ಆಸ್ಟ್ರೇಲಿಯಾದ ಸ್ಟ್ಯಾಂಡ್-ಇನ್ ನಾಯಕ ಸ್ಟೀವ್ ಸ್ಮಿತ್ ಸ್ಲಿಪ್ ನಲ್ಲಿ ಫೀಲ್ಡಿಂಗ್‌ಗೆ ಹೆಸರುವಾಸಿಯಾಗಿದ್ದಾರೆ. ಭಾನುವಾರ ನಡೆದ ಭಾರತ ವಿರುದ್ಧದ ಎರಡನೇ ODI ಮುಖಾಮುಖಿಯಲ್ಲಿ ಅವರು ಅದ್ಭುತ ಕ್ಯಾಚ್‌ನೊಂದಿಗೆ ಮತ್ತೊಮ್ಮೆ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದರು.
ವೇಗದ ಬೌಲರ್‌ ಮಿಚೆಲ್ ಸ್ಟಾರ್ಕ್ ಐದು ವಿಕೆಟ್‌ಗಳನ್ನು ಪಡೆಯುವ ಮೂಲಕ ಭಾರತವನ್ನು ಕೇವಲ 117 ರನ್‌ಗಳಿಗೆ ಕಟ್ಟಿಹಾಕಿದರು. ಆದರೆ ಮುಖ್ಯ ವಿಷಯವೆಂದರೆ ಹಾರ್ದಿಕ್ ಪಾಂಡ್ಯ ಇನ್ನಿಂಗ್ಸ್ ಅನ್ನು ಕೊನೆಗೊಳಿಸಿದ ಸ್ಟೀವ್ ಸ್ಮಿತ್ ಅವರ ಅದ್ಭುತ ಕ್ಯಾಚ್. ಸೀನ್ ಅಬಾಟ್ ಎಸೆತದಲ್ಲಿ ಪಾಂಡ್ಯ ಬ್ಯಾಟಿನ ಅಂಚನ್ನು ಪಡೆದುಕೊಂಡ ಚೆಂಡು ಸ್ಲಿಪ್‌ನಲ್ಲಿ ಹೋಯಿತು. ಸ್ಮಿತ್ ಬಾಲ್‌ನಿಂದ ತುಂಬಾ ದೂರದಲ್ಲಿದ್ದಂತೆ ತೋರುತ್ತಿತ್ತು. ಆದಾಗ್ಯೂ, ಅನುಭವಿ ಆಸೀಸ್ ಕ್ರಿಕೆಟಿಗ ತನ್ನ ಬಲಕ್ಕೆ ಪೂರ್ಣ ಡೈವ್‌ ಹೊಡೆದು ಒಂದೇ ಕೈಯಲ್ಲಿ ಅದ್ಭುತ ಕ್ಯಾಚ್ ಹಿಡಿದರು.
ಅವರ ಸೂಪರ್‌ಮ್ಯಾನ್ ಪ್ರಯತ್ನವು ಭಾರತದ ನಾಯಕ ರೋಹಿತ್ ಶರ್ಮಾ ಮತ್ತು ಇತರ ಸಹ ಆಟಗಾರರನ್ನು ಡ್ರೆಸ್ಸಿಂಗ್ ರೂಮ್‌ನಲ್ಲಿ ಸಂಪೂರ್ಣವಾಗಿ ದಿಗ್ಭ್ರಮೆಗೊಳಿಸಿತು.ಸ್ಮಿತ್ ಅವರ ಫೀಲ್ಡಿಂಗ್‌ನ ಅದ್ಭುತತೆಯಿಂದ ವೀಕ್ಷಕ ವಿವರಣೆಗಾರರು ಮೂಕವಿಸ್ಮಿತರಾದರು ಮತ್ತು ಭಾರತದ ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ಇದನ್ನು “ಶತಕದ ಕ್ಯಾಚ್” ಗೆ ಪರಿಗಣಿಸಬಹುದು ಎಂದು ಹೇಳಿದರು.
ಭಾನುವಾರ ವಿಶಾಖಪಟ್ಟಣಂನಲ್ಲಿ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ ಆಸ್ಟ್ರೇಲಿಯಾ 26 ಓವರ್‌ಗಳಲ್ಲಿ ಭಾರತವನ್ನು 117 ರನ್‌ಗಳಿಗೆ ಅಲ್ಪ ಮೊತ್ತಕ್ಕೆ ಆಲೌಟ್ ಮಾಡಿತು.
https://twitter.com/i/status/1637401153066467334
ಮಿಚೆಲ್ ಸ್ಟಾರ್ಕ್ 53 ರನ್‌ಗಳಿಗೆ 5 ವಿಕೆಟ್ ಪಡೆದರು. ಸೀನ್ ಅಬಾಟ್ (3/23) ಮತ್ತು ನಾಥನ್ ಎಲ್ಲಿಸ್ (2/13) ಅವರ ಉತ್ತಮ ಪ್ರದರ್ಶನ ನೀಡಿದರು. ಏಕ ದಿನದ ಪಂದ್ಯದಲ್ಲಿ ಸ್ಟಾರ್ಕ್ ಒಂಬತ್ತನೇ ಸಲ ಐದು ವಿಕೆಟ್ ಪಡೆದರು. ಭಾರತೀಯ ಬ್ಯಾಟರ್‌ಗಳಿಗೆ ಚೆಂಡನ್ನು ಸೀಮಿಂಗ್ ಮತ್ತು ಅದ್ಭುತವಾಗಿ ಸ್ವಿಂಗ್ ಮಾಡುವುದರ ಮೂಲಕ ಒಬ್ಬೊಬ್ಬರನ್ನಾಗಿ ಪೆವಿಲಿಯನ್‌ಗೆ ಕಳುಹಿಸಿದರು. ವಿರಾಟ್ ಕೊಹ್ಲಿ (31) ಮತ್ತು ಅಕ್ಷರ್ ಪಟೇಲ್ (ಅಜೇಯ 29) ಮಾತ್ರ 20 ರನ್ ಗಡಿ ದಾಟಿದರು. ಆಸ್ಟ್ರೇಲಿಯಾ ಹತ್ತು ವಿಕೆಟ್‌ಗಳಿಂದ ಜಯಗಳಿಸಿತು.
ನಿಮ್ಮ ಕಾಮೆಂಟ್ ಬರೆಯಿರಿ