ರಾಜನಂದಗಾಂವ್: ಛತ್ತೀಸ್‌ಗಢದ ರಾಜನಂದಗಾಂವ್ ಜಿಲ್ಲೆಯಲ್ಲಿ ರೈತನ ಜರ್ಸಿ ಹಸುವೊಂದು ಮೂರು ಕಣ್ಣಿನ ಕರುವಿಗೆ ಜನ್ಮ ನೀಡಿದೆ ಹಾಗೂ ಅದರ ಮೂಗಿನಲ್ಲಿ ಎರಡು ರಂಧ್ರಗಳ ಬದಲು 4 ರಂಧ್ರಗಳಿವೆ..!
ಮೂರುಕಣ್ಣಿನ ಕರುವನ್ನು ನೋಡಲು ದೂರದ ಗ್ರಾಮಗಳಿಂದ ಜನ ಬರುತ್ತಿದ್ದಾರೆ. ಗ್ರಾಮದ ನಿವಾಸಿಗಳು ಕರುವಿಗೆ ಮಾಲೆ ಹಾಕಿ ಹಾಗೂ ಹಣ ಅರ್ಪಿಸಿ ಮಹಾದೇವನ ರೂಪವೆಂದು ಪೂಜಿಸುತ್ತಿದ್ದಾರೆ. ಮತ್ತೊಂದೆಡೆ, ಭ್ರೂಣವು ಸರಿಯಾಗಿ ಬೆಳವಣಿಗೆಯಾಗದ ಕಾರಣ ಇದು ಉಂಟಾಗುತ್ತದೆ ಎಂದು ಪಶುವೈದ್ಯರು ಹೇಳುತ್ತಾರೆ.
ರಾಜನಂದಗಾಂವ್ ಜಿಲ್ಲೆಯ ಲೋಧಿ ನವಗಾಂವ್‌ನ ಹೇಮಂತ್ ಚಂದೇಲ್ ಅವರಿಗೆ ಸೇರಿದ ಜರ್ಸಿ ಹಸು ಮಕರ ಸಂಕ್ರಾಂತಿಯ ದಿನದಂದು ಹಸು ಮೂರು ಕಣ್ಣುಗಳ ಕರುವಿಗೆ ಜನ್ಮ ನೀಡಿತು. ಒಂದು ಕಣ್ಣು ತಲೆಯ ಮಧ್ಯದಲ್ಲಿದೆ. ಅದರ ಮೂಗಿನಲ್ಲಿ ಎರಡು ರಂಧ್ರಗಳ ಬದಲು 4 ರಂಧ್ರಗಳಿವೆ ಎಂದು ಹೇಳಲಾಗುತ್ತದೆ. ಹಾಗೆಯೇ ಬಾಲವನ್ನು ಜಡೆ ಹಾಕಲಾಗಿದೆ.
ಜನವರಿ 14 ರಂದು ಹಸು ಕರುವಿಗೆ ಜನ್ಮ ನೀಡಿತ್ತು. ಮಕರ ಸಂಕ್ರಾಂತಿಯಾಗಿರುವುದರಿಂದ ಕರುವಿನ ಮೇಲೆ ಎಲ್ಲರ ನಂಬಿಕೆ ಹೆಚ್ಚಿದೆ. ಛತ್ತೀಸ್‌ಗಢದ ರಾಜನಂದಗಾಂವ್ ಜಿಲ್ಲೆಯಲ್ಲಿ 3 ಕಣ್ಣುಗಳ ಕರುವನ್ನು ನೋಡಲು ಜನರು ಸಾಲುಗಟ್ಟಿ ನಿಂತಿದ್ದರು. ಗ್ರಾಮಸ್ಥರು ತೆಂಗಿನಕಾಯಿ, ಹಣತೆ ಅರ್ಪಿಸಿ ಕರುವಿಗೆ ಮಹಾದೇವನ ರೂಪ ಎಂದು ಪೂಜೆ ಸಲ್ಲಿಸುತ್ತಿದ್ದಾರೆ. ಕೆಲವರು ಇದನ್ನು ಧಾರ್ಮಿಕ ನಂಬಿಕೆಗೆ ಜೋಡಿಸುತ್ತಿದ್ದಾರೆ ಮತ್ತು ಕೆಲವರು ಕುತೂಹಲಕ್ಕಾಗಿ ಈ 3 ಕಣ್ಣುಗಳ ಕರುವನ್ನು ನೋಡಲು ಬರುತ್ತಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