ದಕ್ಷಿಣ ಏಶಿಯಾ ರಾಷ್ಟ್ರಗಳ ಜೊತೆ ಪ್ರತಿ ಮಿಲಿಯನ್‌ಗೆ ಸಾವಿನ ಹೋಲಿಕೆ ಸೂಕ್ತವಲ್ಲ

ನವ ದೆಹಲಿ: ಪ್ರತಿ ದಶ ಲಕ್ಷ ಜನಸಂಖ್ಯೆಗೆ ದಕ್ಷಿಣ ಏಷ್ಯಾದ ಇತರ ದೇಶಗಳಾದ ಬಾಂಗ್ಲಾದೇಶ, ಶ್ರೀಲಂಕಾ ಮತ್ತು ಪಾಕಿಸ್ತಾನಗಳಿಗಿಂತ ಹೆಚ್ಚಿನ COVID-19 ಸಂಬಂಧಿತ ಸಾವುಗಳು ವರದಿಯಾಗಲು  ಅನೇಕ ಅಂಶಗಳು ಕಾರಣವಾಗಿರಬಹುದು ಎಂದು ಸರ್ಕಾರ ಮಂಗಳವಾರ ತಿಳಿಸಿದೆ.

ವೈವಿಧ್ಯಮಯ ಭೌಗೋಳಿಕತೆ, ಪ್ರಕರಣದ ವ್ಯಾಖ್ಯಾನಗಳು,  ಪರೀಕ್ಷೆ ಮತ್ತು ವರದಿ ಮಾಡುವ ಪ್ರೋಟೋಕಾಲ್‌ಗಳಂತಹ ಅಂಶಗಳು ಇರುವುದರಿಂದ  ಎಂದು ಆರೋಗ್ಯ ಸಚಿವ ಅಶ್ವಿನಿ ಕುಮಾರ್ ಚೌಬೆ ಹೇಳಿದರು.

ದಕ್ಷಿಣ ಏಷ್ಯಾದ ಇತರ ದೇಶಗಳಾದ ಬಾಂಗ್ಲಾದೇಶ, ಶ್ರೀಲಂಕಾ ಮತ್ತು ಪಾಕಿಸ್ತಾನಗಳಿಗಿಂತ ಭಾರತದಲ್ಲಿ ಪ್ರತಿ ಮಿಲಿಯನ್ ಜನಸಂಖ್ಯೆಗೆ COVID-19 ಸಂಬಂಧಿತ ಸಾವುಗಳು ಹೆಚ್ಚು ಎಂಬುದು ಸತ್ಯವೇ ಎಂಬ ಪ್ರಶ್ನೆಗೆ ಅವರು ರಾಜ್ಯಸಭೆಯಲ್ಲಿ ಉತ್ತರಿಸಿದರು.

ಹೆಚ್ಚಿನ ಸಂಖ್ಯೆಯ ಪ್ರಕರಣಗಳನ್ನು ವರದಿ ಮಾಡಿದ ದೇಶಗಳ ವಿಶ್ಲೇಷಣೆಯು ಭಾರತದಲ್ಲಿ ಪ್ರತಿ ಮಿಲಿಯನ್ ಜನಸಂಖ್ಯೆಗೆ ಸಾವುಗಳು ಅತ್ಯಂತ ಕಡಿಮೆ ಎಂದು ಸೂಚಿಸುತ್ತದೆ.  ಭಾರತವು ಪ್ರತಿ ಮಿಲಿಯನ್ ಜನಸಂಖ್ಯೆಗೆ 112 ಸಾವುಗಳನ್ನು ದಾಖಲಿಸಿದರೆ, ಯುಎಸ್ 1,347, ಯುಕೆ 1,533, ಸ್ಪೇನ್ 1,247, ಬ್ರೆಜಿಲ್ 1,044 ಮತ್ತು ರಷ್ಯಾ 495 ವರದಿ ಮಾಡಿದೆ ಎಂದು ಚೌಬೆ ತಿಳಿಸಿದರು.