯ ಶಂಕರಪುರದ ರೈತರಾದ ಜೋಸೆಫ್ ಲೋಬೊ ಎಂಬವರು ತಮ್ಮ ಮನೆಯ ತಾರಸಿಯಲ್ಲಿ ʼಮಿಯಾಜಾಕಿ ತಳಿʼಯ ಮಾವನ್ನು ಯಶಸ್ವಿಯಾಗಿ ಬೆಳೆದಿದ್ದಾರೆ.
ಮಿಯಾಜಾಕಿ ಮಾವು ಜಪಾನ್ನಲ್ಲಿ ಅಭಿವೃದ್ಧಿಪಡಿಸಲಾದ ವಿಶೇಷ ತಳಿಯಾಗಿದೆ. ಜಪಾನ್ನಲ್ಲಿ, ಇದನ್ನು ಹೀಟರ್ಗಳೊಂದಿಗೆ ಪಾಲಿಹೌಸ್ನಲ್ಲಿ ಬೆಳೆಸಲಾಗುತ್ತದೆ. ಮಾವು ಹಸಿಯಾಗಿದ್ದಾಗ ನೇರಳೆ ಮತ್ತು ಹಣ್ಣಾದಾಗ ಉರಿಯುವ ಕೆಂಪು ಬಣ್ಣಕ್ಕೆ ತಿರುಗುತ್ತದೆ.
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಮಿಯಾಝಾಕಿ ಮಾವಿನ ಹಣ್ಣಿಗೆ ಪ್ರತಿ ಕಿಲೋಗೆ ಸುಮಾರು 2.3 ರಿಂದ 2.7 ಲಕ್ಷ ರೂ.ಗಳಾಗಿವೆ. ಭಾರತೀಯ ಮಾವಿನ ಮಲ್ಲಿಕಾ ತಳಿಯ ರುಚಿಯನ್ನು ಹೋಲುತ್ತಿದ್ದರೂ, ಅದರ ಔಷಧೀಯ ಗುಣಗಳ ಕಾರಣಕ್ಕಾಗಿ ಇದಕ್ಕೆ ಹೆಚ್ಚು ಬೇಡಿಕೆಯಿದೆ.
ಮೂರೂವರೆ ವರ್ಷಗಳ ಹಿಂದೆ ಕೇರಳದ ಕಣ್ಣೂರಿನಲ್ಲಿ ನಡೆದ ಕೃಷಿ ಮೇಳದಲ್ಲಿ ಜೋಸೆಫ್ ʼಮಿಯಾಜಾಕಿ ತಳಿʼಯ ಮಾವಿನ ಗಿಡವನ್ನು ಖರೀದಿಸಿದ್ದರು. ಎರಡೂವರೆ ವರ್ಷಗಳ ಹಿಂದೆ ಈ ಗಿಡದಲ್ಲಿ ಹೂ ಬಿಟ್ಟಿದ್ದು, ಇದೀಗ ಗ್ರೋಬ್ಯಾಗ್ ನಲ್ಲಿ ಸಾವಯವ ಗೊಬ್ಬರ ಹಾಕಿ ಬೆಳೆದ ತಲಾ 600ರಿಂದ 650 ಗ್ರಾಂ ತೂಕದ ಮೂರು ಮಾವಿನ ಹಣ್ಣುಗಳು ಬಂದಿದೆ.
ಜಪಾನ್, ಅರಬ್ ರಾಷ್ಟ್ರಗಳು ಮತ್ತು ಗುಜರಾತ್ನಲ್ಲಿ ಮಿಯಾಜಾಕಿ ಮಾವು ವಿಶಿಷ್ಟವಾಗಿ ತನ್ನ ಉರಿಯುತ್ತಿರುವ ಕೆಂಪು ಬಣ್ಣದಲ್ಲಿದ್ದರೆ ಇದು ಬಹುಶಃ ಅಕಾಲಿಕ ಜನವರಿ ಮಳೆಯಿಂದಾಗಿ ಉಡುಪಿಯ ಶಂಕರಪುರದಲ್ಲಿ ಬೆಳೆದ ಮಾವು ಆ ಬಣ್ಣದಲ್ಲಿ ಇರಲಿಲ್ಲ.
