ಪಟಿಯಾಲ ಘರ್ಷಣೆ: ಪ್ರಮುಖ ‘ಮಾಸ್ಟರ್ ಮೈಂಡ್’ ಬರ್ಜಿಂದರ್ ಸಿಂಗ್ ಪರ್ವಾನಾ ಬಂಧನ, ವಿವಾದಗಳು ಈತನಿಗೆ ಹೊಸದಲ್ಲ

ಪಟಿಯಾಲಾ ಘರ್ಷಣೆಯ ಹಿಂದಿನ ಪ್ರಮುಖ ಮಾಸ್ಟರ್ ಮೈಂಡ್ ಮತ್ತು ಪ್ರಮುಖ ಶಂಕಿತ ಬರ್ಜಿಂದರ್ ಸಿಂಗ್ ಪರ್ವಾನಾ ಅವನನ್ನು ಮೊಹಾಲಿಯಲ್ಲಿ ಪೊಲೀಸರು ಭಾನುವಾರ ಬೆಳಿಗ್ಗೆ ಬಂಧಿಸಿದ್ದಾರೆ.
ವರದಿಗಳ ಪ್ರಕಾರ, ಅವರು ಮುಂಬೈನಿಂದ ವಿಸ್ತಾರಾ ವಿಮಾನದಲ್ಲಿ ಬೆಳಿಗ್ಗೆ 7:20 ಕ್ಕೆ ಮೊಹಾಲಿಗೆ ಬಂದ ನಂತರ ಕೇಂದ್ರೀಯ ಗುಪ್ತಚರ ಸಂಸ್ಥೆ (ಸಿಐಎ) ಪಟಿಯಾಲ ಇನ್ಸ್‌ಪೆಕ್ಟರ್ ಶರ್ಮಿಂದರ್ ಸಿಂಗ್ ನೇತೃತ್ವದ ತಂಡವು ಮೊಹಾಲಿ ವಿಮಾನ ನಿಲ್ದಾಣದಲ್ಲಿ ಪರ್ವಾನಾನನ್ನು ಬಂಧಿಸಿತು. ರಾಜಪುರದ ನಿವಾಸಿ ಪರ್ವಾನಾ ಚಂಡೀಗಢ ವಿಮಾನ ನಿಲ್ದಾಣದ ಕಡೆಗೆ ಹೋಗುತ್ತಿದ್ದಾಗ ಪೊಲೀಸರು ಬಂಧಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ”ಇದುವರೆಗೆ ಒಟ್ಟು ಆರು ಆರೋಪಿಗಳನ್ನು ಬಂಧಿಸಲಾಗಿದೆ. ಸಮಾಜ ವಿರೋಧಿ ಮತ್ತು ದೇಶ ವಿರೋಧಿಗಳ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವಂತೆ ಮುಖ್ಯಮಂತ್ರಿ ಆದೇಶಿಸಿದ್ದಾರೆ ಎಂದು ಐಜಿ-ಪಟಿಯಾಲ ಮುಖ್ವಿಂದರ್ ಸಿಂಗ್ ಚೀನಾ ಹೇಳಿದ್ದಾರೆ.

