ಮಹೀಂದ್ರಾ ಗ್ರೂಪ್ನ ಅಧ್ಯಕ್ಷರಾದ ಆನಂದ ಮಹೀಂದ್ರಾ ಅವರು ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಸೃಜನಾತ್ಮಕ ವಿಷಯಗಳನ್ನು ಹಂಚಿಕೊಳ್ಳುವ ಮೂಲಕ ಗಮನ ಸೆಳೆಯುತ್ತಾರೆ. ಅಂತರ್ಜಾಲದಲ್ಲಿನ ಅವರ ಅನೇಕ ಪೋಸ್ಟ್ಗಳು ಪ್ರಾಥಮಿಕವಾಗಿ ಉತ್ತಮ ಮಾನವ ಪ್ರಯತ್ನಗಳ ಮೇಲೆ ಕೇಂದ್ರೀಕರಿಸುತ್ತವೆ.
ಈಗ, ಕೈಗಾರಿಕೋದ್ಯಮಿ ತನ್ನ ಇತ್ತೀಚಿನ X (ಹಿಂದೆ ಟ್ವಿಟರ್) ಮೂಲಕ, ಅಮೆಜಾನ್ನ ವರ್ಚುವಲ್ ವಾಯ್ಸ್ ಅಸಿಸ್ಟೆಂಟ್ ಸಾಧನ ʼಅಲೆಕ್ಸಾʼ ಬಳಸಿಕೊಂಡು ಮಂಗಗಳ ದಾಳಿಯಿಂದ ತನ್ನ ಒಂದು ವರ್ಷದ ಸೊಸೆಯನ್ನು ರಕ್ಷಿಸಿದ ಬಸ್ತಿ ಜಿಲ್ಲೆಯ ಉತ್ತರ ಪ್ರದೇಶ ಮೂಲದ ಬಾಲಕಿಗೆ ಅವರು ಉದ್ಯೋಗದ ಆಫರ್ ನೀಡಿದ್ದಾರೆ.
ಆನಂದ ಮಹೀಂದ್ರಾ ಅವರು ನಿಕಿತಾ ಅವರ ಸಮಯ ಪ್ರಜ್ಞೆಯನ್ನು ಶ್ಲಾಘಿಸಿದ್ದಾರೆ. “ನಾವು ತಂತ್ರಜ್ಞಾನದ ಗುಲಾಮರಾಗುತ್ತೇವೆಯೇ ಅಥವಾ ಮಾಸ್ಟರ್ ಆಗುತ್ತೇವೆಯೇ ಎಂಬುದು ನಮ್ಮ ಯುಗದ ಪ್ರಮುಖ ಪ್ರಶ್ನೆಯಾಗಿದೆ. ತಂತ್ರಜ್ಞಾನವು ಯಾವಾಗಲೂ ಮಾನವನ ಜಾಣ್ಮೆಯನ್ನು ಸಕ್ರಿಯಗೊಳಿಸುತ್ತದೆ ಎಂಬುದಕ್ಕೆ ಈ ಚಿಕ್ಕ ಹುಡುಗಿಯ ಕಥೆಯು ಸಮಾಧಾನ ನೀಡುತ್ತದೆ. ಅವಳ ತ್ವರಿತ ಆಲೋಚನೆ ಅಸಾಧಾರಣವಾಗಿತ್ತು. ಸಂಪೂರ್ಣವಾಗಿ ಅನಿರೀಕ್ಷಿತ ಜಗತ್ತಿನಲ್ಲಿ ನಾಯಕತ್ವದ ಸಾಮರ್ಥ್ಯವನ್ನು ಅವಳು ಪ್ರದರ್ಶಿಸಿದಳು. ಅವಳು ತನ್ನ ಶಿಕ್ಷಣವನ್ನು ಮುಗಿಸಿದ ನಂತರ, ಅವಳು ಕಾರ್ಪೊರೇಟ್ ಜಗತ್ತಿನಲ್ಲಿ ಕೆಲಸ ಮಾಡಲು ನಿರ್ಧರಿಸಿದರೆ, ಮಹೀಂದ್ರಾ ರೈಸ್ನಲ್ಲಿರುವ ನಾವು ಅವಳನ್ನು ನಮ್ಮೊಂದಿಗೆ ಸೇರಲು ಮನವೊಲಿಸಲು ಸಾಧ್ಯವಾಗುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದು ಆನಂದ್ ಮಹೀಂದ್ರಾ ಬರೆದಿದ್ದಾರೆ.
