ನವದೆಹಲಿ: ಕಾಂಗ್ರೆಸ್ ಪಕ್ಷ ಮಂಗಳವಾರ ಲೋಕಸಭೆ ಚುನಾವಣೆಗೆ 17 ಅಭ್ಯರ್ಥಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಆಂಧ್ರಪ್ರದೇಶದ ಕಾಂಗ್ರೆಸ್ ರಾಜ್ಯಾಧ್ಯಕ್ಷೆ ವೈ.ಎಸ್. ಶರ್ಮಿಳಾ ರೆಡ್ಡಿ ಅವರಿಗೆ ಆಂಧ್ರಪ್ರದೇಶದ ಕಡಪಾ ಕ್ಷೇತ್ರದಿಂದ ಟಿಕೆಟ್ ನೀಡಲಾಗಿದೆ. ಇತ್ತೀಚಿನ ಪಟ್ಟಿಯಲ್ಲಿ ಒಡಿಶಾದಿಂದ ಎಂಟು ಅಭ್ಯರ್ಥಿಗಳು, ಆಂಧ್ರಪ್ರದೇಶದಿಂದ ಐದು ಅಭ್ಯರ್ಥಿಗಳು, ಬಿಹಾರದಿಂದ ಮೂವರು ಮತ್ತು ಪಶ್ಚಿಮ ಬಂಗಾಳದಿಂದ ಒಬ್ಬ ಅಭ್ಯರ್ಥಿ ಸೇರಿದ್ದಾರೆ.
ಬಿಹಾರದಲ್ಲಿ ಮಹಾಮೈತ್ರಿಕೂಟದೊಂದಿಗೆ ಸೀಟು ಹಂಚಿಕೆ ಒಪ್ಪಂದದ ಭಾಗವಾಗಿ ಕಾಂಗ್ರೆಸ್ ಪಡೆದ ಒಂಬತ್ತು ಸ್ಥಾನಗಳ ಪೈಕಿ, ಪಕ್ಷವು ಕಿಶನ್‌ಗಂಜ್, ಕತಿಹಾರ್ ಮತ್ತು ಭಾಗಲ್ಪುರದಲ್ಲಿ ಅಭ್ಯರ್ಥಿಗಳನ್ನು ಘೋಷಿಸಿದೆ. ಕಿಶನ್‌ಗಂಜ್ ಲೋಕಸಭಾ ಕ್ಷೇತ್ರದಿಂದ ಕಾಂಗ್ರೆಸ್ ಸಂಸದ ಮೊಹಮ್ಮದ್ ಜಾವೇದ್ ಅವರನ್ನು ಕಣಕ್ಕಿಳಿಸಲಾಗಿದ್ದು, ಹಿರಿಯ ನಾಯಕ ತಾರಿಕ್ ಅನ್ವರ್ ಕತಿಹಾರ್‌ನಿಂದ ಕಣಕ್ಕಿಳಿದಿದ್ದಾರೆ. ಭಾಗಲ್ಪುರ ಲೋಕಸಭಾ ಕ್ಷೇತ್ರದಿಂದ ಕಾಂಗ್ರೆಸ್ ಶಾಸಕ ಅಜೀತ್ ಶರ್ಮಾ ಸ್ಪರ್ಧಿಸಲಿದ್ದಾರೆ. ಆಂಧ್ರಪ್ರದೇಶದ ಕಾಕಿನಾಡದಿಂದ ಮಾಜಿ ಶಿಕ್ಷಣ ಸಚಿವ ಎಂ.ಎಂ.ಪಲ್ಲಂ ರಾಜು ಅವರನ್ನು ಕಣಕ್ಕಿಳಿಸಲು ಕಾಂಗ್ರೆಸ್ ನಿರ್ಧರಿಸಿದೆ.
ಮಾಜಿ ಲೋಕಸಭಾ ಸದಸ್ಯ ಸಂಜಯ ಭೋಯ್ ಅವರು 2009 ರಿಂದ 2014 ರವರೆಗೆ ಪ್ರತಿನಿಧಿಸಿದ್ದ ಒಡಿಶಾದ ಬರ್ಗಢದಿಂದ ಸ್ಪರ್ಧಿಸಲು ಕಾಂಗ್ರೆಸ್ ಟಿಕೆಟ್ ನೀಡಲಾಗಿದೆ. ಪಶ್ಚಿಮ ಬಂಗಾಳದಲ್ಲಿ ಘೋಷಿಸಲಾದ ಏಕೈಕ ಅಭ್ಯರ್ಥಿ ಡಾ ಮುನಿಶ್ ತಮಾಂಗ್ ಅವರು ಡಾರ್ಜಿಲಿಂಗ್ ನಿಂದ ಕಣಕ್ಕಿಳಿಯಲಿದ್ದಾರೆ.
17 ಅಭ್ಯರ್ಥಿಗಳ ಪಟ್ಟಿ
ಆಂಧ್ರ ಪ್ರದೇಶ:
ಕಾಕಿನಾಡ – ಎಂ.ಎಂ.ಪಲ್ಲಂ ರಾಜು
ರಾಜಮಂಡ್ರಿ – ಗಿಡುಗು ರುದ್ರರಾಜು
ಬಾಪಟ್ಲಾ (ಎಸ್‌ಸಿ) – ಜೆಡಿ ಶೀಲಂ
ಕರ್ನೂಲ್ – ಪಿ.ಜಿ.ರಾಮಪುಲ್ಲಯ್ಯ ಯಾದವ್
ಕಡಪ – ವೈ.ಎಸ್. ಶರ್ಮಿಳಾ ರೆಡ್ಡಿ
ಬಿಹಾರ:
ಕಿಶನ್‌ಗಂಜ್ – ಮೊಹಮ್ಮದ್ ಜಾವೇದ್
ಕತಿಹಾರ – ತಾರಿಕ್ ಅನ್ವರ್
ಭಾಗಲ್ಪುರ – ಅಜೀತ್ ಶರ್ಮಾ
ಒಡಿಶಾ:
ಬರ್ಗಢ್ (ST) – ಸಂಜಯ ಭೋಯ್
ಸುಂದರಗಢ್ (ST) – ಜನಾರ್ದನ ದೆಹುರಿ
ಬೋಲಂಗಿರ್ – ಮನೋಜ ಮಿಶ್ರಾ
ಕಲಹಂಡಿ – ದ್ರೌಪದಿ ಮಾಝಿ
ನಬರಂಗಪುರ (ST) – ಭುಜಬಲ ಮಝಿ
ಕಂಧಮಾಲ – ಅಮೀರಚಂದ ನಾಯಕ್
ಬರ್ಹಾಂಪುರ – ರಶ್ಮಿ ರಂಜನ ಪಟ್ನಾಯಕ್
ಕೋರಾಪುಟ್ (ಎಸ್ ಟಿ) – ಸಪ್ತಗಿರಿ ಶಂಕರ ಉಲಕ
ಪಶ್ಚಿಮ ಬಂಗಾಳ:
ಡಾರ್ಜಿಲಿಂಗ್ – ಡಾ ಮುನೀಶ ತಮಾಂಗ್
ನಿಮ್ಮ ಕಾಮೆಂಟ್ ಬರೆಯಿರಿ