ನವದೆಹಲಿ: ಜನಪ್ರಿಯ ಸಾಮಾಜಿಕ ಜಾಲತಾಣ ‘ಎಕ್ಸ್’ (ಟ್ವಿಟರ್‌) ನಲ್ಲಿ ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ ಫಾಲೋವರ್‌ಗಳ ಸಂಖ್ಯೆ 100 ಮಿಲಿಯನ್ (10 ಕೋಟಿ) ದಾಟಿದೆ.
ಈ ಮೂಲಕ ಮೋದಿ ಅವರು ಎಕ್ಸ್‌ನಲ್ಲಿ ಅತಿ ಹೆಚ್ಚು ಫಾಲೋವರ್‌ಗಳನ್ನು ಹೊಂದಿದವರಲ್ಲಿ ಜಾಗತಿಕವಾಗಿ ಏಳನೇ ಸ್ಥಾನ ಪಡೆದಿದ್ದಾರೆ. ಭಾರತದಲ್ಲಿ ಮೊದಲನೇ ಸ್ಥಾನ ಪಡೆದಿದ್ದಾರೆ. ಅಲ್ಲದೆ, ವಿಶ್ವದ ರಾಜಕೀಯ ನಾಯಕರ ಪೈಕಿ ಅತಿ ಹೆಚ್ಚು ಫಾಲೋವರ್‌ಗಳನ್ನು ಹೊಂದಿರುವ ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ನಂತರ ಎರಡನೇ ಸ್ಥಾನ ಪಡೆದಿದ್ದಾರೆ.
ಜಾಗತಿಕವಾಗಿ ಎಕ್ಸ್‌ನಲ್ಲಿ ಅತಿ ಹೆಚ್ಚು ಫಾಲೋವರ್‌ಗಳನ್ನು ಹೊಂದಿರುವವರು
ಎಲಾನ್ ಮಸ್ಕ್ -188 ಮಿಲಿಯನ್ (18.8 ಕೋಟಿ)
ಬರಾಕ್ ಒಬಾಮಾ -131ಮಿಲಿಯನ್ (13.1 ಕೋಟಿ)
ಕ್ರಿಸ್ಟಿಯಾನೊ ರೊನಾಲ್ಡೊ -112 ಮಿಲಿಯನ್ (11.2 ಕೋಟಿ)
ಜಸ್ಟಿನ್ ಬೀಬರ್ -110 ಮಿಲಿಯನ್ (11.0 ಕೋಟಿ)
ರಿಹಾನಾ -108 ಮಿಲಿಯನ್ (10.8 ಕೋಟಿ)
ಕೇಟ್ ಪೆರ್ರಿ -106 ಮಿಲಿಯನ್ (10.6 ಕೋಟಿ)
ನರೇಂದ್ರ ಮೋದಿ -100 ಮಿಲಿಯನ್ (10 ಕೋಟಿ)
ಟೇಲರ್ ಸ್ವಿಫ್ಟ್ -95 ಮಿಲಿಯನ್ (9.5 ಕೋಟಿ)
ಡೋನಾಲ್ಡ್ ಟ್ರಂಪ್ 87 ಮಿಲಿಯನ್ (8.7 ಕೋಟಿ)
ಲೇಡಿ ಗಾಗಾ -83 ಮಿಲಿಯನ್ (8.3 ಕೋಟಿ)
ಭಾರತದಲ್ಲಿ, ಅವರು ತಮ್ಮ ರಾಜಕೀಯ ಪ್ರತಿಸ್ಪರ್ಧಿಗಳಿಗಿಂತ ಮುಂದಿದ್ದಾರೆ. ಮೋದಿ ಹೊರತಾಗಿ ಅರವಿಂದ ಕೇಜ್ರಿವಾಲ್ -27.5 ಮಿಲಿಯನ್ (2.75 ಕೋಟಿ), ಅಖಿಲೇಶ್ ಯಾದವ್ (19.9 ಮಿಲಿಯನ್), ರಾಹುಲ್ ಗಾಂಧಿ 26.4 ಮಿಲಿಯನ್ (2.64 ಕೋಟಿ), ಮಮತಾ ಬ್ಯಾನರ್ಜಿ-7.4 ಮಿಲಿಯನ್ (74 ಲಕ್ಷ), ಲಾಲು ಯಾದವ್-6.3 ಮಿಲಿಯನ್ (63 ಲಕ್ಷ) ತೇಜಸ್ವಿ ಯಾದವ್- 5.2 ಮಿಲಿಯನ್ (52 ಲಕ್ಷಗಳು) ಮತ್ತು ಶರದ್ ಪವಾರ್-2.9 ಮಿಲಿಯನ್ (29 ಲಕ್ಷ) ಫಾಲೋವರ್‌ಗಳನ್ನು ಹೊಂದಿದ್ದಾರೆ.