ಆನಂದ ಮಹೀಂದ್ರಾ ಅವರ ಪೋಸ್ಟ್ಗೆ ಸಾಮಾಜಿಕ ಮಾಧ್ಯಮ ಬಳಕೆದಾರರು ಶೀಘ್ರವಾಗಿ ಪ್ರತಿಕ್ರಿಯಿಸಿದ್ದಾರೆ. “ಮನಸ್ಸಿನ ಉಪಸ್ಥಿತಿಯು ಅನೇಕ ಅಹಿತಕರ ಘಟನೆಗಳಿಂದ ನಮ್ಮನ್ನು ರಕ್ಷಿಸುತ್ತದೆ ಎಂದು ಒಬ್ಬರು ಹೇಳಿದ್ದಾರೆ. ಉದ್ಯಮಿಯ ಮಾತಿಗೆ ಸಮ್ಮತಿಸಿದ ಮತ್ತೊಬ್ಬರು, “ಖಂಡಿತವಾಗಿಯೂ ತಂತ್ರಜ್ಞಾನದ ಮಾಸ್ಟರ್ ಆಗಿರಬೇಕು” ಎಂದು ಬರೆದಿದ್ದಾರೆ. ನಿಕಿತಾ ಅವರ ಕಾರ್ಯವನ್ನು “ಔಟ್ ಆಫ್ ದಿ ಬಾಕ್ಸ್ ಐಡಿಯಾ” ಎಂದು ಕರೆದ ವ್ಯಕ್ತಿಯೊಬ್ಬರು, “ಇಂದಿನ ಪೀಳಿಗೆಯು ಗಂಭೀರವಾಗಿ ನಮ್ಮ ಕಲ್ಪನೆಯನ್ನು ಮೀರಿದೆ” ಎಂದು ಹೇಳಿದ್ದಾರೆ.
13 ವರ್ಷದ ನಿಕಿತಾ ತನ್ನ ಸಂಬಂಧಿಗಳ ಮನೆಗೆ ಹೋಗಿದ್ದಾಗ ಈ ಘಟನೆ ನಡೆದಿದೆ. ಮನೆಯ ಮೊದಲ ಮಹಡಿಯಲ್ಲಿರುವ ಅಡುಗೆ ಮನೆಯ ಬಳಿ ತನ್ನ ಒಂದು ವರ್ಷದ ಪುಟ್ಟ ಸೊಸೆಯೊಂದಿಗೆ ಆಟವಾಡುತ್ತಿದ್ದಳು.
ಮಂಗಗಳು ಇದ್ದಕ್ಕಿದ್ದಂತೆ ಮನೆಗೆ ನುಗ್ಗಿ ಅಡುಗೆ ಮನೆಯತ್ತ ಸಾಗಿತು. ಮನೆಯಲ್ಲಿದ್ದ ಕುಟುಂಬದ ಸದಸ್ಯರೆಲ್ಲರೂ ಇನ್ನೊಂದು ಕೋಣೆಯಲ್ಲಿದ್ದರು. ಅವರಿಗೆ ಮಂಗಳು ಒಳಗೆ ಬಂದಿದ್ದರ ಬಗ್ಗೆ ಗೊತ್ತಿರಲಿಲ್ಲ.
ಮಂಗಳು ಅಡುಗೆಮನೆಯಲ್ಲಿ ಪಾತ್ರೆಗಳನ್ನು ಎಸೆಯಲು ಪ್ರಾರಂಭಿಸಿದವು ಮತ್ತು ಅದರಲ್ಲಿ ಒಂದು ಮಂಗ ಹುಡುಗಿಯರ ಬಳಿಗೆ ಬಂದು ದಾಳಿ ಮಾಡಲು ಪ್ರಯತ್ನಿಸಿತು. ಏನಾಗುತ್ತಿದೆ ಎಂದು ಅರ್ಥಮಾಡಿಕೊಳ್ಳಲು ಸಾಧ್ಯವಾಗದ ಪುಟ್ಟ ಮಗು ಕೂಗಲು ಪ್ರಾರಂಭಿಸಿತು. ಈ ವೇಳೆ ನಿಕಿತಾ ಫ್ರಿಡ್ಜ್ ಮೇಲೆ ಇರಿಸಲಾಗಿದ್ದ ʼಅಲೆಕ್ಸಾʼ ಸಾಧನವನ್ನು ಗುರುತಿಸಿ ಅದಕ್ಕೆ ನಾಯಿಯಂತೆ ‘ಬೊಗಳಲು’ ಮಾಡಲು ಆದೇಶಿಸಿದಳು. ಸಾಧನವು ನಂತರ ಜೋರಾಗಿ ಬೊಗಳುವ ಶಬ್ದ ಮಾಡಲು ಆರಂಭಿಸಿತು. ಮಂಗ ನಾಯಿ ಬೊಗಳುವಿಕೆಗೆ ಹೆದರಿ ಅಲ್ಲಿಂದ ಓಡ ಹೋಗಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