ಪಟಿಯಾಲ ಘರ್ಷಣೆಯ ಪ್ರಮುಖ ಆರೋಪಿ ಬರ್ಜಿಂದರ್ ಸಿಂಗ್ ಪರ್ವಾನಾ ವಿವಾದಗಳಿಗೆ ಹೊಸಬರಲ್ಲ, ಅವರು ದಮ್ದಾಮಿ ತಕ್ಸಲ್ ಜಾಥಾ ರಾಜಪುರದ ಸಿಖ್ ಸೆಮಿನರಿಯ ಸ್ವಯಂ-ಘೋಷಿತ ಮುಖ್ಯಸ್ಥರಾಗಿದ್ದಾರೆ ಮತ್ತು ಪ್ರಸ್ತುತ ಬರ್ಜಿಂದರ್ ಸಿಂಗ್ ವಿರುದ್ಧ ನಾಲ್ಕು ಎಫ್ಐಆರ್‌ಗಳು ದಾಖಲಾಗಿವೆ. ಪರ್ವಾನಾ ವಿರುದ್ಧ ಈ ಹಿಂದೆ ದಾಖಲಾಗಿರುವ ಪ್ರಕರಣಗಳಲ್ಲಿ ಕೊಲೆ ಯತ್ನ, ಶಸ್ತ್ರಾಸ್ತ್ರ ಕಾಯ್ದೆ, ಬೆದರಿಕೆ ಮತ್ತು ವಿಪತ್ತು ನಿರ್ವಹಣಾ ಕಾಯ್ದೆ ಉಲ್ಲಂಘನೆ ಸೇರಿವೆ.
ಬರ್ಜಿಂದರ್ ಸಿಂಗ್ ಪರ್ವಾನಾ ಶುಕ್ರವಾರ ಗುಂಪನ್ನು ಪ್ರಚೋದಿಸಿದ್ದಾರೆ ಎಂದು ಪಟಿಯಾಲ ಶ್ರೇಣಿಯ ಇನ್ಸ್‌ಪೆಕ್ಟರ್ ಜನರಲ್ (ಐಜಿ) ಮುಖವಿಂದರ್ ಸಿಂಗ್ ಚೀನಾ ಹೇಳಿದ್ದಾರೆ. “ಪರ್ವಾನಾ ಎಲ್ಲಾ ಹಿಂಸಾಚಾರದ ಹಿಂದೆ ಮಾಸ್ಟರ್ ಮೈಂಡ್ ಆಗಿರುವ ಪ್ರಮುಖ ಆರೋಪಿಯಾಗಿದ್ದಾನೆ. ಕಾನೂನು ಮತ್ತು ಸುವ್ಯವಸ್ಥೆ ಸಮಸ್ಯೆ ಸೃಷ್ಟಿಸಲು ಹೊಣೆಗಾರರಾಗಿದ್ದಾನೆ” ಎಂದು ಚೀನಾ ಹೇಳಿದ್ದಾರೆ.

ಏಪ್ರಿಲ್ 29 ರಂದು ಪಟಿಯಾಲದಲ್ಲಿ ಹಿಂಸಾಚಾರ ಸಂಭವಿಸಿದ್ದು, ಸ್ಥಳೀಯ ಶಿವಸೇನಾ ನಾಯಕರು ಸಂಘಟಿಸಿದ್ದ ಖಲಿಸ್ತಾನ್ ವಿರೋಧಿ ರ್ಯಾಲಿಯಲ್ಲಿ ಎರಡು ಗುಂಪುಗಳ ನಡುವೆ ಘರ್ಷಣೆಗಳು ನಡೆದವು.
ಇನ್‌ಸ್ಪೆಕ್ಟರ್ ಶಮೀಂದರ್ ಸಿಂಗ್ ನೇತೃತ್ವದ ಸಿಐಎ ಪಟಿಯಾಲ ತಂಡ ಭಾನುವಾರ ಬೆಳಗ್ಗೆ ಮೊಹಾಲಿ ವಿಮಾನ ನಿಲ್ದಾಣದಲ್ಲಿ ಬರ್ಜಿಂದರ್ ಸಿಂಗ್ ಪರ್ವಾನಾನನ್ನು ಬಂಧಿಸಿದೆ.