ಅಲ್ಲದೆ ಪ್ರಧಾನಿ ಮೋದಿಯವರು ಪ್ರಧಾನಿ ವಿರಾಟ್ ಕೊಹ್ಲಿ (64.1 ಮಿಲಿಯನ್), ನೇಮರ್ ಜೂನಿಯರ್ (63.6 ಮಿಲಿಯನ್), ಮತ್ತು ಲೆಬ್ರಾನ್ ಜೇಮ್ಸ್ (52.9 ಮಿಲಿಯನ್), ಟೇಲರ್ ಸ್ವಿಫ್ಟ್ (95.3 ಮಿಲಿಯನ್), ಲೇಡಿ ಗಾಗಾ (83.1 ಮಿಲಿಯನ್) ಮತ್ತು ಸೆಲೆಬ್ರಿಟಿಗಳಿಗಿಂತ ಅನುಯಾಯಿಗಳನ್ನು ಹೊಂದಿದ್ದಾರೆ. ಭಾರತದ ಪ್ರಧಾನಿ ಕಚೇರಿ ಎಕ್ಸ್‌ನಲ್ಲಿ ಅತಿ ಹೆಚ್ಚು ಫಾಲೋವರ್‌ಗಳನ್ನು ಹೊಂದಿರುವುದರಲ್ಲಿ ಜಾಗತಿಕವಾಗಿ 23 ನೇ ಸ್ಥಾನದಲ್ಲಿದೆ. ವಿರಾಟ್ ಕೊಹ್ಲಿ 19 ನೇ ಸ್ಥಾನದಲ್ಲಿದ್ದಾರೆ.
ಪ್ರಧಾನಿ ಮೋದಿ ಅವರ ಎಕ್ಸ್ ಖಾತೆಯು ಕಳೆದ ಮೂರು ವರ್ಷಗಳಲ್ಲಿ ಸುಮಾರು 30 ಮಿಲಿಯನ್ (3 ಕೋಟಿ) ಬಳಕೆದಾರರ ಬೃಹತ್ ಬೆಳವಣಿಗೆಯನ್ನು ದಾಖಲಿಸಿದೆ. ಅವರ ಪ್ರಭಾವವು ಯೂಟ್ಯೂಬ್ ಮತ್ತು ಇನ್‌ಸ್ಟಾಗ್ರಾಮ್‌ಗೆ ವಿಸ್ತರಿಸಿದೆ, ಅವರು ಯೂಟ್ಯೂಬ್ ನಲ್ಲಿ ಸುಮಾರು 25 ಮಿಲಿಯನ್ (2.5 ಕೋಟಿ) ಚಂದಾದಾರರನ್ನು ಮತ್ತು ಇನ್‌ಸ್ಟಾಗ್ರಾಮ್‌ ನಲ್ಲಿ 91 ಮಿಲಿಯನ್(9.1 ಕೋಟಿ)ಗಿಂತಲೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ.
2009 ರಲ್ಲಿ ವೇದಿಕೆಗೆ ಸೇರಿದಾಗಿನಿಂದ, ಪ್ರಧಾನಿ ಮೋದಿ ಸಾಮಾಜಿಕ ವೇದಿಕೆಯಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದಾರೆ.
ಮೈಲಿಗಲ್ಲು ಸಾಧನೆಗೆ ಪ್ರತಿಕ್ರಿಯಿಸಿದ ಪ್ರಧಾನಿ ಮೋದಿ ಪೋಸ್ಟ್ ಮಾಡಿದ್ದು, ಎಕ್ಸ್‌ನಲ್ಲಿ ನೂರು ಮಿಲಿಯನ್! ಈ ರೋಮಾಂಚಕ ಮಾಧ್ಯಮದಲ್ಲಿರಲು ಮತ್ತು ಚರ್ಚೆ, ಒಳನೋಟಗಳು, ಜನರ ಆಶೀರ್ವಾದಗಳು, ರಚನಾತ್ಮಕ ಟೀಕೆಗಳು ಮತ್ತು ಹೆಚ್ಚಿನದನ್ನು ಪಾಲಿಸಲು ಸಂತೋಷವಾಗಿದೆ. ಭವಿಷ್ಯದಲ್ಲಿಯೂ ಸಮಾನವಾಗಿ ತೊಡಗಿಸಿಕೊಳ್ಳುವ ಸಮಯವನ್ನು ಎದುರು ನೋಡುತ್ತಿದ್ದೇನೆ ಎಂದು ಅವರು ಬರೆದಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