ಹೈದರಾಬಾದ್: ದೇಶವನ್ನು ಕಾಡುತ್ತಿರುವ ಕೊರೊನಾ ವಿರುದ್ಧ ಸದ್ಯಕ್ಕಿರುವ ಪ್ರಬಲ ಆಯುಧ ಲಸಿಕೆ. ಈ ಲಸಿಕೆಯನ್ನು ಬೇಗ ತರಿಸಿಕೊಳ್ಳಲು ತೆಲಂಗಾಣ ಸರ್ಕಾರವು ಈಗ ತಂತ್ರಜ್ಞಾನದ ಮೊರೆ ಹೋಗಿದೆ.
ತೆಲುಗು ಜನಕ್ಕೆ ಲಸಿಕೆಯನ್ನು ಆಗಸದ ಮೂಲಕ ಕೊಡಲು ಯೋಚಿಸಿ ಕಾರ್ಯಗತ ಮಾಡಲು ಹೊರಟಿದೆ. ತೆಲಂಗಾಣ ಸರ್ಕಾರ ಈಗಡ್ರೋಣ್ ಮೂಲಕ ಲಸಿಕೆ ವಿತರಣೆ ಮಾಡುವ ಬಗ್ಗೆ ಪ್ರಾಯೋಗಿಕ ಪರೀಕ್ಷೆಗೆ ತೆಲಂಗಾಣ ಸರ್ಕಾರ ಮುಂದಾಗಿದೆ.
ದೃಷ್ಟಿಗೋಚರ ರೇಖೆಯೊಳಗೆ ಲಸಿಕೆಗಳನ್ನು ಪ್ರಾಯೋಗಿಕವಾಗಿ ತಲುಪಿಸಲು ಡ್ರೋನ್‌ಗಳನ್ನು ಬಳಸಲು ತೆಲಂಗಾಣ ಸರ್ಕಾರಕ್ಕೆ ನಾಗರಿಕ ವಿಮಾನಯಾನ ಸಚಿವಾಲಯ ಶುಕ್ರವಾರ ಅನುಮತಿ ನೀಡಿದೆ. ಈ ಪ್ರಾಯೋಗಿಕ ವಿತರಣೆಯ ಯಾವ ನಿರ್ದಿಷ್ಟ ಲಸಿಕೆ ಭಾಗವಾಗಲಿದೆ ಎಂದು ಸಚಿವಾಲಯದ ಹೇಳಿಕೆಯಲ್ಲಿ ಉಲ್ಲೇಖಿಸಿಲ್ಲ.
ವ್ಯಾಕ್ಸಿನ್ ಸಾಗಾಟಕ್ಕೆ ಡ್ರೋಣ್ ಬಳಸುವ ಬಗ್ಗೆ ನಾಗರಿಕ ವಿಮಾನಯಾನ ಸಚಿವಾಲಯವನ್ನು ಸಿಎಂ ಕೆ.ಚಂದ್ರಶೇಖರ್ ರಾವ್ ಅವರನ್ನು ಸಂಪರ್ಕಿಸಿದೆ. ಈ ಬಗ್ಗೆ ಸಕಾರಾತ್ಮವಾಗಿ ಸ್ಪಂದಿಸಿರುವ ನಾಗರಿಕ ವಿಮಾನಯಾನ ಸಚಿವಾಲಯ ಡ್ರೋಣ್ ಪ್ರಾಯೋಗಿಕ ಬಳಕೆಗೆ ಅನುಮತಿ ನೀಡಿದೆ.
ಟ್ವಿಟ್ಟರ್ನಲ್ಲಿ ಸಚಿವಾಲಯವು ತೆಲಂಗಾಣ ಸರ್ಕಾರಕ್ಕೆ 2021 ರ ಮಾನವರಹಿತ ವಿಮಾನ ವ್ಯವಸ್ಥೆ (ಯುಎಎಸ್) ನಿಯಮಗಳಿಂದ ಷರತ್ತುಬದ್ಧ ವಿನಾಯಿತಿ ನೀಡಿದೆ ಎಂದು ಸಚಿವಾಲಯ ಹೇಳಿದೆ.ಈ ವಿನಾಯಿತಿ ಒಂದು ವರ್ಷದ ಅವಧಿಗೆ ಅಥವಾ ಮುಂದಿನ ಆದೇಶದ ವರೆಗೆ ಮಾನ್ಯವಾಗಿರುತ್ತದೆ.
ಕೋವಿಡ್‌-19 ಲಸಿಕೆ ನೀಡಲು ಡ್ರೋನ್‌ಗಳನ್ನು ಬಳಸುವ ಬಗ್ಗೆ ಕಾರ್ಯಸಾಧ್ಯತಾ ಅಧ್ಯಯನವನ್ನು ನಡೆಸಲು ಏಪ್ರಿಲ್ 22 ರಂದು ಸಚಿವಾಲಯವು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಗೆ (ಐಸಿಎಂಆರ್) ಅನುಮತಿ ನೀಡಿತ್ತು.
ಡ್ರೋಣ್ ಮೂಲಕ ವ್ಯಾಕ್ಸಿನ್ ವಿತರಣೆ ಪ್ರಾಯೋಗಿಕವಾಗಿ ಯಶಸ್ವಿಯಾದರೆ ಮುಂದಿನ ದಿನಗಳಲ್ಲಿ ಜನರು ಇರುವಲ್ಲಿಯೇ ಲಸಿಕೆ ನೇರವಾಗಿ ತರಿಸಬಹುದಾಗಿದೆ.
ಸದ್ಯ ಪ್ರಯೋಗಿಕ ಹಂತದಲ್ಲಿರುವ ಡ್ರೋನ್ ಮೂಲಕ ಕೋವಿಡ್‌ ವ್ಯಾಕ್ಸಿನ್ ಯೋಜನೆ ಯಶಸ್ವಿಯಾದರೆ ಮುಂದಿನ ದಿನಗಳಲ್ಲಿ ಎಲ್ಲ ರಾಜ್ಯಗಳೂ ಇದನ್ನು ಅಳವಡಿಸಲಿವೆ.
ನಿಮ್ಮ ಕಾಮೆಂಟ್ ಬರೆಯಿರಿ