ಬರ್ಜಿಂದರ್ ಸಿಂಗ್ ಪರ್ವಾನಾ ಯಾರು?
ರಾಜಪುರದ ದಾಮ್‌ದಾಮಿ ತಕ್ಸಲ್ ಜಾಥಾದ ಸ್ವಯಂ-ಘೋಷಿತ ಮುಖ್ಯಸ್ಥ ಬರ್ಜಿಂದರ್ ಸಿಂಗ್ ಪರ್ವಾನಾ ತನ್ನ ಸಾಮಾಜಿಕ ಮಾಧ್ಯಮ ಪ್ರೊಫೈಲ್‌ಗಳಲ್ಲಿ ಸಿಖ್ ಉಗ್ರಗಾಮಿಗಳನ್ನು ಉತ್ತೇಜಿಸುವ ಇತಿಹಾಸವನ್ನು ಹೊಂದಿದ್ದಾನೆ. ಆಗಾಗ್ಗೆ ಸಿಖ್ ಉಗ್ರಗಾಮಿ ಜರ್ನೈಲ್ ಸಿಂಗ್ ಭಿಂದ್ರನ್‌ವಾಲೆ ಪರವಾಗಿ ವೀಡಿಯೊಗಳು ಮತ್ತು ಹೇಳಿಕೆಗಳನ್ನು ಪ್ರಕಟಿಸುತ್ತಾನೆ.

2007ರಲ್ಲಿ ಸಿಂಗಾಪುರಕ್ಕೆ ಹೋಗಿ 17 ತಿಂಗಳು ಕಳೆದು ಹಿಂದಿರುಗಿದ ನಂತರ, ಪರ್ವಾನಾ ಧಾರ್ಮಿಕ ಪ್ರವಚನಗಳನ್ನು ನೀಡಲು ಪ್ರಾರಂಭಿಸಿದ ಮತ್ತು ರಾಜಪುರದಲ್ಲಿ ದಮ್ದಾಮಿ ತಕ್ಸಲ್ ಜಾಥಾ ಪ್ರಾರಂಭಿಸಿದ್ದಾನೆ.
ಶಿವಸೇನಾ ನಾಯಕ ಸುಧೀರ್ ಸೂರಿ ದೂರು ನೀಡಿದ ನಂತರ ಮೊಹಾಲಿ ಪೊಲೀಸರು ಜುಲೈ 2021 ರಲ್ಲಿ ಈತನನ್ನು ಬಂಧಿಸಲಾಗಿತ್ತು. ಭಾರತೀಯ ದಂಡ ಸಂಹಿತೆಯ (ಐಪಿಸಿ) ಸೆಕ್ಷನ್ 153 (ಗಲಭೆ ಉಂಟು ಮಾಡುವ ಉದ್ದೇಶದಿಂದ ಪ್ರಚೋದನೆ), 505 (ಸಾರ್ವಜನಿಕ ಕಿಡಿಗೇಡಿತನಕ್ಕೆ ಕಾರಣವಾಗುವ ಹೇಳಿಕೆಗಳು) ಮತ್ತು 120 (ಜೈಲು ಶಿಕ್ಷೆಯೊಂದಿಗೆ ಶಿಕ್ಷೆಗೆ ಗುರಿಯಾಗುವ ಯೋಜನೆಗಳನ್ನು ಮರೆಮಾಚುವುದು) ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
ಬಾರ್ಜಿಂದರ್ ಸಿಂಗ್ ಪರ್ವಾನಾ ಪ್ರಸ್ತುತ ನಾಲ್ಕು ಎಫ್‌ಐಆರ್‌ಗಳನ್ನು ಎದುರಿಸುತ್ತಿದ್ದಾನೆ, ಇದರಲ್ಲಿ ನ್ಯಾಯಾಲಯವು ವಿಚಾರಣೆಗೆ ಪ್ರಕ್ರಿಯೆಗಳನ್ನು ಪ್ರಾರಂಭಿಸಿದೆ ಎಂದು ಐಜಿ ಪಟಿಯಾಲಾ ವ್ಯಾಪ್ತಿಯ ಮುಖ್ವಿಂದರ್ ಸಿಂಗ್ ಚೀನಾ ಹೇಳಿದ್ದಾರೆ.
ಖಲಿಸ್ತಾನಿ ಗುಂಪುಗಳೊಂದಿಗೆ ಆತನ ಸಂಪರ್ಕವನ್ನು ತನಿಖೆ ಮಾಡಲು ಪೊಲೀಸರು ಪ್ರಯತ್ನಿಸುತ್ತಿದ್ದಾರೆ.