“ಕೊಪ್ಪಳ ಮತ್ತು ಶಿವಮೊಗ್ಗ ಜಿಲ್ಲೆಗಳಲ್ಲಿಯೂ ಮಿಯಾಜಾಕಿ ಮಾವನ್ನು ಬೆಳೆಯಲಾಗುತ್ತದೆ, ಆದರೆ ಇದು ತಾರಸಿಯಲ್ಲಿ ಬೆಳೆಯುತ್ತಿರುವುದು ಇದೇ ಮೊದಲು. ಮಣ್ಣಿನಲ್ಲಿ ನೆಟ್ಟರೆ 15 ಅಡಿವರೆಗೆ ಬೆಳೆಯುತ್ತದೆ ಆದರೆ ನನ್ನ ತಾರಸಿಯಲ್ಲಿ ಅದು ನಾಲ್ಕೂವರೆ ಅಡಿ ಬೆಳೆದಿದೆ. ದೊಡ್ಡ ಗ್ರೋ ಬ್ಯಾಗ್ ಮತ್ತು ಹೆಚ್ಚು ಸಾವಯವ ಗೊಬ್ಬರದೊಂದಿಗೆ, ಇದು ಆರೂವರೆ ಅಡಿಗಳಷ್ಟು ಬೆಳೆಯುತ್ತದೆ ಮತ್ತು ಒಂದು ಕಿಲೋಗ್ರಾಂ ತೂಕದ ಮಾವಿನ ಹಣ್ಣುಗಳನ್ನು ಉತ್ಪಾದಿಸುತ್ತದೆ ಎಂದು ಜೋಸೆಫ್ ಅವರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಮಿಯಾಝಾಕಿ ಮಾವು, ಅದರ ಸಣ್ಣ ಬೀಜದ ಕಾರಣದಿಂದಾಗಿ ಬೀಜರಹಿತ ಎಂದು ಕರೆಯಲ್ಪಡುತ್ತದೆ, ಇದು ಉತ್ಕರ್ಷಣ ನಿರೋಧಕಗಳು, ಬೀಟಾ ಕ್ಯಾರೋಟಿನ್ ಮತ್ತು ಫೋಲಿಕ್ ಆಮ್ಲಗಳಿಂದ ಸಮೃದ್ಧವಾಗಿದೆ, ಇದು ಕಣ್ಣಿನ ಆಯಾಸ ಮತ್ತು ದೃಷ್ಟಿ ಸಮಸ್ಯೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ಹೇಳಲಾಗುತ್ತದೆ. ಈ ಮಾವುಗಳು ಎಲ್ಲಾ ಪ್ರದೇಶದಲ್ಲೂ ಬೆಳೆಯುವುದಿಲ್ಲ, ಶೀತ, ಮತ್ತು ಮಳೆಯಂತಹ ಪ್ರದೇಶ ಹಾಗೂ ಮಣ್ಣಿನ ಆರೋಗ್ಯದ ಮೇಲೆ ಇವು ಅವಲಂಭಿತವಾಗಿವೆ. ಹೀಗಾಗಿ ಜಪಾನ್ನಲ್ಲಿ ಮಾತ್ರ ಈ ಮಾವು ಕಂಡುಬರುತ್ತದೆ. ಜೋಸೆಫ್ ಲೋಬೋ ಅವರು ತಮ್ಮ 1,400 ಚದರ ಅಡಿ ತಾರಸಿಯಲ್ಲಿ 200 ಕ್ಕೂ ಹೆಚ್ಚು ಬಗೆಯ ಹಣ್ಣುಗಳು, 75 ಬಗೆಯ ಔಷಧೀಯ ಸಸ್ಯಗಳು ಮತ್ತು 40 ಬಗೆಯ ಹೂವುಗಳನ್ನು ಬೆಳೆಸಿರುವ ಪ್ರಗತಿಪರ ಕೃಷಿಕರಾಗಿದ್ದಾರೆ. ಅವರ ಟೆರೇಸ್ ಫಾರ್ಮ್ ನಲ್ಲಿ ಜಾವಾ ಪ್ಲಮ್, ಬ್ರೆಜಿಲಿಯನ್ ಚೆರ್ರಿ ಮತ್ತು ತೈವಾನ್ ಕಿತ್ತಳೆಗಳು ಸಹ ಇವೆ. ಅವರ ಪತ್ನಿ ನೀಮಾ ಲೋಬೋ ಮತ್ತು ಅವರ ಮಗಳು ಕರಾಟೆ ಚಾಂಪಿಯನ್ ಆಗಿರುವ ಜನಿಶಾ ಲೋಬೋ ಅವರಿಗೆ ಬೆಂಬಲ ನೀಡಿದ್ದಾರೆ. ಜೋಸೆಫ್ ತನ್ನ ತಾರಸಿ ತೋಟದಿಂದ ಯಾವುದೇ ಉತ್ಪನ್ನಗಳನ್ನು ಮಾರಾಟ ಮಾಡುವುದಿಲ್ಲ.
ನಿಮ್ಮ ಕಾಮೆಂಟ್ ಬರೆಯಿರಿ